BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

استانادا مەديسينالىق ۇيىمدار 11 مىڭنان استام كەمشىلىككە جول بەرگەن

فوتو: Atameken Business Channel

«الەۋمەتتىك مەديسينالىق ساقتاندىرۋ قورى» كەاق-نىڭ استانا قالاسى بويىنشا فيليالى جىل باسىنان بەرى كەلىسىمشارت بەكىتكەن 79 مەديسينا ۇيىمىنا 42،9 ملرد تەڭگەدەن استام قارجى تولەدى. بۇل كەپىلدەندىرىلگەن تەگىن مەديسينالىق كومەك شەڭبەرىندە كومەك كورسەتۋ جونىندە بەكىتىلگەن كەلىسىمشارتتاردىڭ جالپى سوماسىنىڭ 51 پايىزى، دەپ حابارلايدى baq.kz اقپارات اگەنتتىگى.

بۇل تۋرالى ٴامسق استانا قالاسى بويىنشا فيليالىنىڭ ديرەكتورى ن.قابدىقاپاروۆ مالىمدەدى.

حالىققا كورسەتىلىپ جاتقان مەديسينالىق قىزمەت ساپاسىن قامتاماسىز ەتۋ جانە پاسيەنتتەر قۇقىعىن قورعاۋ ماقساتىندا قالالىق فيليالدىڭ ساراپشىلارى ۇنەمى مونيتورينگ جۇرگىزىپ وتىرادى. جۇرگىزىلگەن جۇمىستاردىڭ ناتيجەسى بويىنشا، ٴى جارتىجىلدىقتا بارلىعى 106 مىڭعا جۋىق ناۋقاستى ەمدەۋ بارىسىندا 11 مىڭنان اسا (197 ملن تەڭگە) كەمشىلىكتەر انىقتالدى. بۇل كەمشىلىكتەردىڭ 22 پروسەنتى مەديسينالىق قىزمەت قۇنىن نەگىزسىز كوتەرۋ، 17 پروسەنتى – ەمدەۋ-دياگنوستيكا شارالارىن جۇرگىزۋ ستاندارتتارىنان اۋىتقۋ سالدارىنان پايدا بولعان.

سونىمەن قاتار، جىل باسىنان بەرى جوعارى تەحنولوگيالى مەديسينالىق قىزمەت تۇرلەرىن كورسەتەتىن جەتكىزۋشىلەرگە، گەمودياليز ورتالىقتارىنا مونيتورينگ جۇرگىزىلدى. 2018 جىلدىڭ سوڭىنا دەيىن قان ورتالىقتارىنا، ونكولوگيالىق قىزمەتتەرگە، وڭالتۋ، پاللياتيۆتىك كومەك، سونداي-اق ەمحانالىق-امبۋلاتورلىق كومەككە مونيتورينگ جاساۋ جوسپارلانعان. ال قىزمەتتەردى ساتىپ الۋ جونىندەگى كەلىسىمشارتتى بۇزعانى ٴۇشىن قالالىق فيليال 3 مەديسينا ۇيىمىمەن اراداعى كەلىسىمشارتتى توقتاتتى. ولارمەن بەكىتىلگەن كەلىسىمشارت سوماسى 222 ملن تەڭگەدەن اسادى.

«ستاسيونارلىق جانە ستاسيوناردى الماستىراتىن كومەك كورسەتەتىن جەتكىزۋشىلەردىڭ جۇمىسىن كۇن سايىن ٴبىزدىڭ ساراپشىلار «مەديسينالىق قىزمەتتەردىڭ ساپاسىن باقىلاۋ جۇيەسى ارقىلى» باقىلاپ وتىرادى، ال ەمحانالىق-امبۋلاتورلىق كومەك، جەدەل مەديسينالىق جاردەم، الەۋمەتتىك -مەديسينالىق كومەك (تۋبەركۋلەز، ناركولوگيا، پسيحياتريا، ۆيچ/سپيد)، پاتولوگو-اناتوميالىق دياگنوستيكا، قان جانە ونىڭ قۇرامداس بولىكتەرىن دايارلاۋ قىزمەتىن كورسەتەتىن جەتكىزۋشىلەردىڭ جۇمىسىن ساراپشىلار تىكەلەي بارىپ تەكسەرەدى»، - دەدى ن.قابدىقاپاروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي