BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

دونور كۇنى: 450 گرامم قان 3 ادامنىڭ ٴومىرىن ساقتاپ قالادى ەكسكليۋزيۆ

14 ماۋسىم - دۇنيەجۇزىلىك دونور كۇنى. ٴبىر ادامنان الىنعان 450 گرامم قان 3 ادامنىڭ ٴومىرىن ساقتاپ قالۋعا مۇمكىندىك بەرەدى. بىلتىر ەلىمىز بويىنشا 80 مىڭنان استام ناۋقاسقا 360 مىڭ رەت قان قۇيىلعان. ال، قان تاپسىرىپ، وسى ٴبىر يگى ٴىستىڭ ورتاسىندا جۇرگەن وتانداستارىمىزدىڭ سانى 185 مىڭنان اسادى. ولار بىلتىر شامامەن 220 مىڭ رەت قان تاپسىرعان، دەپ حابارلايدى baq.kz ٴتىلشىسى.

بۇل كۇندى اتاپ وتۋدەگى ماقسات - ٴوز ەركىمەن جانە اقىسىز قان تاپسىراتىن، تالاي ادامدى ٴولىم اۋزىنان اراشالاپ قالۋعا سەپتىگىن تيگىزىپ جۇرگەن ازاماتتارعا العىس ايتۋ. سونىمەن قاتار، قان تاپسىرۋدىڭ دەنساۋلىققا پايداسى مەن ناۋقاستارعا قولۇشىن بەرۋ قاجەتتىگى جايلى جان-جاقتى اقپارات تاراتىلىپ، جۇرتشىلىقتى يگى ىسكە شاقىرۋ.

"جىل سايىنعى داستۇرگە اينالعان ناۋقان بيىل "قان تاپسىر. وزگەلەردى دە ويلا. ناۋقاستارعا ٴۇمىت سىيلا" دەگەن تاقىرىپتا ٴوتىپ جاتىر. قازاقستاندا پاسيەنتتەردى قانمەن قامتاماسىز ەتەتىن جانە ترانسفۋزيالىق كومەك كورسەتەتىن مەديسينا ۇيىمدارىنىڭ سانى 470-تەن اسىپ جىعىلادى. قان الۋ ياعني، ترانسفۋزيولوگيا ىسىمەن بىلىكتى ماماندار اينالىسادى. سوندىقتان دونور بولعىسى كەلەتىن ادامداردىڭ الاڭداۋىنا ەشبىر نەگىز جوق"، - دەدى مəمس ٴباسپاسوز قىزمەتى.

مامانداردىڭ ايتۋىنشا، ەرەسەك ادامنىڭ اعزاسىندا 5،5 ليترگە جۋىق قان بار. ٴبىر رەت قان تاپسىرعاندا دونوردان 350-450 ميلليليتر قان الىنادى. مۇنىڭ ادام ورگانيزمىنە تيگىزەر پايداسى دا زور. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، تۇراقتى تۇردە قان تاپسىراتىنداردىڭ ٴومىرى شامامەن 5 جىلعا ۇزارادى. سونداي-اق، بۇل دونوردىڭ ٴوزى ٴۇشىن دە ٴتيىمدى. دەنساۋلىققا پايداسىن بىلاي قويعاندا، دونورعا ٴبىرقاتار ارتىقشىلىقتار بەرىلەدى. ماسەلەن، ۆيچ/سپيد، سيفيليس، قانداعى گەموگلوبين مولشەرىن، قان توبى مەن رەزۋس-فاكتورىن انىقتاۋ سىندى ت.ب. تالداۋ تۇرلەرىن تەگىن تاپسىرۋعا مۇمكىندىك الادى. قان تاپسىرعان كۇنى ستۋدەنتتەر مەن وقۋشىلار ساباقتان، جۇمىسكەرلەر جۇمىستان بوساتىلادى، جالاقىسى بولسا تولىق تولەنەدى.

"مىڭنان استام دوناسيا جاساعان بىرەگەي پلازما يەسىنىڭ ٴبىرى اۆستراليادا تۇرادى. دجەيمس حارريسون - ومىرىندە 1173 رەت قان تاپسىرىپ، ەكى ميلليوننان استام ٴسابيدى امان الىپ قالۋعا كومەكتەسكەن. ونىڭ قانىندا رەزۋستار سايكەس كەلمەگەن جاعدايدا تاپتىرمايتىن، d رەزۋس-فاكتورى انتيگەنىنە قارسى ارەكەت ەتەتىن سيرەك انتيدەنەلەر بار. قىزىل كرەست ۇيىمىنىڭ مالىمەتىنشە، 1967 جىلى وسى رەزۋستار سايكەسسىزدىگىنەن جىل سايىن مىڭداعان اۆستراليالىق بالا كوز جۇماتىن. بيىل 81 جاسقا تولعان دج.حارريسون زاڭ تالابى بويىنشا قان تاپسىرۋدى توقاتتى"، - دەيدى مەديسينالىق ساقتاندىرۋ قورى.

ال ٴبىزدىڭ زاماننىڭ وسىنداي باتىرلارىنىڭ ٴبىرى الماتى قالاسىندا تۇرادى ەكەن. الەكساندر سكاكوۆسكييدىڭ تۇراقتى تۇردە قان تاپسىرىپ كەلە جاتقانىنا 47 جىل تولىپتى. وسى ۋاقىت ىشىندە ول 1090 رەت قان تاپسىرعان. "حالىق قاھارمانى" سىيلىعىنىڭ لاۋرەاتى بۇگىندە 72 جاستا.

«بۇگىندە قازاقستاندا دونورلاردىڭ جاسىنا قويىلاتىن شەكتەۋلەر الىنىپ تاستالدى. سوندىقتان قاندى ٴومىرىڭنىڭ سوڭىنا دەيىن تاپسىرا بەرۋگە بولادى. دەنساۋلىعىڭ جاراسا بولعانى. قۇداي قۋات بەرسە، تاعى 20 شاقتى جىل قان تاپسىرۋعا بولادى دەپ ويلايمىن"، – دەيدى ا.سكاكوۆسكيي.

ەندى كىمدەر دونور بولا الادى دەگەن سۇراققا جاۋاپ ىزدەپ كورەلىك. مەدساقتاندىرۋ قورىنىڭ مالىمەتىنشە، دونوردىڭ جاسى ەڭ الدىمەن 18-گە تولۋى كەرەك. قان تاپسىرماس بۇرىن مىندەتتى تۇردە مەديسينالىق تەكسەرۋدەن وكىزىلەدى. ال، گەپاتيت، سيفيليس، تۋبەركۋلەزبەن اۋىرعاندار، ۆيچ ىندەتىن جۇقتىرعاندار، ناشاقورلار دونور بولا المايدى. سونىمەن قاتار، دونور باۋىر، بۇيرەك، جۇرەك-قان تامىرى جۇيەسىندە كەزدەسەتىن سوزىلمالى اۋرۋلارعا شالدىقپاعان بولۋى ٴتيىس. قانداعى گەموگلوبين مولشەرى تومەن ادامدار دا (ايەلدەردە - 110 گ/ل، ەركەكتەردە - 120 گ/ل) ۋاقىتشا دونور بولا المايدى. سونداي-اق، قان تاپسىراردان ٴبىراز بۇرىن وتا جاساتقاندار، ٴتىسىن ەمدەتىپ نەمەسە جۇلدىرعاندار، دارى-دارمەك ىشكەندەر، ەكپە سالدىرعاندار، ەندەميالىق اۋداندارعا بارىپ كەلگەندەردىڭ دونور بولۋىنا ۋاقىتشا شەكتەۋ قويىلادى.

"قان تاپسىرۋ ٴۇشىن دە دايىندىق كەرەك. مىسالى، ودان ٴبىر كۇن بۇرىن جانە تاڭەرتەڭ مايلى تاعامدار مەن ەت-سۇت ونىمدەرىنەن باس تارتۋ قاجەت. تۇنگى اۋىسىمنان شىققاننان كەيىن دەمالىپ الماي، قان تاپسىرۋعا، اۋىر زات كوتەرۋگە بولمايدى. قان بەرەر الدىندا تەمەكىدەن 3 ساعات، ٴسپيرتتى ىشىمدىكتەردەن 48 ساعاتقا باس تارتۋ كەرەك. قان ورتالىعىنا باراتىن كۇنى تاڭەرتەڭ ٴتاتتى شاي، شىرىن، گازدالعان سۋسىندار ٴىشىپ، نان-توقاش ونىمدەرىن جەۋگە بولادى"، - دەپ تۇيىندەرى مəمس قورى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي