BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ەلىمىزدە قانت ديابەتىمەن اۋىراتىندار دارى-دارمەكپەن تولىق قامتىلدى

فوتو: Нұржас Жақсыбай

2018 جىلى قانت ديابەتىمەن اۋىراتىندارعا ارنالعان 48 ٴتۇرلى دارى-دارمەك پەن مەديسينالىق بۇيىم ٴبىرىڭعاي ديستريبيۋتەردىڭ تىزىمىنە كىردى، دەپ حابارلايدى baq.kz ٴتىلشىسى.

"دارى-دارمەكتىڭ جەتىسپەۋشىلىگى ماسەلەسى جوق، سەبەبى قازىرگى ۋاقىتتا بارلىق ەمحانالار سيفرلىق فورماتقا كوشىپ جاتىر. ٴبىز سول ارقىلى قاي وڭىرگە قانشا كولەمدە دارى-دارمەك كەرەك ەكەنىن ٴبىلىپ وتىرامىز جانە قاجەتتى مولشەردە جەتكىزىپ بەرەمىز. قانت ديابەتى دەرتىنە شالدىققاندارعا ارنالعان دارىلەر بويىنشا شاعىمدار بولدى"، - دەيدى قر دەنساۋلىق ساقتاۋ ٴمينيسترى ەلجان ٴبىرتانوۆ ورتالىق كوممۋنيكاسيالار قىزمەتىندە وتكەن بريفينگ بارىسىندا.

"بۇگىنگى تاڭدا بۇدان بىلاي شىعارىلمايتىن ٴشپريستىڭ ٴبىر تۇرىنەن باسقا 47 دارى-دارمەك ساتىپ الىندى. ونىڭ ورنىنا ٴشپريستىڭ باسقا انالوگى الىندى"، - دەيدى ٴبىرتانوۆ.

سونىمەن قاتار، دەنساۋلىق ٴمينيسترى ماۋسىم ايىندا قانت ديابەتى بويىنشا قوسىمشا 600 ميلليون تەڭگەنىڭ دارى-دارمەگى الىنعانىن ايتتى. بۇل دارىلەر ايماقتارداعى قوسىمشا تاپسىرىستار نەگىزىندە الىنعان.

"ٴبىرىڭعاي ديستريبيۋتەردىڭ 2019 جىلعا ارنالعان تىزىمىندە قايتالاپ اۋىرعان نەمەسە ٴينسۋليندى پومپاسى ىستەن شىعىپ قالعان ٴار ناۋقاسقا ٴبىر ٴينسۋليندى پومپا تەگىن بەرىلەتىنى قاراستىرىلعان"، - دەيدى ٴبىرتانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي