BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

حالىققا تەگىن قىزمەت كورسەتكەن مەديسينالىق ۇيىمدارعا 599،3 ملرد تەڭگە تولەندى

استانا، baq.kz. «الەۋمەتتىك مەديسينالىق ساقتاندىرۋ قورى» كەاق 2018 جىل باسىنان بەرى حالىققا تەگىن قىزمەت كورسەتكەن مەديسينالىق ۇيىمدارعا 599،3 ملرد تەڭگە تولەدى.

«7 قاراشاداعى مالىمەت بويىنشا، قورمەن كەلىسىمشارت بەكىتكەن جەتكىزۋشى كومپانيالارعا 599،3 ملرد تەڭگە تولەندى. بۇل جالپى كەپىلدەندىرىلگەن تەگىن مەديسينالىق كومەك پاكەتى (تمككك) شەڭبەرىندە بەكىتىلگەن كەلىسىمشارت سوماسىنىڭ 76 پايىزى»، - دەدى مسق باسقارما ٴتوراعاسىنىڭ مىندەتىن اتقارۋشى بوتاگوز جاقسەلەكوۆا.

ەستەرىڭىزگە سالا كەتسەك، مسق تمككك جانە مىندەتتى الەۋمەتتىك مەديسينالىق ساقتاندىرۋ پاكەتتەرىنىڭ قارجىلىق وپەراتورى بولىپ تابىلادى. قور ەمدەۋ مەكەمەلەرىمەن مەملەكەتتىك تاپسىرىس بويىنشا حالىققا تەگىن كومەك كورسەتۋ جونىندە كەلىسىمشارتتار بەكىتكەن بولاتىن. بەكىتىلگەن كەلىسىمشارتتاردىڭ جالپى سوماسى 785،8 ملرد تەڭگە.

«جۇمىس كەستەگە ساي ٴجۇرىپ جاتىر. بولىنگەن قاراجات مەديسينا مەكەمەلەرىنىڭ وپەراسيالىق شىعىندارىن وتەۋگە جەتكىلىكتى»، - دەدى ب.جاقسەلەكوۆا.

بۇگىنگى تاڭدا قور مەملەكەتتىك تاپسىرىس بويىنشا 1374 مەديسينا ۇيىمىمەن كەلىسىمشارت بەكىتكەن. ونىڭ ٴ638-ى – جەكە مەنشىك. بيىل جەكە كلينيكالار سانى 2017 جىلمەن سالىستىرعاندا 177-گە ارتقان. ال، ولارمەن بەكىتىلگەن كەلىسىمشارت سوماسى 2 ەسە ٴوسىپ، 125،1 ملرد تەڭگەنى قۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي