BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

قازاقستاندىقتار ٴۇشىن 23 ملرد تەڭگەگە قوسىمشا دارىلەر ساتىپ الىنادى

فوتو: ашық дереккөзден

ٴبىرىڭعاي ديستريبۋسيا جۇيەسى ارقىلى دارىلەردى ساتىپ الۋ كەزىندە ۇنەمدەلگەن 23 ملرد. تەڭگە قوسىمشا دارى-دارمەكتەردى ساتىپ الۋعا باعىتتالادى. قر دەنساۋلىق ساقتاۋ مينيسترلىگىنىڭ بيۋدجەتتىك كوميسسياسى وسىنداي شەشىم قابىلدادى، دەپ حابارلايدى baq.kz اقپارات اگەنتتىگى.

بۇگىندە ايماقتار تەگىن دارىلىك قامتاماسىز ەتۋ تىزىمىنەن تاپشىلىق كورىپ وتىرعان بارلىق پرەپاراتتارعا قوسىمشا تاپسىرىس بەرە الادى. بۇل ۇنەمدەۋ ورتالىقتاندىرۋ ناتيجەسىندە انىقتالعان بارلىق ەمدەلمەگەن ناۋقاستارعا مەديسينالىق كومەك كورسەتۋدى قامتاماسىز ەتەدى.

«امبۋلاتوريالىق دارىلىك قامتاماسىز ەتۋدى ورتالىقتاندىرۋ ٴقازىر بارلىق ديسپانسەرلىك پاسيەنتتەردىڭ تەگىن دارى-دارمەكتەرمەن قامتىلماعانىن كورسەتتى. ٴقازىر بارلىق قامتىلماعان پاسيەنتتەردى ەسەپكە الا وتىرىپ، مەديسينالىق ۇيىمدارعا دارى-دارمەكتەرگە قوسىمشا وتىنىمدەر جاساۋعا مۇمكىندىك بەرىلەدى»، - دەدى سق-فارماسيا» جشس باسقارما ٴتوراعاسىنىڭ مىندەتىن اتقارۋشى بەرىك ٴشارىپ.

سونىمەن قاتار، ول 23 ملرد تەڭگە كولەمىندەگى ايتارلىقتاي ۇنەمدەۋ امبۋلاتوريالىق دارىلىك قامتاماسىز ەتۋدى ورتالىقتاندىرۋدىڭ ارقاسىندا ەكەنىن اتاپ ٴوتتى.

«بۇكىل رەسپۋبليكا بويىنشا ساتىپ الىنعان كولەمدەردى بىرىكتىرۋ ارقىلى باعانى ايتارلىقتاي تومەندەتۋگە، سونداي-اق ٴبىرىڭعاي ديستريبيۋتوردىڭ ساتىپ الۋ تەتىكتەرى، سونىڭ ىشىندە زاۋىت-وندىرۋشىلەردەن تىكەلەي حالىقارالىق ۇيىمدار ارقىلى ٴدارىنى ساتىپ الۋ مۇمكىندىكتەرىنە، سونداي-اق باعانى تومەندەتۋ اۋكسيونى ناتيجەسىندە قول جەتكىزىلدى»، - دەدى ٴبىرىڭعاي ديستريبيۋتور باسشىسى.

وسى ۇنەمدەۋدىڭ نەگىزىندە دەنساۋلىق ساقتاۋ باسقارمالارىنان ٴبىرىڭعاي ديستريبيۋتورعا ٴاربىر مەديسينالىق ۇيىمدار ٴۇشىن پرەپاراتتارعا ٴقازىردىڭ وزىندە الدىن-الا ٴوتىنىم جىبەرىلدى. ەندى قر دەنساۋلىق ساقتاۋ مينيسترلىگىنىڭ بيۋدجەتتىك كوميسسياسىنىڭ كەلىسىمى بويىنشا مەديسينالىق ۇيىمدارمەن شارتتار جاسالادى، ال شىلدە ايىندا سول بويىنشا ولارعا دارىلەردى جەتكىزۋ باستالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي