BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

پاۆلوداردا جۇرەگىنە ٴتورت ساعات بويى وتا جاسالعان نارەستە ۇيىنە ورالدى

فوتو: автор

پاۆلودار، baq.kz ٴتىلشىسى. ەرتىس ٴوڭىرىنىڭ كارديوحيرۋرگتەرى شەتەلدىك ارىپتەستەرىمەن يىق تىرەستىرە الاتىندارىن تاعى ٴبىر مارتە دالەلدەدى. اق جەلەڭدىلەر جۇرەگىنە اسا سيرەك دياگنوز قويىلعان نارەستەگە ٴتورت ساعات بويى وتا جاسادى. جەتى ايلىق سەمەيلىك قىز بالا ۇيىنە ورالدى.

ٴبىر اي بۇرىن زەمفيرا تروفيموۆانىڭ ٴحالى كۇرت ناشارلاپ كەتكەن. دابىل قاققان اتا-انالارى سەمەيدەگى اۋرۋحانالاردىڭ بىرىنە بارىپ، جۇرەككە ۋلترادىبىستىق زەرتتەۋ جۇرگىزگەن. ماماندار قىز بالانىڭ تۋا بىتكەن سىرقاتى بارىن ايتىپ، ومىرىنە ەش ٴقاۋىپ جوق ەكەنىن جەتكىزىپتى. الايدا بالانىڭ جاعدايى ناشارلاي بەرگەن.

«الدىمەن دەمىكپە پايدا بولىپ، كەيىن سالماق قوسۋدى توقتاتتى. كوڭىل-كۇيى بولماي قالدى. كۇندەردىڭ كۇنىندە قالامىزعا پاۆلودارلىق كارديوحيرۋرگتەر كەلىپ، پاسيەنتتەردى قابىلدادى. ٴبىز دە جۇرتتان قالماي، تەكسەرىلدىك. ناتيجەسىندە قىزىمنىڭ جۇرەگىنە سيرەك كەزدەسەتىن دياگنوز قويىپ، جەدەل تۇردە حيرۋرگيالىق ارەكەت ەتۋ شەشىمى قابىلداندى. ٴبىز پاۆلودارعا كەلىپ، وتا جاساتتىق. مىنە، ەكى اپتا جانساقتاۋ بولىمىندە جاتىپ، ەمدەلىپ شىقتىق. ۇيدە اكەسى يۋريي مەن اعاسى شىڭعىس كۇتىپ وتىر. دارىگەرلەرگە ايتار العىسىم شەكسىز»، - دەيدى اناسى دينارا تورەبايەۆا.

زەمفيرا - تروفيموۆتار وتباسىنداعى ەكىنشى بالا. دينارا تورەبايەۆا اراعى 20 جىل سالىپ ەكىنشى رەت قۇرساق كوتەرگەن.

فوتو: اۆتور

پاۆلودار وبلىستىق كارديولوگيالىق ورتالىعى تۋا بىتكەن جۇرەك سىرقاتى ٴبولىمىنىڭ مەڭگەرۋشىسى تيمۋر رايىمحانوۆاتىڭ ايتۋىنشا، بۇل جۇرەك اۋرۋى جاڭا تۋعان بالالاردىڭ 0،2%-دا عانا كەزدەسەدى.

«ەلىمىزدە ورتاشا ەسەپپەن 3000 بالا دۇنيەگە كەلسە، وسىنداي سيرەك پاتولوگيا بىر-ەكى نارەستەدە عانا انىقتالادى. ونى انىقتاۋ ٴۇشىن كەشەندى جوعارى مامانداندىرىلعان مەديسينالىق تەكسەرىس قاجەت. بىرەگەي وپەراسيا كەشەندى ٴتۇردى ٴبىرىنشى رەت وتكىزىلدى. بۇل – العاشقى تاجىريبەمىز. وپەراسيا بارىسىندا بالا اعزاسىنىڭ تەمپەراتۋراسىن تومەندەتىپ، جۇرەكتەگى قان اينالىمىن توقتاتتىق. زەمفيرانىڭ ٴومىرى ٴۇشىن ٴتورت ساعات بويى كۇرەستىك»، - دەيدى دارىگەر.

قازىرگى تاڭدا كارديولوگيالىق ورتالىقتا جۇرەك وپەراسيالارىنىڭ 50 ٴتۇرى جاسالادى. ماماندار كەشەن اشىلعالى بەرى كوپتەگەن وتانى ورىنداۋدىڭ ادىس-تاسىلدەرىن مەڭگەرگەن. ماماندار لاتۆيا، يزرايل ەلدەرىندە بولىپ، تاجىريبەلەرىن مولايتقان.

«التى جىلدىڭ ىشىندە 25 يننوۆاسيالىق تەحنولوگيا ەنگىزىلىپ، دۇنيەجۇزىلىك دەنساۋلىق ساقتاۋ ۇيىمىنىڭ ستاردارتتارىنا سايكەس كوروناگرافيالىق زەرتتەۋلەر جۇرگىزىلۋدە. وسى ۋاقىت ارالاعىندا 19 مىڭنان استام ادام ەمدەلىپ، جازىلىپ كەتتى. ٴبىز ەرەسەكتەر مەن 700 گرامدىق نارەستەلەردىڭ دە جۇرەگىن ەمدەيمىز. وزىق تەحنولوگيالار مەن قۇرال-جابدىقتار بار»، - دەيدى ماماندار.

ايتا كەتەيىك، ورتالىقتا التى جىلدىڭ ىشىندە 15 مىڭنان استام وپەراسيا جاسالدى. ولاردىڭ ٴ700-ى نارەستەلەردىڭ تۋا بىتكەن جۇرەك سىرقاتىن ەمدەۋگە باعىتتالعان. بۇگىندە وڭىردە بىرنەشە ەمدەۋ مەكەمەسى شوعىرلانعان تۇتاس كارديوحيرۋرگيالىق كلاستەر بار. ەمدەلۋشىلەردىڭ قاتارىندا شەتەلدىك ازاماتتار بارشىلىق. بۇل ٴوز كەزەگىندە مەديسينالىق ٴتۋريزمدى دامىتۋعا جول اشپاق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي