BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

دسم «ترامادول» ٴدارىسىنىڭ ٴدارىحانالاردا ساتىلۋىن قاتاڭ باقىلاۋعا الدى

استانا، baq.kz. قر «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىنە سايكەس، دارىگەردىڭ رەسەپتىسى بويىنشا بوساتىلۋعا ارنالعان دارىلىك زاتتاردى رەسەپتىسىز ساتۋعا تىيىم سالىنادى. بۇل تالاپتى بۇزعانى ٴۇشىن قر «اكىمشىلىك قۇقىق بۇزۋشىلىق تۋرالى» (قر اقتك 426-بابىنىڭ ٴ1-بولىمى) كودەكسىنە سايكەس اكىمشىلىك جاۋاپكەرشىلىك قاراستىرىلعان.

دارىلىك زاتتاردى رەسەپتىمەن بوساتۋعا جاتقىزۋ ەرەجەسىنە سايكەس، «ترامادول» دارىلىك پرەپاراتىن رەسەپتىمەن بوساتىلاتىن پرەپاراتتارعا جاتقىزادى.

وسى جاۋاپكەرشىلىكتى ٴتيىمدى قولدانۋ ماقساتىندا، قر دسم دارىلىك زاتتاردى، مەديسينالىق ماقساتتاعى بۇيىمدار مەن مەديسينالىق تەحنيكانى كوتەرمە جانە بولشەك ساۋدادا وتكىزۋ ەرەجەسىنە، سونىڭ ىشىندە ٴدارىحانادا كلونيدين، كودەين، تروپيكاميد، ترامادول، سيكلوپەنتولات، پرەگابالين، زوپيكلون، ديفەنگيدرامين، پرومەتازين سياقتى ۋلى زاتتاردىڭ 3 جىلعا دەيىن ساقتاۋ مەرزىمىن ۇلعايتۋ بولىگىندە وزگەرىستەر ەنگىزىلدى.

بەلگىلەنگەن تالاپتاپتاردىڭ ساقتالۋىن باقىلاۋ جوسپاردان تىس تەكسەرۋ جۇرگىزۋ شەڭبەرىندە (جەكە جانە زاڭدى تۇلعالاردىڭ جۇگىنىستەرى بويىنشا) قر دسم فارماسيا كوميتەتىنىڭ اۋماقتىق بولىمشەلەرىمەن، سونداي-اق ايماقتىڭ ٴىىد ەقكب-مەن (ەسىرتكىگە قارسى كۇرەس باسقارماسى) «دوپينگ» جەدەل وپەراسياسىن جۇرگىزۋ شەڭبەرىندە، ال جەكەلەگەن وڭىرلەردە قر دسم فارماسيا كوميتەتىنىڭ اۋماقتىق بولىمشەلەرىنىڭ ماماندارىن جىبەرە وتىرىپ جۇزەگە اسىرىلادى.

2018 جىلدىڭ 10 ايى بويىنشا «ترامادول» پرەپاراتىنىڭ رەسەپتىسىز ساتىلعانى ٴۇشىن 11 ملن 144 مىڭ 920 تەڭگەدەن استام سوماعا 52 اكىمشىلىك ايىپپۇل سالىنعان.

بۇگىنگى تاڭدا، دارىلىك زاتتار اينالىمى سالاسىنداعى مەملەكەتتىك باقىلاۋ پروفيلاكتيكالىق باقىلاۋ جانە جوسپاردان تىس تەكسەرۋلەر تۇرىندە، ادامنىڭ ٴومىرى مەن دەنساۋلىعىنا، جەكە جانە زاڭدى تۇلعالاردىڭ زاڭدى مۇددەلەرىنە تىكەلەي قاتەردىڭ الدىن الۋ جانە (نەمەسە) جويۋ ماقساتىندا ناقتى فاكتىلەر مەن ٴمان-جايلار بويىنشا عانا جۇرگىزىلەدى. فارماسەۆتيكالىق قىزمەتتىڭ جوسپاردان تىس تەكسەرۋلەردىڭ سانى – بىرەڭ-ساراڭ جاعدايلار (جەكە جانە زاڭدى تۇلعالاردىڭ جۇگىنىستەرى بويىنشا).

مەملەكەت تاراپىنان تۇراقتى باقىلاۋدىڭ بولماۋى دارىگەردىڭ رەسەپتىسى بويىنشا بوساتۋعا ارنالعان دارىلەردى، ونىڭ ىشىندە ناشاقورلىقتان زارداپ شەگەتىن ادامدارعا رەسەپتىسىز ساتۋ بويىنشا بۇزۋشىلىقتاردىڭ وسۋىنە جانە جالعان مەديسينالىق ونىمدەردى تاراتۋعا اكەپ سوعۋى مۇمكىن.

دارى-دارمەكتەردى جانە جالعان مەديسينالىق ونىمدەردى رەسەپتىسىز وتكىزۋگە قارسى كۇرەستى جۇزەگە اسىرۋ كەزىندە باقىلاۋشى ورگاننىڭ جەدەل دەن قويۋ شارالارىن قابىلداۋى قاجەت.

ٴدارىحانا بيزنەسى مەملەكەت تاراپىنان باقىلاۋدىڭ ۇزدىكسىزدىگى ماقساتىندا ازاماتتاردىڭ ادال ەمەس كاسىپكەردەن قۇقىقتارىن قورعاۋدى قامتاماسىز ەتەتىن مەديسينالىق ٴونىمنىڭ اينالىمى سالاسىنا ەرەكشە تارتىپكە باقىلاۋ جۇرگىزۋدى ەنگىزۋ قاجەت.

الدىن الۋ شارالارىن قابىلداۋ ٴۇشىن، قر دسم قازاقستان رەسپۋبليكاسىنىڭ زاڭناماسىنا تەكسەرۋ جۇرگىزۋدىڭ ەرەكشە ٴتارتىبى قولدانىلاتىن، دەنساۋلىق ساقتاۋ سۋبەكتىلەرىن (وبەكتىلەرىن) ٴبىرىنشى توپقا جاتقىزۋ بولىگىندە وزگەرىستەر مەن تولىقتىرۋلار ەنگىزۋدى جوسپارلاپ وتىر.

سونىمەن قاتار، قر دسم "ترامادول" پرەپاراتىن بوساتۋدى جانە ەسەپكە الۋدى باقىلاۋدى كۇشەيتۋ ماقساتىندا، قازىرگى ۋاقىتتا قر ىىم-مەن "ترامادول" دارىلىك پرەپاراتىن جانە باسقا دا دارىلىك زاتتاردى مەديسينالىق ماقساتتا پايدالانىلاتىن جانە قاتاڭ باقىلاۋداعى ەسىرتكى جانە پسيحوتروپتىق زاتتار تىزىمىنە ەنگىزۋ ماسەلەسى قاراتىرىلۋدا.

رەسەپتىلىك مەديسينالىق پرەپاراتتاردىڭ رەسەپتىسىز بوساتىلۋ فاكتىلەرى بويىنشا قر دسم فارماسيا كوميتەتىنىڭ اۋماقتىق بولىمشەلەرىنە ٴتيىستى شارالار قابىلداۋ ٴۇشىن حابارلاسۋىڭىزدى سۇرايمىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي