BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

مۇمكىندىگى شەكتەۋلى بالالار ٴۇشىن اربا ارنايى ازىرلەنەتىن بولدى

استانا، baq.kz. «اسىل بالا» رەسپۋبليكالىق قاۋىمداستىعىنا قارايتىن «اسىل بالا» جانە «spina bifida» قوعامدىق قورلارى قر ەڭبەك جانە حالىقتى الەۋمەتتىك قورعاۋ ٴمينيسترى مادينا ابىلقاسىموۆامەن كەزدەستى.

spina bifida - بۇل تاعى ٴبىر اتى جامان اۋرۋ. قازاقستاندا 254 ٴبۇلدىرشىن وسى دەرتكە تۋماسىنان شالدىققان. بالعىنداردىڭ دەنساۋلىعىن وڭالتۋ كەزىندە كوپتەگەن قيىندىقتار كەزدەسەدى. ولاردى شەشۋ جولدارىن ۇسىنىپ، مۇگەدەكتەر ارباسىنا قاتىستى ماسەلەنى ٴبىرجاقتى ەتۋ ماقساتىندا، «اسىل بالا» رەسپۋبليكالىق قاۋىمداستىعىنا قارايتىن «اسىل بالا» جانە «spina bifida» قوعامدىق قورلارى قر ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ابىلقاسىموۆامەن كەزدەستى.

مينيسترمەن نەگىزگى ٴۇش باعىت بويىنشا پروبلەمالار تالقىلاندى. ماسەلەن، جەرگىلىكتى اكىمدىكتەر بيۋجدەتتەن اقشا ٴبولىپ، مۇمكىندىگى شەكتەۋلى جاندارعا ارنالعان اربانى ساتىپ الادى. بۇرىن بەرىلگەن اربالار، اسىرەسە، بۇلدىرشىندەر ٴۇشىن وتە قولايسىز. سەبەبى، ٴار بالانىڭ سالماعى، بويى جانە دياگنوزى ٴار ٴتۇرلى.

ج ۇلىن جانە ومىرتقا دامۋىندا كۇردەلى كەمىستىگى بار بالالار مەملەكەت تاراپىنان بەرىلىپ جۇرگەن اربالاردى پايدالانسا، اۋرۋى ودان سايىن اسقىنادى: ومىرتقاسى قيسايىپ، دەنەسىندە ويىقتار پايدا بولادى. سوندىقتان، اربانى بالانىڭ ەرەكشەلىكتەرىنە سايكەس، ينديۆيدۋالدى تۇردە دايىنداۋ وتە ماڭىزدى.

ول ٴۇشىن، ٴار اتا-انا مەملەكەت قارجىسىنان ٴوز بالاسىنا ارباعا تاپسىرىس بەرە الاتىنداي، مونەتيزاسيا جۇيەسىن ويلاستىرۋ قاجەت. وكىنىشكە قاراي، مۇنداي اربالاردى تەك شەتەلدە دايىندايدى.

ٴمادينا ٴابىلقاسىموۆا ايتىلعان ماسەلەلەردى مۇقيات تىڭداپ، «اسىل بالا» رەسپۋبليكالىق قاۋىمداستىعى وكىلدەرىنىڭ ٴوتىنىشىن قولدايتىنىن ايتتى. سونداي-اق، ارباعا قاتىستى ماسەلەنى تۇبەگەيلى شەشۋ ٴۇشىن ارنايى كوميسسيا قۇرۋ تۋرالى شەشىم قابىلداندى.

بۇدان باسقا، «اسىل بالا» جانە «spina bifida» قوعامدىق قورلارى مەن قر ەڭبەك جانە حالىقتى الەۋمەتتىك قورعاۋ مينيسترلىگىنىڭ وكىلدەرى بىرىگىپ، «اتامەكەن» قر ۇكپ-عا ەلىمىزدە مۇمكىندىگى شەكتەۋلى ازاماتتار ٴۇشىن اربا دايىندايتىن زاۋىت اشۋعا قاتىستى ٴوتىنىم جاسايتىنىن مالىمدەدى.

ٴسىز دە وسى جاعدايعا قاتىستى پروبلەمانى كوتەرگىڭىز كەلسە، حابارلاسىڭىزدار. حاتتارىڭىزدى director.asylbala@gmail.com پوشتاسىنا جىبەرىڭىزدەر.

ايتا كەتەيىك، «اسىل بالا» قوعامدىق قورى قايىرىمدىلىق ماقساتىندا «عۇمىر ٴۇشىن»، «ٴبىلىم جولى» ينتەللەكتۋالدى مارافونى»، «كۇن الەمى» وڭالتۋ ورتالىعى» جانە «بالالار – ٴبىزدىڭ بولاشاعىمىز» جوبالارى اياسىندا، قايىرىمدىلىق ماقساتىندا وبىر اۋرۋىنا شالدىققان بۇلدىرشىندەرگە، داۋن سيندرومىنا دۋشار بولعان بوبەكتەرگە جانە زاعيپ بالالاردى ەمدەۋگە اتسالىسادى. سونداي-اق، «umc» كق انا مەن بالا ۇلتتىق عىلىمي ورتالىعىنىڭ ٴتورت ونكولوگيا بولىمشەسىنە قارجىلاي-ماتەريالدىق كومەك كورسەتەدى، بىلىمدەرىن ەرەكشە دامىتۋدى قاجەت ەتەتىن دارىندى بالالاردى وقىتۋ مەن ولاردىڭ جان-جاقتى دامۋىنا باعىتتالعان جوبالارعا قارجىلاي قولداپ كەلەدى.

ودان وزگە، «اسىل بالا» قوعامدىق قورى وبىرعا شالدىعىپ، ەلىمىزدىڭ ٴار ايماعىنان استانا قالاسىنا ەمدەلۋگە كەلگەن بالالار مەن ولاردىڭ اتا-اناسىن ٴوز قاراۋىنداعى پانسيوناتقا تەگىن جايعاستىرادى جانە اۆتوكولىكپەن قامتيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي