BAQ.kz - Қазақстан жаңалықтары USD 361.66 BAQ.kz - Қазақстан жаңалықтары EUR 409.51 BAQ.kz - Қазақстан жаңалықтары RUB 5.41
استانا:

مەديسينالىق ساقتاندىرۋ قورى حالىققا تەگىن قىزمەت كورسەتكەن ۇيىمدارعا 444 ملرد تەڭگە ٴبولدى

فوتو: kursiv.kz

مەديسينالىق ساقتاندىرۋ قورى جىل باسىنان بەرى مەملەكەتتىك تاپسىرىس شەڭبەرىندە حالىققا تەگىن قىزمەت كورسەتكەن مەديسينا ۇيىمدارىنا 444،6 ملرد تەڭگە تولەدى، دەپ حابارلايدى baq.kz اقپارات اگەنتتىگى.

«الەۋمەتتىك مەديسينالىق ساقتاندىرۋ قورى» كەاق جىل باسىنان بەرى قازاقستانداعى مەديسينا ۇيىمدارىنا 444،6 ملرد تەڭگە كولەمىندە قارجى ٴبولدى»، - دەدى قوردىڭ باسقارما ٴتوراعاسىنىڭ ورىنباسارى بوتاگوز جاقسەلەكوۆا.

ونىڭ ايتۋىنشا، مەديسينالىق ساقتاندىرۋ قورى 3 تامىزعا دەيىن بۇل قارجىنى مەملەكەتتىك تاپسىرىس شەڭبەرىندە قىزمەت كورسەتكەن ەمدەۋ ۇيىمدارىنا اۋدارعان.

«بۇل – كەپىلدەندىرىلگەن تەگىن مەديسينالىق كومەك (تمككك) شەڭبەرىندە بەكىتىلگەن كەلىسىمشارتتاردىڭ جالپى سوماسىنىڭ 63 پايىزى»، - دەدى ب.جاقسەلەكوۆا.

تمككك جانە مەديسينالىق ساقتاندىرۋ قورى پاكەتتەرىنىڭ قارجىلىق وپەراتورى بولىپ سانالاتىن قور ەمدەۋ مەكەمەلەرىمەن تمككك پاكەتى شەڭبەرىندە حالىققا تەگىن كومەك كورسەتۋ جونىندە كەلىسىمشارتتار بەكىتكەن بولاتىن. بەكىتىلگەن كەلىسىمشارتتاردىڭ جالپى سوماسى 708،6 ملرد تەڭگە.

«جۇمىس كەستەگە ساي، مەديسينالىق قىزمەت ساپاسىن باقىلاۋدىڭ جاڭا تالاپتارىنا سايكەس ٴجۇرىپ جاتىر. بولىنگەن قاراجات مەديسينا مەكەمەلەرىنىڭ وپەراسيالىق شىعىندارىن وتەۋگە جەتكىلىكتى»، - دەدى بوتاگوز جاقسەلەكوۆا.

ەستەرىڭىزگە سالا كەتسەك، بۇگىنگى تاڭدا قور مەملەكەتتىك تاپسىرىس بويىنشا قىزمەت كورسەتۋگە نيەت بىلدىرگەن 1352 مەديسينا ۇيىمىمەن كەلىسىمشارت بەكىتكەن. ونىڭ ٴ603-ى – جەكەمەنشىك كلينيكالار. بيىل جەكە كلينيكالار سانى 2017 جىلمەن سالىستىرعاندا 138-گە كوبەيگەن. ال، ولارمەن بەكىتىلگەن كەلىسىمشارت سوماسى وتكەن جىلعىدان 2 ەسە ارتىپ، 102،4 ملرد تەڭگەنى قۇرادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي