BAQ.kz - Қазақстан жаңалықтары USD 345.55 BAQ.kz - Қазақстан жаңалықтары EUR 401.01 BAQ.kz - Қазақстан жаңалықтары RUB 5.45
استانا:

ينسۋلت بەلگىلەرىن بىلمەۋ سالدارىنان سال بولىپ، كوز جۇماتىندار كوپ

فوتو: bagiraclub.ru

قازاقستاندا قاراپايىم حالىقتىڭ ينسۋلت بەلگىلەرىن بىلمەۋىنەن سال بولىپ، كوز جۇماتىندار كوپ. بۇل تۋرالى «ۇلتتىق نەيروحيرۋرگيا ورتالىعىنىڭ» ينسۋلت ماسەلەلەرى بويىنشا رەسپۋبليكالىق ۇيلەستىرۋ ورتالىعىنىڭ باس مامانى زاۋرەش احمەتجانوۆا «ينسۋلت مەكتەبى» اتتى عىلىمي-پراكتيكالىق كونفەرەنسيادا مالىمدەدى، دەپ حابارلايدى baq.kz ٴتىلشىسى.

«وكىنىشكە قاراي، بۇگىندە بىزدەگى ۇلكەن پروبلەما – ينسۋلت العان ادامداردىڭ نە سال بولىپ قالۋى، نە كوز جۇمۋى. ٴيينسۋلتتىڭ العاشقى بەلگىلەرىن حالىق بىلمەيدى. حالىق ٴۇشىن تۇسىرىلگەن روليكتەردە ولاردىڭ ومىرىنە ٴقاۋىپ توندىرەتىن العاشقى سيمپتومدار تۋرالى جانە قاراپايىم حالىق وسى سيمپتومداردى ٴبىلىپ، ٴجاي عانا تەلەفوندى الىپ، جەدەل جاردەمدى شاقىرۋ كەرەكتىگى تۋرالى ايتتىق. بۇدان باسقا ەشتەڭە كەرەك ەمەس، ياعني جەدەل جاردەمدى شاقىرسا جەتكىلىكتى»، - دەدى نەيرولوگ.

ول ينسۋلت العان ادامنىڭ جەدەل جاردەم قىزمەتىنە جۇگىنبەي، ەكى-ۇش كۇن ۇيىندە جاتاتىنىن ايتا كەتتى.

«وسىدان كەيىن عانا ستانسيونارعا كەلگەن كەزدە ٴبىز ولارعا ەشتەڭە ىستەي المايمىز، سەبەبى كومەك اسەر ەتەتىن ۋاقىتتان كەشىكتى. ادام ميىندا اۋىر وزگەرىستەر بولعاننان كەيىن ەشتەڭە جاساي المايسىڭ. بىزگە حالىقتىڭ اراسىندا سالاۋاتتى ٴومىر سالتى تۋرالى ٴتيىمدى ناسيحات جۇرگىزۋ قاجەت بولىپ وتىر»،- دەدى ول.

دارىگەر دۇرىس تاماقتانباۋ مەن سالاۋاتتى ٴومىر سالتىن ۇستاماۋ ينسۋلتقا اكەپ سوقتىراتىنىن اتاپ ٴوتتى.

«بىزگە كەلگەن شەتەلدىك قوناقتاردىڭ ٴبارى قازاقستاندىقتاردىڭ كۇننىڭ ەكىنشى بولىگىندە تاماقتانۋعا ادەتتەنگەنىن ايتادى. ٴبىز ٴتۇن ىشىندە تۇزدى تاماقتاردى جەگەندى جاقسى كورەمىز. ال بۇل قۇرەتامىردىڭ جوعارعى قىسىمىنا الىپ كەلەدى. تۇزدى كوپ قابىلداۋ جوعارى قىسىمعا جەتكىزىپ، ينسۋلت پەن ينفاركتتىڭ بولۋىنا اسەر ەتەدى. ٴبىرىنشى كەزەكتە ٴوز مەنتاليتەتىمىزدى، ٴداستۇرىىمزدى، ىشكى دۇنيەمىزدەن وزگەرتۋىمىز قاجەت. سونى ىستەگەن سوڭ عانا، سالاۋاتتى ٴومىر سالتى جاپپاي تارالعان سوڭ جانە ٴاربىرىمىز وسىنى تۇسىنگەن كەزدە عانا جاعداي وزگەرەدى. ال وعان دەيىن ەشتەڭە وزگەرمەيدى»،- دەدى احمەتجانوۆا.

وكىنىشكە قاراي، جىل سايىن قازاقستاندا 40 مىڭ ادام ينسۋلتكە شالدىقسا، ونىڭ 70 پايىزى 40 جاستان 70 جاسقا دەيىنگى ادامدار. دارىگەر ەندى عانا اتا-انا، نەمەرە ٴسۇيىپ جاتقان ادادامداردىڭ وسى اۋرۋدان قايتىس بولاتىنىنا قىنجىلدى.

«سول ٴۇشىن دە ٴينسۋلتتى الدىن الۋ شارالارىن ۋاقىتىندا ٴتۇسىنىپ، زياندى ادەتتەردى توقتاتۋ كەرەك. بۇل قيىن ەمەس. ساقتىقتا قورلىق جوق دەيدى قازاقتار، ساقتانۋ كەرەك»، - دەپ ٴسوزىن تۇيىندەدى ول.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي