USD 335.71 EUR 357.36 RUB 5.23
استانا:

قاراعاندى اكىمدىگى  مۇمكىندىگى شەكتەۋلى جانداردى سپورتپەن شۇعىلدانۋعا شاقىردى

قاراعاندى وبلىسى اكىمىنىڭ ورىنباسارى جاندوس ابىشەۆ مۇمكىندىگى شەكتەۋلى سپورشىلارمەن كەزدەستى. كەزدەسۋدە تالقىلانعان باستى تاقىرىپ، وبلىسىمىزداعى مۇگەدەك جانداردى سپورتپەن شۇعىلدانۋعا تارتۋ بولدى، دەپ حابارلايدى baq.kz اگەنتتىگىنىڭ قاراعاندىداعى ٴتىلشىسى.

سونداي-اق كەزدەسۋ بارىسىندا بيلىك وكىلدەرى سپورتپەن اينالىساتىن مۇگەدەك جانداردىڭ وزەكتى ماسەلەلەرىن تالقىلادى. مۇمكىندىگى شەكتەۋلى جانداردىڭ باستى پروبلەمالارى - كولىكپەن قامتاماسىز ەتىلۋى، سپورتتىق جابدىقتاردىڭ قولجەتىمدى بولماۋى جانە دارىگەرلىك-الەۋمەتتىك مەكەمەلەردى سپورتتىق جابدىقتارمەن جەتكىلىكسىز قامتاماسىز ەتىلۋى. اتالعان ماسەلەلەردى تىڭداعان اكىمنىڭ ورىنباسارى الەۋمەتتىك سالا ماماندارىنا ناقتى تاپسىرمالار جۇكتەدى.

«سىزدەردى تۇڭعىش پرەزيدەنت كۇنى مەن قازاقستان تاۋەلسىزدىگىنىڭ 25 جىلدىعىمەن قۇتتىقتاعىم كەلەدى، وبلىسىمىزدىڭ دامۋىنا قوسقان ۇلەستەرىڭىز ٴۇشىن سىزدەرگە العىس ايتا وتىرىپ، زور دەنساۋلىق پەن جەڭىس تىلەيمىن. ٴبىز ٴوز كەزەگىمىزدە سىزدەر ٴۇشىن وڭتايلى جاعداي قالىپتاستىرۋعا جۇمىس ىستەيمىز»، - دەدى جاندوس ابىشەۆ.

بۇگىنگى تاڭدا قاراعاندى وبلىسىندا مۇمكىندىگى شەكتەۋلى 59 مىڭ ادام تۇرىپ جاتىر، ولاردىڭ بار بولعانى 2،5 مىڭى عانا تۇراقتى تۇردە سپورتپەن شۇعىلدانادى. وسىعان قاراماستان، قاراعاندىلىق سپورتشىلاردىڭ ٴتۇرلى جارىستاردا مەرەيى ٴوسىپ، جەڭىس تۇعىرىنان كورىنىپ ٴجۇر. دەنە شىنىقتىرۋ جانە سپورت باسقارماسىنىڭ باسشىسى ناتاليا سۋحورۋكوۆانىڭ ايتۋىنشا، وسى جىلى قاراعاندىلىق سپورتشىلار 15 رەسپۋبليكالىق جارىسقا قاتىسىپ، 125 مەدال جەڭىپ العان. ال حالىقارالىق 7 جارىسقا قاتىسقان سپورتشىلار 6 مەدالدى قورجىنعا سالدى.

«اعىمداعى جىلدىڭ ەڭ باستى جەتىستىگى، قوزعالىس اپپاراتىنا زاقىم كەلگەن ٴبىزدىڭ سپورتشىمىز زۆيانگينسەۆا ناتاليانىڭ ريو-دە-جانەيرو قالاسىندا وتكەن ٴ15-شى جازعى پاراليمپيادا ويىندارىنا قاتىسۋى. بۇل دوداعا الەمنىڭ 179 مەملەكەتىنەن 4350 مۇگەدەك-سپورتشى قاتىستى. قازاقستاننىڭ اتىنان 11 سپورتشى جارىس جولىنا شىقتى. ناتاليا 100 مەتر قاشىقتىقتى ارقامەن ٴجۇرىپ وتۋدە 7 ورىنعا تابان تىرەدى»، - دەپ اتاپ ٴوتتى ناتاليا سۋحورۋكوۆا.

پاراليمپيادا ويىندارىنداعى ٴساتتى كورسەتكىشى ٴۇشىن ناتاليا زۆياگينسەۆاعا 300 مىڭ تەڭگەلىك سەرتيفيكات تابىستالدى. ناتاليادان بولەك، اكىمدىك باسشىلىعى تاەكۆاندو بويىنشا الەم چەمپيوندارى ايان ابراش پەن ۆالەنتينا انتونەنكونى جانە تىنىق مۇحيتتىق ازيا ويىندارىنىڭ جەڭىمپازى ۆيكتور فرۋندينگە دە باعالى سىيلىقتار سىيلادى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي