BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

وسكەمەندە سەروزدى مەنينگيت تىركەلدى

فوتو: Atameken Business Channel

استانا، baq.kz. وبلىستا، ونىڭ ىشىندە وسكەمەندە ەنتەروۆيرۋستى ٴسىرلى (سەروزنىي) مەنينگيتتىڭ ٴبىرلى-جارىم جاعدايلارى تىركەلدى. ەلىمىزدە اتالمىش جۇقپالى دەرتكە قاتىستى جاعداي تۇراقسىز بولىپ تۇرعاندىقتان ٴارى مەنينگيتتىڭ ەپيدەميالىق ٴورشۋ مەرزىمى كەلگەندىكتەن ماماندار جۇقپالى دەرتتىڭ بەلگىلەرىن، ونىڭ الدىن الۋ شارالارىن تاعى ٴبىر ەسكە سالادى. بۇل تۋرالى altaynews.kz ٴتىلشىسى حابارلايدى.

وسكەمەن قالالىق قوعامدىق دەنساۋلىق ساقتاۋ باسقارماسىنىڭ باسشىسى ميحايل دەريابيننىڭ تۇسىندىرۋىنشە، جۇقپالى دەرتتىڭ قوزدىرۋشىسى – ەنتەروۆيرۋس توبىنا جاتاتىن ىشەك ۆيرۋستارى، سىرتقى ورتادا ٴوزىن وتە قولايلى سەزىنۋمەن ەرەكشەلەنەدى. سۋىق تەمپەراتۋرانى جاقسى كوتەرەدى. توڭازىتقىشتا بىرنەشە اپتا بويى ساقتالۋى مۇمكىن. سۋ قۇبىرىنداعى سۋدا 18 تاۋلىككە دەيىن، وزەندە ٴبىر ايعا جۋىق، ازىق-تۇلىكتەردە، تۇرمىستىق زاتتاردا ٴبىر ايدان استام ۋاقىت ٴومىر سۇرەدى. ال مۇزداتىلعان جاعدايدا ەنتروۆيرۋستاردىڭ بەلسەندىلىگى بىرنەشە جىلعا دەيىن ساقتالادى ەكەن. +50ºس تەمپەراتۋرادا عانا ولار اۋرۋشاڭدىق بەلگىلەرىن جويا باستايدى، ال +70ºس-تا تولىق جويىلادى.

جۇقپانى تاراتۋشىلار – ۆيرۋستى جۇقتىرعاندار، سونداي-اق ەشقانداي سيمپتومى بىلىنبەيتىن تۇرىمەن اۋىرعاندار. كوبىنەسە بالالار اۋىرادى.

ۆيرۋس لاس سۋمەن، قولدىڭ كىرىمەن، جۋىلماعان كوكونىس-جەمىستەرمەن، بالالاردىڭ ويىنشىقتارى ارقىلى تارالۋى مۇمكىن، ەگەر اۋىزدارىنا سالاتىن بولسا. تۇشكىرىپ-جوتەلگەندە دە اۋا ارقىلى جۇعادى.

دەرتتىڭ جاسىرىن مەرزىمى 2-10 كۇنگە سوزىلادى. العاشقى بەلگىلەرى: دەنە قىزۋىنىڭ كوتەرىلۋى، اۋىس قۋىسىنىڭ جاراسى، اياق پەن قولدارعا بورتپە شىعۋ، انگينا، بۇلشىق ەتتەر مەن ٴىشتىڭ اۋىرسىنۋى، تۇماۋ تييۋ، جوتەل.

اسقىنىپ كەتكەن ەنرەروۆيرۋستى جۇقپا ولىمگە اكەلىپ سوعۋى مۇمكىن. سونىمەن قاتار ميدىڭ قابىنۋى دا ىقتيمال.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي