BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

قۇزىرلى ورگان مەشىتتەردەگى ازان دىبىسى قانشا دەسيبەلدەن اسپاۋى كەرەكتىگىن ايتتى

ازان شاقىرۋ مۇسىلمان ٴداستۇرىنىڭ اجىراماس بولىگى بولىپ تابىلادى. دەگەنمەن سوڭعى ۋاقىتتا قازاقستان رەسپۋبليكاسىنىڭ ٴدىن ىستەرى جانە ازاماتتىق قوعام مينيسترلىگىنە مەشىتتەردەگى ازاننىڭ دىبىس دەڭگەيىن رەتتەۋگە قاتىستى كوپتەگەن ٴوتىنىش كەلىپ تۇسۋدە، دەپ حابارلايدى baq.kz اقپارات اگەنتتىگى.

وسى تۇرعىدا ٴدىن ىستەرى كوميتەتى قازاقستان مۇسىلماندارى ٴدىني باسقارماسىمەن جانە وبلىستاردىڭ، استانا مەن الماتى قالالارى ٴدىن ىستەرى جونىندەگى باسقارمالارمەن بىرلەسىپ، مەشىتتەردەگى ازاننىڭ دىبىس دەڭگەيىن تۇرعىن ٴۇي جانە باسقا ٴۇي-جايلاردى، قوعامدىق عيماراتتاردى ۇستاۋعا جانە پايدالانۋعا ارنالعان سانيتارلىق-ەپيدەميولوگيالىق تالاپتارعا سايكەستەندىرۋ ماقساتىندا ٴتۇسىندىرۋ جۇمىستارىن جۇرگىزۋدە.

اتالعان تالاپتارعا سايكەس، پاتەرلەردىڭ بولمەلەرىنە شۋدىڭ ەنۋ نورمالارى ساعات تاڭعى 7.00 دەن تۇنگى 23.00-گە دەيىن 55-تەن 70 دبا (دەسيبەل)، ال، ساعات 23.00 دەن 7.00-گە دەيىن 45-تەن 60 دبا(دەسيبەل) بولۋ قاجەتتىگى كورسەتىلگەن.

ٴوز كەزەگىندە، قازاقستان مۇسىلماندارى ٴدىني باسقارماسى ٴدىن ىستەرى جانە ازاماتتىق قوعام مينيسترلىگىنىڭ ۇسىنىمدارىن جانە ازاننىڭ دىبىس ىرعاعىن اسىرماۋعا قاتىستى سانيتارلىق-ەپيدەميولوگيالىق تالاپتاردى ۇستانادى.

جوعارىدا ايتىلعاندارعا بايلانىستى مەشىتتەردىڭ باسشىلىعىن سانيتارلىق-ەپيدەميولوگيالىق تالاپتاردىڭ نورمالارىن ساقتاۋعا جانە تۇرعىنداردى ەگەر ولاردىڭ ارەكەتى قولدانىستاعى زاڭناماعا قايشى كەلمەسە، ٴدىني راسىمدەرگە تۇسىنىستىكپەن قاراۋعا شاقىرامىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي