BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

قازاقستان تۋبەركۋلەزدەن ٴقاۋىپسىز ەلدەر قاتارىندا – دارىگەر

فوتو: Автор

تۋبەركۋلەزبەن كۇرەستە مەملەكەت تاراپىنان ۇلكەن قولداۋ كورسەتىلىپ وتىر. بۇل جايىندا قازاقستان رەسپۋبليكاسى فتيزيوپۋلمونولوگيا ۇلتتىق عىلىمي ورتالىعىنىڭ ديرەكتورى ماليك ادەنوۆ باق وكىلدەرىمەن كەزدەسۋ بارىسىندا ايتتى، دەپ حابارلايدى baq.kz ٴتىلشىسى.

تۋبەركۋلەز دەرتىن ەمدەۋ مەكەمەلەرى ەلىمىز تاۋەلسىزدىك العان جىلدارى قيىن كەزەڭدى باستان كەشىرگەن. دەگەنىمەن 1998 جىلى ەلباسىنىڭ تۋبەركۋلەزبەن كۇرەس جونىندەگى العاشقى بۇيرىعى شىققان جانە وعان بيىل 20 جىل تولىپ وتىر. وسى ارالىقتا مەملەكەت تاراپىنان بۇل سالاعا جۇيەلى تۇردە قولداۋ كورسەتىلىپ كەلەدى.

«ٴبىزدىڭ ورتالىق بارلىق تۋبەركۋلەزدى ەمدەۋمەن اينالىساتىن مەديسينالىق ۇيىمدارعا كومەك كورسەتەتىن رەسپۋبليكالىق مەكەمە. تەك تۋبەركۋلەز ديسپانسەرلەرى عانا ەمەس بارلىق پوليكلينيكا دارىگەرلەرىنە وسى اۋرۋ بويىنشا كەڭەس بەرىپ وتىرامىز. اسىرەسە تۋبەركۋلەز اۋرۋىنىڭ العاشقى بەلگىلەرىن قالاي انىقتاۋ كەرەكتىگىن، ولاردى ٴتيىمدى ەمدەۋ جولدارىن ٴتۇسىندىرىپ، ٴاردايىم وقىتىپ وتىرامىز»، - دەيدى ورتالىق ديرەكتورى.

سونداي-اق ول، تۋبەركۋلەزدى ەمدەۋ جولىندا الەمدە قانداي وزىق تەحنولوگيالار مەن ادىستەر بار ەكەنىن ٴبىلىپ وتىرۋ ٴۇشىن ٴتۇرلى حالىقارالىق كونفەرەنسيالارعا قاتىسىپ وتىراتىندىقتارىن جەتكىزدى.

«ونداي ادىستەردى بىردەن قابىلداماي ولاردىڭ دالەلدەمەسىنە كوز جەتكىزەمىز. ياعني، كەز-كەلگەن ٴادىس سىناقتان ٴوتىپ، ٴوزىنىڭ تيىمدىلىگىن دالەلدەۋى كەرەك. سودان كەيىن عانا ونى وزىمىزدە قولدانۋعا تالداما جاساپ، قايسىسى بىزگە ٴتيىمدى سونى ەنگىزىپ وتىرامىز. ٴبىزدىڭ ەل جاڭا شىققان وزىق تەحنولوگيالاردى العاشقى بولىپ ەنگىزەتىن ەلدەر قاتارىندا. ارينە، بۇل باعىتتا ٴبىزدى مەملەكەت قولداپ وتىر. ەگەر قاجەتتى قارجىلاندىرۋ بولماسا جاڭا تەحنولوگيالاردى، ادىستەردى ٴاردايىم ەنگىزىپ وتىرۋ وڭايعا سوقپايدى»، - دەدى ول.

ماليك ادەنوۆ جاڭا تەحنولوگيالاردى ەنگىزۋ ارقاسىندا قازاقستان جاقسى كورسەتكىشتەرگە قول جەتكىزىپ وتىرعانىن جەتكىزدى.

«بۇل تەك ٴبىزدىڭ ەسەپپەن عانا جاسالىپ وتىرعان جوق، دۇنيەجۇزىلىك دەنساۋلىق ساقتاۋ ۇيىمى دا وسىنداي پىكىردە. ٴبىز ٴاردايىم شەتەلدىك ساراپشىلار مەن دەنساۋلىق ساقتاۋ ۇيىمدارىمەن تىعىز بايلانىستا جۇمىس ىستەپ كەلەمىز. ولار ەلىمىزدەگى كەز-كەلگەن ايماققا بارىپ، ٴبىزدىڭ جۇيەنىڭ قالاي جۇمىس ىستەيتىنىن باقىلاپ وتىرادى. مۇنداي تەكسەرىس نەنى دۇرىس ىستەپ، نەنى دۇرىس ىستەمەي جاتقاندىعىمىزدى ٴتۇسىنۋ ٴۇشىن قاجەت. شەتەلدىك ساراپشىلار سوڭعى رەت ماۋسىم ايىندا كەلىپ، بىزگە جاقسى باعاسىن بەردى. ياعني قازاقستانمەن بايلانىس ورناتۋعا بولادى، ٴقاۋىپسىز ەلدەر قاتارىندا دەگەن شەشىم شىعاردى»، - دەدى ديرەكتور.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي