BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

مەديسينالىق ساقتاندىرۋ قورى جىل باسىنان بەرى ۇيىمدارعا 500 ملرد تەڭگە بولگەن

فوتو: ашық дереккөзден

مەديسينالىق ساقتاندىرۋ قورى جىل باسىنان بەرى مەديسينا ۇيىمدارىنا 497،5 ملرد تەڭگە تولەگەن، دەپ حابارلايدى baq.kz اقپارات اگەنتتىگى.

«الەۋمەتتىك مەديسينالىق ساقتاندىرۋ قورى» كەاق جىل باسىنان بەرى قازاقستانداعى مەديسينا ۇيىمدارىنا 497،5 ملرد تەڭگە كولەمىندە قارجى ٴبولدى. اتالعان قارجى كەپىلدەندىرىلگەن كومەك شەڭبەرىندە حالىققا تەگىن قىزمەت كورسەتكەن ەمدەۋ مەكەمەلەرىنە 6 قىركۇيەككە دەيىن اۋدارىلعان. بۇل - كەپىلدەندىرىلگەن تەگىن مەديسينالىق كومەك شەڭبەرىندە بەكىتىلگەن كەلىسىمشارتتاردىڭ جالپى سوماسىنىڭ 65 پايىزى»، - دەدى مەديسينالىق ساقتاندىرۋ قورى باسقارما ٴتوراعاسىنىڭ مىندەتىن اتقارۋشى بوتاگوز جاقسەلەكوۆا.

ماماننىڭ ايتۋىنشا، كەپىلدەندىرىلگەن كومەك جانە مىندەتتى الەۋمەتتىك مەديسينالىق ساقتاندىرۋ پاكەتتەرىنىڭ قارجىلىق وپەراتورى بولىپ سانالاتىن قور ەمدەۋ مەكەمەلەرىمەن كەپىلدەندىرىلگەن تەگىن مەديسينالىق كومەك پاكەتى شەڭبەرىندە حالىققا تەگىن كومەك كورسەتۋ جونىندە كەلىسىمشارتتار بەكىتكەن بولاتىن. بەكىتىلگەن كەلىسىمشارتتاردىڭ جالپى سوماسى - 768،4 ملرد تەڭگە.

«جۇمىس كەستەگە ساي، مەديسينالىق قىزمەت ساپاسىن باقىلاۋدىڭ جاڭا تالاپتارىنا سايكەس ٴجۇرىپ جاتىر. بولىنگەن قاراجات مەديسينا مەكەمەلەرىنىڭ وپەراسيالىق شىعىندارىن وتەۋگە جەتكىلىكتى»، - دەدى ب.جاقسەلەكوۆا.

ەستەرىڭىزگە سالا كەتسەك، بۇگىنگى تاڭدا قور مەملەكەتتىك تاپسىرىس بويىنشا قىزمەت كورسەتۋگە نيەت بىلدىرگەن 1365 مەديسينا ۇيىمىمەن كەلىسىمشارت بەكىتكەن. ونىڭ ٴ623-ى – جەكەمەنشىك كلينيكالار. بيىل جەكە كلينيكالار سانى 2017 جىلمەن سالىستىرعاندا 158-گە كوبەيگەن. ال، ولارمەن بەكىتىلگەن كەلىسىمشارت سوماسى وتكەن جىلعىدان 2 ەسە ارتىپ، 110،6 ملرد تەڭگەنى قۇراعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي