USD 336.23 EUR 360.3 RUB 5.28
استانا:

ەلىمىزدە 800 مىڭداي ادام تۇماۋعا قارسى ەگىلدى

فوتو: www.inform.kz

قازاقستاندا تۇماۋعا قارسى ۆاكسينا ەگىلۋى ٴتيىس تۇرعىنداردىڭ 53،8%-ىنا ەكپە ەگىلدى. بۇل تۋرالى قر دەنساۋلىق ساقتاۋ جانە الەۋمەتتىك دامۋ مينيسترلىگى حابارلادى.

مينيسترلىكتىڭ مالىمەتىنشە، 19 قازانداعى اقپاراتقا سايكەس، ەلىمىزدە تۇماۋعا قارسى 782 مىڭ 957 ادام ەگىلدى. بۇل ۆاكسينا ەگىلۋى ٴتيىس ازاماتتاردىڭ جالپى سانىنىڭ 53،8%-ىن قۇرايدى، ونىڭ ىشىندە 117 مىڭ 410 مەديسينالىق قىزمەتكەر، 40 مىڭ 321 جۇكتى ايەل، سوزىلمالى اۋرۋى بار 206 مىڭ 313 بالا، 85 مىڭ 118 وقۋشى، مەكتەپ، جوعارى جانە ورتا ٴبىلىم بەرۋ ۇيىمدارىنىڭ 25 مىڭ 197 وقىتۋشىسى مەن ستۋدەنتتەرى، 45 مىڭ 959 قاريا، جۇمىس ۇجىمدارىنىڭ 262 مىڭ 639 وكىلى بار.

رەسپۋبليكانىڭ ٴىرى قالالارى مەن وڭىرلەرىندە جۇرگىزىلگەن ارنايى تەكسەرىس بارىسىندا ۆاكسينا ەگىلگەن جۇكتى ايەلدەر مەن 1 جاسقا دەيىنگى بالالار اراسىندا تۇماۋ جۇقتىرعاندار تىركەلمەگەندىگى انىقتالدى.

ەستەرىڭىزگە سالا كەتەيىك، تۇماۋعا قارسى جاپپاي ۆاكسينالاۋ 3 قازان كۇنى باستالعان بولاتىن.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي