BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قازاقستاندىقتار ەكى اي بويى قالاعان ەمحاناسىنا تىركەلە الادى

فوتو: zhanaru.kz

ەرتەڭ، 15 قىركۇيەكتە ەلىمىزدە ەمحاناعا تىركەۋ ناۋقانى باستالادى. بۇل تۋرالى ارنايى بريفينگتە «əلەۋمەتتىك مەديسينالىق ساقتاندىرۋ قورى» قەاق باسقارما ٴتوراعاسىنىڭ مىندەتىن اتقارۋشى بوتاگوز جاقسەلەكوۆا ايتتى، دەپ حابارلايدى baq.kz ٴتىلشىسى.

بوتاگوز جاقسەلەكوۆانىڭ ايتۋىنشا، ٴ15-شى قىركۇيەكتە ەلىمىزدە باستالاتىن ەمحاناعا تىركەلۋ ناۋقانى ەكى ايعا سوزىلادى. وسىلايشا، جىل سايىنعى ٴداستۇرلى شارا 15-قاراشادا اياقتالادى.

«ناۋقاننىڭ ماقساتى – قارالىپ جۇرگەن ەمحاناسىنا كوڭىلى تولمايتىن ازاماتتارعا ەمدەۋ مەكەمەسىن اۋىستىرۋعا مۇمكىندىك بەرۋ. سونداي-اق، بۇل شارا نارىققا جاڭادان قوسىلعان مەديسينا ۇيىمدارىنىڭ كەلەر جىلى حالىققا قىزمەت كورسەتۋگە تاپسىرىس الۋىنا جاعداي جاساۋ ماقساتىندا وتكىزىلەدى. بىلتىرعى تىركەۋ ناۋقانى بارىسىندا 300 مىڭنان استام قازاقستاندىق ازامات ەمحانا تاڭداۋ قۇقىعىن پايدالانعان بولاتىن. بۇل الدىڭعى جىلدارداعى كورسەتكىشتەردەن ەكى ەسە كوپ. ياعني، وسىدان حالىقتىڭ تىركەۋ ناۋقانىنا قىزىعۋشىلىعىنىڭ ارتقانىن كورۋگە بولادى»، - دەدى جاقسەلەكوۆا.

قور باسشىسىنىڭ ايتۋىنشا، وتباسىلىق قىزمەت كورسەتۋ جəنە مەديسينالىق-سانيتارلىق كومەكتىڭ قولجەتىمدىلىگى پرينسيپتەرىن ىسكە اسىرۋ ٴۇشىن ەمحانانىڭ ۇيگە جاقىن ماڭدا بولعانى دۇرىس.

«وعان قوسا، دارىگەرلەرگە تۇسەتىن جۇكتەمە مەن ەمحانالارداعى كەزەكتى ازايتۋ ماقساتىندا تىركەۋ شەگى بەلگىلەنىپ وتىر. ول بويىنشا 1 جالپى پراكتيكا دəرىگەرىنە تىركەلەتىن ادام سانى 1700-دەن اسپاۋى ٴتيىس. بۇرىن بىزدە ٴبىر دəرىگەر 2 مىڭ ادامعا قىزمەت كورسەتەتىن»، - دەدى بوتاگوز جاقسەلەكوۆا.

مسق مەديسينالىق كومەكتى پايدالانۋشىلارمەن جۇمىس جəنە مەملەكەتتىك ورگاندارمەن بايلانىس جونىندەگى باسقارۋشى ديرەكتورى زابيرا ورازəليەۆانىڭ ايتۋىنشا، ازاماتتار ەمحاناعا ٴۇش جولمەن تىركەلە الادى.

«ولار تاڭداپ العان مەديسينا ۇيىمىنا تىكەلەي بارىپ، ەلەكتروندى ۇكىمەت پورتالى ارقىلى ونلاين رەجيمدە جəنە حالىققا قىزمەت كورسەتۋ ورتالىقتارى ارقىلى تىركەلە الادى. ەمحانا ارقىلى تىركەلۋ ٴۇشىن جەكە كۋالىك پەن باس دəرىگەردىڭ اتىنا جازىلعان ٴوتىنىش تالاپ ەتىلەدى. ال egov.kz پورتالى ارقىلى تىركەلۋ ٴۇشىن جۇيەگە كىرىپ، ەلەكتروندى ٴوتىنىمدى تولتىرۋ كەرەك. قىزمەت ناتيجەسى ٴوتىنىش بەرۋشىنىڭ جەكە كابينەتىنە جولدانادى. حقكو ارقىلى تىركەلۋ ٴۇشىن connection point ٴبولىمىنىڭ قىزمەتىن پايدالانۋعا بولادى»، - دەدى ورازəليەۆا.

مامانداردىڭ مالىمەتىنشە، حالىقتى تىركەۋمەن اينالىساتىن ەمحانالاردىڭ ٴتىزىمى əلەۋمەتتىك مەديسينالىق ساقتاندىرۋ قورىنىڭ fms.kz سايتىنداعى «كلينيكا تاڭداۋ» بولىمىندە ورنالاسقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي