BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قازاقستان باقىتتى ەلدەر رەيتينگىندە 60-ورىننان كورىندى

فوتو: surak.baribar.kz

2018 جىلى قازاقستان الەم بويىنشا باقىتتى ەلدەر رەيتينگىندە 60-ورىنعا جايعاستى، دەپ حابارلايدى baq.kz اقپارات اگەنتتىگى.

ەسەپكە سايكەس، مەملەكەت 5 790 ۇپاي جيناعان. 59-ورىندا 8 810 ۇپايمەن رەسەي، ال قازاقستاننان كەيىنگى ورىنداردا 5 762 ۇپايمەن كيپر، 5 752 ۇپايمەن بوليۆيا جانە 5 739 ۇپايمەن ەستونيا تۇر.

كورشى وزبەكستان ەلى قازاقستاننان الدەقايدا جوعارى ورىننان كورىندى. اتالعان مەملەكەت 6 096 ۇپايمەن 44-ورىندا، قىرعىزستان 5 131 ۇپايمەن 91-ورىندا، ال بەلارۋس رەسپۋبليكاسى 5 483 ۇپايمەن 73-ورىندا تۇر.

باقىت يندەكسى بىرنەشە فاكتورعا سايكەس انىقتالعان: ادام باسىنا شاققانداعى ٴجىو، الەۋمەتتىك قولداۋ، دەنساۋلىق، ادامداردىڭ ٴومىر ٴسۇرۋ جاسىنىڭ ۇزاقتىعى، تاڭداۋ ەركى، كەڭپەيىلدىلىگى، جەمقورلىققا دەگەن كوزقاراسى. سونداي-اق، ۇپاي بەرەردە «انتيۋتوپيا + قالدىق» جانە «سەنىم ينتەرۆالى» ەسكەرىلدى.

قازاقستاننىڭ انتيۋتوپيا كورسەتكىشى 1،8 ۇپايدان اسىپ، جاقسى كورسەتكىشكە يە بولدى. سونداي-اق، مەملەكەت الەۋمەتتىك قولداۋ ٴۇشىن 1،5 ۇپاي الدى. ادام باسىنا شاققانداعى ۇپايدىڭ ارقاسىندا مەملەكەت 1،1 ۇپايدى يەلەندى. ال كەڭپەيىلدىلىك پەن جەمقورلىقتى قابىلداۋىنا 0،15 ۇپاي بەرىلدى. سەنىم ۇپايى شامامەن 0،1 ۇپايدى قۇرادى.

ليدەرلەر بەستىگىنە فينليانديا (7،632 باللا)، نورۆەگيا (7،594 باللا)، دانيا (7،555 باللا)، يسلانديا (7،495 باللا) جانە شۆەيساريا (7،487 باللا) كىردى.

ال رەيتينگتى بەكىتكەن بەستىككە بۋرۋندي (2 905 ۇپاي)، ورتالىق افريكا رەسپۋبليكاسى (3 083 ۇپاي)، وڭتۇستىك سۋدان (3 254 ۇپاي)، تانزانيا (3 303 ۇپاي) جانە يەمەن (3 555 ۇپاي) كىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي