BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

مەديسينالىق ساقتاندىرۋ قورى حالىققا تەگىن قىزمەت كورسەتكەن مەديسينا ۇيىمدارىنا قارجى ٴبولدى

فوتو: Atameken Business Channel

«الەۋمەتتىك مەديسينالىق ساقتاندىرۋ قورى» كەاق جىل باسىنان بەرى قازاقستانداعى مەديسينا ۇيىمدارىنا 396،9 ملرد تەڭگە كولەمىندە قارجى ٴبولدى، دەپ حابارلايدى baq.kz اقپارات اگەنتتىگى قوردىڭ ٴباسپاسوز قىزمەتىنە سىلتەمە جاساپ.

حابارلاماعا سۇيەنسەك، شىلدەنىڭ 9-ىنا دەيىن قورمەن كەلىسىمشارت بەكىتكەن مەديسينا مەكەمەلەرىنە 396،9 ملرد تەڭگە بەرىلگەن.

«بۇل – كەپىلدەندىرىلگەن تەگىن مەديسينالىق كومەك (تمككك) شەڭبەرىندە كومەك كورسەتۋ جونىندە بەكىتىلگەن كەلىسىمشارتتردىڭ جالپى سوماسىنىڭ 56 پايىزى»، - دەدى مسق باسقارما ٴتوراعاسىنىڭ ورىنباسارى بوتاگوز جاقسەلەكوۆا.

تمككك جانە ٴمامس پاكەتتەرىنىڭ قارجىلىق وپەراتورى بولىپ سانالاتىن قور ەمدەۋ مەكەمەلەرىمەن تمككك پاكەتى شەڭبەرىندە حالىققا تەگىن كومەك كورسەتۋ جونىندە كەلىسىمشارتتار بەكىتكەن بولاتىن. بەكىتىلگەن كەلىسىمشارتتاردىڭ جالپى سوماسى 704،5 ملرد تەڭگە.

«جۇمىس كەستەگە ساي، مەديسينالىق قىزمەت ساپاسىن باقىلاۋدىڭ جاڭا تالاپتارىنا سايكەس جۇرگىزىلىپ جاتىر. بولىنگەن قاراجات مەديسينا مەكەمەلەرىنىڭ وپەراسيالىق شىعىندارىن وتەۋگە جەتكىلىكتى»، - دەدى ب.جاقسەلەكوۆا.

ەستەرىڭىزگە سالا كەتسەك، بۇگىنگى تاڭدا قور مەملەكەتتىك تاپسىرىس بويىنشا قىزمەت كورسەتۋگە نيەت بىلدىرگەن 1359 مەديسينا ۇيىمىمەن كەلىسىمشارت بەكىتكەن. ونىڭ 599-ى – جەكە مەنشىك كلينيكالار. بيىل جەكە كلينيكالار سانى 2017 جىلمەن سالىتىرعاندا 138-گە كوبەيگەن. ال، ولارمەن بەكىتىلگەن كەلىسىمشارت سوماسى وتكەن جىلعىدان 2 ەسە ارتىپ، 93،5 ملرد تەڭگەنى قۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي