BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

پروكۋراتۋرالىق تەكسەرۋدىڭ ارقاسىندا مەديسينالىق مەكەمەلەردىڭ قىزمەت قۇنى تومەندەتىلدى

فوتو: pavon.kz

الماتى قالاسىنىڭ پروكۋراتۋراسى مەديسينالىق مەكەمەلەردىڭ قىزمەت ۇسىنۋ زاڭدىلىعىنا تالداۋ جۇرگىزدى، ناتيجەسىندە 23 مەديسينالىق مەكەمە قىزمەت قۇنىن تومەندەتتى، دەپ حابارلايدى baq.kz اقپارات اگەنتتىگى.

پروكۋراتۋرانىڭ دەرەگىنشە، جۇرگىزىلگەن جۇمىستار ناتيجەسىندە تۋبەركۋلەزگە قارسى ديسپانسەردىڭ تۇرعىندارعا بەرەتىن مەديسينالىق انىقتاماسىنىڭ قۇنى ەكى ەسەگە، ياعني 500-دەن 250 تەڭگەگە دەيىن تومەندەتىلگەن.

«تالداۋ بارىسىندا 22 مەديسينالىق مەكەمەنىڭ مەديسينالىق انىقتاما بەرۋ قىزمەتتەردىڭ وزىندىك قۇنىن نەگىسسىز جوعارىلاتقانى انىقتالدى»، - دەلىنگەن حابارلامادا.

پروكۋراتۋرا ەنگىزگەن اكتىلەر كورسەتىلەتىن قىزمەتتەردىڭ قۇنىن تومەندەتۋگە جانە الىپ تاستاۋعا مۇمكىندىك بەرگەن.

«مىسالى، باسقا جاقتان كەلگەن ازاماتتارعا ٴسپيد-تىڭ الدىن الۋ جانە ونىمەن كۇرەس جونىندەگى ورتالىقپەن بەرىلەتىن انىقتاما ٴۇشىن 650 تەڭگە مولشەرىندەگى تولەم الىنىپ تاستالدى. ناركولوگيالىق ورتالىقپەن بەرىلەتىن انىقتامالار قۇنى 250-دەن 180 تەڭگەگە دەيىن، ال پسيحيكالىق دەنساۋلىق ورتالىعى – 250-دەن 205 تەڭگەگە تومەندەتىلدى»،- دەلىنگەن حابارلامادا.

سونىمەن قاتار، 19 ەمحانادا تۇرعىنداردان تالاپ ەتىلەتىن 083 جانە 086 نىساندارىنىڭ قۇنى ايتارلىقتاي ازايتىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي