BAQ.kz - Қазақстан жаңалықтары USD 367.3 BAQ.kz - Қазақстан жаңалықтары EUR 419.68 BAQ.kz - Қазақстан жаңалықтары RUB 5.58
استانا:

ەلىمىزدە تۇماۋ بويىنشا ەپيدەميولوگيالىق جاعداي تۇراقتى

استانا. baq.kz. قازاقستاندا جرۆي جانە تۇماۋ بويىنشا ەپيدەميولوگيالىق جاعداي تۇراقتى.

قر دەنساۋلىق ساقتاۋ مينيسترلىگىنەن حابارلاعانداي، تۇماۋ جاعدايلارى تىركەلمەگەن، ەپيدەميولوگيالىق ماۋسىمنىڭ باستالعالى بەرى (2018 جىلعى 1 قازاننان باستاپ) جرۆي-نىڭ 23203 جاعداي تىركەلدى (سىرقاتتانۋ كورسەتكىشى – 127،0)، سىرقاتتانۋ دەڭگەيى وتكەن جىلدىڭ دەڭگەيىنەن 7 % تومەن.

جرۆي-مەن اۋىرعان ادامداردىڭ نەگىزگى بولىگىن 14 جاسقا دەيىنگى بالالار قۇرايدى (66،1 %).

ۆاكسيناسيا كامپانياسى باستالعاننان باستاپ تۇماۋعا قارسى 1 243 419 ادام ەگىلدى، بۇل رەسپۋبليكانىڭ جالپى حالقىنىڭ 6،8 %-ىن قۇرايدى، ونىڭ ىشىندە 32 % - 14 جاسقا دەيىنگى بالالار، 68 % - ەرەسەكتەر. ۆاكسيناسيادان كەيىنگى اسقىنۋلار تىركەلمەگەن.

تۇماۋ جانە جرۆي پروفيلاكتيكاسى اعزانىڭ وزىندىك قورعانىش كۇشىن نىعايتۋعا باعىتتالعان جانە ۆاكسيناسيامەن قاتار جۇرگىزىلەدى.

سپەسيفيكالىق ەمەس قورعانىش رەتىندە يممۋنيتەتتى جاقسارتۋ پرەپاراتتارى (انافەرون، ينتەرفەرون، ۆيفەرون، ينتەرفەرون يندۋكتورى)، ۆيرۋسقا قارسى جاقپامايلار (وكسالين، انتيۆير جانە ت.ب.)، پوليۆيتاميندەر قولدانىلادى.

سونداي-اق، جرۆي-مەن اۋىراتىن ادامدارمەن قارىم-قاتىناستا بولماۋ، ناۋقاس ادامدارمەن قارىم-قاتىناستا بولعان كەزدە بەتپەردە كييۋ، قولدى سابىنمەن نەمەسە انتيباكتەريالدىق زاتتارمەن (قۇرامىندا سپيرت ەرىتىندىسى بار) جۋۋ، جوتەلگەندە جانە تۇشكىرگەندە ٴبىر رەت پايدالانىلاتىن ورامال نەمەسە سۋلىقتاردى پايدالانىپ، مۇرىن جانە اۋىزدى جابۋ، كوزدى، مۇرىن جانە اۋىزدى لاس قولمەن ۇستاماۋ، ادامدار كوپ جينالاتىن ورىندارعا بارۋدى شەكتەۋ (ويىن-ساۋىق جانە سپورت ٴىس-شارالارى، جينالىستار، كەزدەسۋلەر جانە ت.ب.)، ٴۇي-جايدى تۇراقتى جەلدەتۋ، سالاۋاتتى ٴومىر سالتىن ۇستانۋ (جاقسى ۇيقى، تازا اۋا، بەلسەندى دەمالىس، دارۋمەندەرگە باي قۇنارلى تاماق) قاجەت.

اعزانى شىنىقتىرۋ قاجەت: تاماقتى سالقىن سۋمەن شايۋدان باستاپ كونتراستى سەبەزگى جانە باسسەينگە دەيىن.

ناۋقاس ادام ۇيدە بولعان جاعدايدا ونى وقشاۋلاۋدى قامتاماسىز ەتۋ، ناۋقاس جانە ساۋ ادامدار دا بەتپەردەنى پايدالانۋى قاجەت.

قوعامدىق كولىكتە، دارىگەرگە كەزەكتە تۇرعاندا ينفەكسيانىڭ تارالۋىن بولدىرماۋ ٴۇشىن دارىگەردى ۇيگە شاقىرتۋ قاجەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي