BAQ.kz - Қазақстан жаңалықтары USD 341.08 BAQ.kz - Қазақстан жаңалықтары EUR 394.46 BAQ.kz - Қазақстан жаңалықтары RUB 5.37
استانا:

دەپۋتاتتار مەنينگيتكە قاتىستى ساعىنتايەۆقا: الەۋمەتتىك جەلىلەردىڭ مينيسترلىكتەن جەدەل ٴارى مىعىم ەكەنىن كوردىك

ەلىمىزدە ٴالى دە شۋى باسىلماي تۇرعان مەنينگيت ماسەلەسى قوعامنىڭ بارلىق سالاسىندا تالقىلانىپ جاتىر. وسىعان وراي ٴبىرقاتار دەپۋتات قازاقستان رەسپۋبليكاسىنىڭ پرەمەر-مينيسترى باقىتجان ساعىنتايەۆقا وزدەرىنىڭ دەپۋتاتتىق ساۋالدارىن جولداعان ەكەن. وندا ادام دەنساۋلىعى ٴۇشىن مينيسترلىكتەردىڭ ٴالى دە جايباسارلىق تانىتىپ وتىرعاندىعى اشىپ ايتىلعان، دەپ حابارلايدى baq.kz اقپارات اگەنتتىگى.

قازاقستان رەسپۋبليكاسىنىڭ

پرەمەر-مينيسترى

ب.ٴا. ساعىنتايەۆقا

قۇرمەتتى باقىتجان ٴابدىر ۇلى!

بۇل دەپۋتاتتىق ساۋالعا حالىقتىڭ مەنينگيتپەن اۋىرۋىنا بايلانىستى تۋىنداعان جاعداي سەبەپ بولدى. بولاشاقتا وسىنداي جاعدايدى بولدىرماۋ ماقساتىندا، وسى ساۋالدى جولداپ وتىرمىز.

الەۋمەتتىك جەلىلەردەگى حابارلامالار مەن دەپۋتاتتارعا جولدانعان حاتتاردىڭ نەگىزىندە حالىقتىڭ ٴحالى ۇرەيلى جاعدايعا جاقىن ەكەنىن بايقاۋعا بولادى. دارىگەرلەر بولسا كەرىسىنشە، ورىن الىپ جاتقان جاعدايلاردىڭ قالىپتى ەكەنىن، قورقاتىنداي سەبەپ جوقتىعىن سەندىرۋگە تىرىستى.

الايدا دەنساۋلىق ساقتاۋ مينيسترلىگىنىڭ اقپاراتتى ٴۇستىرت تالداۋى جاعدايدىڭ باسقاشا ەكەنىن كورسەتىپ تۇر.

ستاتيستيكا بويىنشا 2013 جىلى ەلدە مەنينگيتپەن 117 ادام اۋىرىپ ٴ23-ى، 2014 جىلى 119 ادام اۋىرىپ 29-ى، 2015 جىلى 424 ادام اۋىرىپ 26-سى، 2016 جىلى 120 ادام اۋىرىپ ٴ15-ى، 2017 جىلى 62 ادام اۋىرىپ ٴ11-ى كوز جۇمعان.

بيىل 5 ماۋسىمعا دەيىن مەنينگوكوك ينفەكسياسىن جۇقتىرعان 60 جاعداي تىركەلىپ، 13 ادام قايتىس بولدى.

ياعني وتكەن جىلدارى مەنينگيتتەن كوز جۇمعانداردىڭ مەنينگيتپەن اۋىرعاندارعا شاققانداعى پايىزى 5 - 17 % ارالىعىندا بولعان. ال بيىل بۇل كورسەتكىش 22% جەتتى.

وسىدان-اق جاعدايدىڭ بۇرىنعىداي ەمەستىگىن جانە وكىلەتتى ورگان تاراپىنان شۇعىل ٴارى توتەنشە شارالار قاجەتتىگىن تۇسىنۋگە بولماي ما؟

الايدا ٴتىپتى دەنساۋلىق ساقتاۋ ٴمينيسترىنىڭ الماتىعا كەلگەننىڭ وزىندە مەديسينا مەكەمەلەرى شۇعىل رەجيمدە جۇمىس ىستەۋگە دايىن بولعان جوق جانە ەمدەۋ مەكەمەلەرىنىڭ، قوعامدىق دەنساۋلىق ساقتاۋ قىزمەتىنىڭ، جەدەل جاردەم ستانسيالارىنىڭ جۇمىسىندا جۇيەلىلىك جوق.

بۇعان قوسا الەۋمەتتىك جەلىلەردىڭ مينيسترلىكتەن جەدەل ٴارى مىعىم ەكەنىن كوردىك. whatsapp مەسسەندجەرىندە العاشقى حابارلامالار 19 مامىردا پايدا بولسا، قازاقستاننىڭ باس سانيتار دارىگەرى 3 ماۋسىمدا سويلەپ، مينيستر وكق-دا 4 ماۋسىمدا ٴباسپاسوز كونفەرەنسياسىن وتكىزدى.

قوعامدىق پىكىرگە جاۋاپ بەرۋدەگى، سىبىس پەن تەرىس پىكىرگە قارسى تۇرۋداعى مۇنداي باياۋلىق قازىرگى جاعدايعا جەتكىزدى. وسى ورايدا مەملەكەتتىك سانيتارلىق-ەپيدەميولوگيالىق باقىلاۋ مەن قاداعالاۋ جۇرگىزەتىن نەگىزگى لاۋازىمدى تۇلعا بولىپ تابىلاتىن قر باس مەملەكەتتىك سانيتار دارىگەرىنىڭ ارەكەتسىزدىگىنە تاڭعالامىز.

حالىق قۇزىرلى ورگاننان ەلدە نە بولىپ جاتقانى، كىمدەرگە ٴقاۋىپ ٴتونىپ تۇرعانى، بالالارعا الاڭداۋعا نەگىز بار-جوقتىعى، ينفەكسيادان قالاي ساقتانۋ كەرەكتىگى، ۆاكسيناسيا قاجەت پە جانە ونى قايدان الۋ جايلى دەر كەزىندە جاۋاپ المادى.

سوندىقتان مەنينگيتكە قاتىستى قوعامدا تۋىنداعان رەزونانستىڭ باقىلاۋدىڭ ازدىعىنان جانە دەنساۋلىق ساقتاۋ مينيسترلىگى مەن ونىڭ اۋماقتىق بولىمشەلەرىنىڭ قاجەتتى شارالاردى ۋاقىتىلى قابىلداماۋىنان ورىن العانىن ايتۋعا بولادى.

وسى اۋرۋدىڭ تاراۋىنا بايلانىستى حالىق قايدا حابارلاسۋ كەرەكتىگىن جانە قانداي شارالار قابىلداۋ قاجەتتىگىن بىلمەگەندىكتەن وسىنداي جاعداي تۋىنداپ وتىر. ەمدەۋ مەكەمەلەرىنىڭ وسى دەرت سيمپتومدارىمەن تۇسكەندەردى قابىلداۋعا دايىن ەمەستىگى جونىندە فاكتىلەر بار.

ال مەنينگوكوك ەپيدەمياسىنا دايىندىقتى قامتاماسىز ەتۋ كەلەسى شارالاردى قامتيتىن ەپيدەميولوگيالىق باقىلاۋدان تۇرادى: اۋرۋ جاعدايلارىن انىقتاۋدان ولاردى تەكسەرۋگە جانە زەرتحانالىق راستاۋعا دەيىن. دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىستارى بويىنشا پروفيلاكتيكا 1 جاستان 29 جاسقا دەيىنگى بارلىق ادامدارعا وسى ۆاكسينا سالۋدى قاراستىرادى. سەبەبى 3 جاسقا دەيىنگى بالالار مەن جاستارعا ٴقاۋىپ كوپ. جاۋاپ بەرۋ شارالارى كەيىنگە قالدىرىلمايتى جانە اۋىرۋ جاعدايلارىن تيىسىنشە جۇرگىزۋ جانە دەرەۋ ارەكەت ەتۋدى قامتيدى.

جوعارىدا باياندالعاندى ەسكەرە وتىرىپ، قالىپتاسقان جاعدايدى وبەكتيۆتى باعالاۋ جانە بولشاقتا ەل اراسىندا الاڭداۋشىلىققا جول بەرمەۋ ماقساتىندا قر ۇكىمەتى ٴبىرقاتار سۇراقتارعا شۇعىل جاۋاپ بەرگەنى قاجەت دەپ سانايمىز:

- قازاقستان رەسپۋبليكاسىنىڭ باس مەملەكەتتىك سانيتار دارىگەرىنىڭ قالىپتاسقان جاعدايداعى ٴرولى قانداي، اۋرۋدىڭ تاراۋىنا بايلانىستى الدىن الۋ شارالارى نەگە قابىلدانبادى؟;

- وسى ماسەلە بويىنشا حالىققا كونسۋلتاسيا بەرۋ ٴۇشىن call-ورتالىقتار نەگە ۋاقىتىلى اشىلمادى؟;

- ەلدە وسى اۋرۋعا دياگنوستيكا جۇرگىزەتىن زەرتحانالار جەتكىلىكتى مە؟;

- الەمدىك تاجىريبە نەگىزىندە وسى اۋرۋدىڭ تارالۋىنا قالاي جول بەرمەۋگە بولادى، الدىن الۋ شارالارى بار ما؟;

- بالالار مەن جاستار جينالاتىن ورىندارعا (بالاباقشالار، جازعى لاگەرلەر، اسكەري كازارمالار، حوستەلدەر، ويىن-ساۋىق ورتالىقتارى جانە ت.ب.) ەسكەرتپەلەر نەگە ۋاقىتىلى، شۇعىل ازىرلەنبەدى؟;

- مەنينگوكوك جانە باسقا ينفەكسيالار بويىنشا كۇدىككە ىلىنگەن پاسيەنتتەردى ادەكۆاتتى تۇردە مەديسينالىق سارالاۋ قاشان جانە قالاي ۇيىمداستىرىلادى؟ وسىنداي جاعدايلاردا شۇعىل كومەك كورسەتۋ ٴۇشىن («التىن ساعات» ەرەجەسى) پروفيلىنە قاراماستان بارلىق ستاسيونارلار دايىندىقتان وتكىزىلدى مە؟ ينفەكسيالىق ستاسيونارلار ٴۇشىن پاسيەنتتەر ساناتىن جۇرگىزەتىن ٴبىرىڭعاي الگوريتم ازىرلەندى مە؟

سەبەبى مەملەكەتتىك ورگانداردىڭ اقپاراتتىق جۇمىستى ۋاقىتىلى ٴارى جەتكىلىكتى دەڭگەيدە جۇرگىزبەي، جاعدايدى باقىلاۋدان شىعارىپ، قوعامدىق رەزونانس تۋدىرىپ وتىرعانى ٴبىرىنشى رەت ەمەس.

كەز كەلگەن سىبىسقا ناقتى ٴارى جەدەل مونيتورينگ جۇرگىزىلمەۋى جانە ولار تاراعان العاشقى تاۋلىكتە پرورەاكتيۆتى رەاكسيانىڭ بولماۋى، رەسمي مالىمدەمەلەردىڭ كەشىگۋى جانە باسقا ەسكەرتۋ شارالارىنىڭ جەتكىلىكسىزدىگى قوعامدى ٴبىرىنشى رەت داۋرىقتىرىپ تۇرعان جوق. ازاماتتاردىڭ مەملەكەتتىك ورگاندار مەن مامانداردىڭ پىكىرىنە دەگەن سەنىمىن تومەندەتەدى.

قۇرمەتتى باقىتجان ٴابدىر ۇلى جوعارىدا باياندالعاندى ەسكەرە وتىرىپ، سىزدەن قويىلعان ماسەلەلەردى شەشۋدى اسا باقىلاۋعا الۋدى، قازاقستان رەسپۋبليكاسىندا مەنينگوكوك مەنينگيتىنىڭ تارالۋىنا جول بەرمەۋ بويىنشا جىل سايىنعى كەشەندى شارالاردى بەكىتۋدى سۇرايمىز.

بۇل ماسەلەلەر قوعامدا ۇلكەن رەزونانس تۋدىرىپ وتىرعاندىقتان، بۇل دەپۋتاتتىق ساۋالعا جاۋاپتى قىسقا مەرزىمدە بەرۋدى سۇرايمىز.

قۇرمەتپەن،

ب. ٴايتىموۆا

س. بەكتۇرعانوۆ

م. باقتيار ۇلى

س. ەرشوۆ

ب. جۇماعۇلوۆ

د. نوكەتايەۆا

ن. تورەعاليەۆ

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي