BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

ەلوردادا كوپبەيىندى اۋرۋحانالار پايدا بولادى

فوتو: hyperassur.com

استانادا دەنساۋلىق ساقتاۋ ينفراقۇرىلىمىنىڭ ٴبىرىڭعاي پەرسپەكتيۆالىق دامۋ جوسپارى تانىستىرىلدى. ناۋقاستار مەديسينالىق كومەكتى ٴبىر جەردە الۋى ٴۇشىن 2018 جىلى استانادا كوپبەيىندى ستاسيونارلار قۇرىلا باستايدى، دەپ حابارلايدى baq.kz اقپارات اگەنتتىگى 24.kz سايتىنا سىلتەمە جاساپ.

قالالىق دەنساۋلىق ساقتاۋ باسقارماسى باسشىسىنىڭ ورىنباسارى تيمۋر مۇراتوۆتىڭ ايتۋىنشا، كوپبەيىندى اۋرۋحانالار ەكى ادىسپەن قۇرىلماق.

«ٴبىرىنشى كەزەكتە، مۇنداي مەديسينالىق ۇيىمداردى جاڭادان قۇراتىن بولامىز. ولار كوپبەيىندىلىك ٴتيپى بويىنشا جوبالانىپ، جوسپارلاناتىن بولادى. ٴبىز قانداي كوپبەيىندىلىك جايلى ايتىپ وتىرمىز؟ مۇنداي اۋرۋحانا كەشەنىندە بوساندىرۋ بولىمشەسىنەن ونكولوگيالىق اۋرۋلاردى ەمدەيتىن بولىمدەرگە دەيىنگى بولىمدەرمەن قامتىلادى»، – دەدى استانا قالاسى دەنساۋلىق ساقتاۋ باسقارماسى باسشىسىنىڭ ورىنباسارى ٴباسپاسوز ٴماسليحاتى بارىسىندا.

كوپبەيىندى ستاسيونارلاردى قۇرۋ ادىستەرىنىڭ ەندى ٴبىرى – بۇگىنگى تاڭدا جۇمىس ىستەپ تۇرعان مەديسينالىق قىزمەتتەردى بىرىكتىرۋ ارقىلى ىرىلەندىرۋ.

«بولاشاقتا بولەك ونكولوگيالىق، ناركولوگيالىق، پسيحياتريالىق جانە ينفەكسيالىق قىزمەتتەر بىرتىندەپ جويىلاتىن بولادى. بۇل قىزمەتتەردىڭ بارلىعى بەيىندى ستانسيونارلاردىڭ قۇرامىنا كىرەتىن بولادى. دالىرەك ايتقاندا، 2018 جىلدان 2025 جىلعا دەيىن قازىرگى كۇنى جۇمىس ىستەپ تۇرعان اۋرۋحانالاردى بىر-بىرىمەن بىرىكتىرىپ، ىرىلەندىرۋ ارقىلى مەديسينالىق كومەك كورسەتەتىن ۇلكەن ۇيىمعا اينالدىرۋعا تىرىساتىن بولامىز»، – دەپ ناقتىلادى تيمۋر مۇراتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي