BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

قاراعاندىلىق نەيروحيرۋرگتەردى ومىرتقاعا يننوۆاسيالىق وتالار جاساۋعا ۇيرەتەدى

فوتو: karaganda-region.gov.kz

استانا، baq.kz. ماقاجانوۆ اتىنداعى كلينيكانىڭ نەيروحيرۋرگتەرىن ومىرتقاعا يننوۆاسيالىق از تىلىنەتىن وتا جاساۋعا ۇيرەتەدى. تاجىريبەلىك شەبەرلىك-سىنىپتارىمەن قاراعاندىعا ٴنوۆوسىبىر قالاسىنىڭ يا. ل. سيۆيان اتىنداعى تراۆماتولوگيا جانە ورتوپەديا عزي مامانى الەكساندر كرۋتكو كەلدى. بۇل تۋرالى قاراعاندى وبلىسى اكىمدىگىنىڭ رەسمي سايتى حابارلايدى.

قاراعاندىلىق دارىگەرلەرگە تانىستىرىلعان حيرۋرگيالىق ەمدەۋ ٴادىسى ساگيتتالدىق بالانس – ومىرتقانىڭ بارىنشا تۇراقتانۋى ٴۇشىن ونىڭ بارلىق يىلىمدەرى مەن بولىمدەرىنىڭ تەپە-تەڭدىگىن ەسكەرە وتىرىپ، ومىرتقا بولىكتەرىن اۋىستىرۋدان قۇرالادى. بۇل ٴتاسىل كۇردەلى دايىندىقتى تالاپ ەتەدى: دارىگەرلەر ەمدەلۋشى ومىرتقاسىنىڭ جاعدايىن باعالايدى، ساگيتتالدىق بالانس ساقتالۋى ٴۇشىن ارنايى فورمۋلالاردىڭ كومەگىمەن ەسەپتەۋلەر جۇرگىزىلەدى. ادەتتە، وسىنداي حيرۋرگيالىق ارالاسۋدان سوڭ قوسىمشا وتالار جاساۋ كەرەك ەمەس، ومىرتقا بىردەن فيزيولوگيالىق نورماسىنا كەلىپ، اۋىرتپالىقتار باسىلىپ، پاسيەنتتەر ٴوز بەتىمەن جۇرە الادى، نەگاتيۆتى سالداردىڭ بولۋ بولجامى مينيمالدى.

«ارىپتەستەرىمىز ٴبىزدى قاراعاندىداعى بازالارىنا شاقىردى. ٴبىزدىڭ تاجىريبەمىز ولارعا دا، ەم الۋعا كەلگەن پاسيەنتتەرگە دە پايدالى بولادى دەگەن ۇمىتتەمىز. ٴبىزدىڭ شەبەرلىك-سىنىپتىڭ جوسپارى كەلەسىدەي: الدىن الا ٴبىز وتا جاسايتىن پاسيەنتتى تاڭدايمىز. بەس ناۋقاستىڭ ىشىنەن ٴبىز كىمگە تەز ٴارى ناتيجەلى كومەك كورسەتە الاتىن بىرەۋىن تاڭدايمىز. ال ۇلكەن وتالاردى ٴبىز ازىرگە قويا تۇرامىز، وقۋ تاراپىنان دارىگەرلەر ٴۇشىن جانە ەمدەلۋشىلەر ٴۇشىن دە پايدالى بولاتىنىنا ٴۇمىتىمىز زور. تەحنولوگياعا كەلەر بولساق، ٴبىز ونى كۇن سايىن قولدانامىز، بۇل سوڭعى 10 جىلداعى الەمدىك تەحنولوگيا. ونىڭ ەرەكشەلىگى – ەسەپ جاساپ، ماتەماتيكالىق مودەل بويىنشا بارلىق وتانى جوسپارلاۋعا بولاتىنىندا»، - دەيدى الەكساندر كرۋتكو.

شەبەرلىك-سىنىبى ەكى بولىمنەن قۇرالادى – تەوريالىق جانە تاجىريبەلىك. بۇگىن قاراعاندىلىق دارىگەرلەر الەكساندر كرۋتكونىڭ جەتەكشىلىگىمەن رەنتگەن كەسكىندەرىن تالداپ، الەۋەتتى ەمدەلۋشىلەردىڭ انامنەزدەرى مەن دياگنوزىن تالقىلاۋدا. ەرتەڭ، 6 قاراشادا، وتا جاسالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي