BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

دەنساۋلىق ساقتاۋ مينيسترلىگى مەديسينالىق قىزمەتتەردىڭ تاريفتەرىن بەكىتتى

فوتو: ашық дереккөзден

ەلىمىزدە تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە حالىققا تەگىن كورسەتىلەتىن مەديسينالىق قىزمەتتەردىڭ تاريفتەرى بەكىتىلدى، دەپ حابارلايدى baq.kz اقپارات اگەنتتىگى.

اعىمداعى جىلعى قىركۇيەك ايىندا قر دەنساۋلىق ساقتاۋ مينيسترلىگى «تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە جانە مىندەتتى الەۋمەتتىك مەديسينالىق ساقتاندىرۋ جۇيەسىندە كورسەتىلەتىن مەديسينالىق قىزمەتتەردىڭ تاريفتەرىن بەكىتۋ تۋرالى» بۇيرىققا قول قويدى.

بۇيرىقتا مەديسينالىق كومەك (دارىگەرگە دەيىنگى، بىلىكتى، مامانداندىرىلعان، مەديسينالىق-الەۋمەتتىك) جانە جوعارى تەحنولوگيالىق مەديسينالىق كومەك كورسەتۋگە تاريفتەر كورسەتىلگەن.

بەكىتىلگەن تاريفتەر – بۇل مەملەكەتتىڭ مەديسينالىق ۇيىمدارعا ٴبىر ەمدەلىپ شىعۋ جاعدايى ٴۇشىن ەمدەۋگە بيۋدجەتتەن وتەيتىن مەديسينالىق قىزمەتتەردىڭ قۇنى. مەديسينالىق قىزمەتتىڭ قۇنى پاسيەنتتەرگە كورسەتىلگەن مەديسينالىق كومەكتىڭ كۇردەلىلىك دەڭگەيىنە قاراي قۇبىلادى. وسى بۇيرىقپەن كۇردەلى جاعدايلاردى ەمدەۋ كەزىندە مەديسينالىق ۇيىمدار كوتەرەتىن شىعىستاردى ەسكەرە وتىرىپ، اكۋشەرلىك-گينەكولوگيالىق جانە نەوناتولوگيالىق بەيىندەر بويىنشا قىزمەتتەرگە تولەم ەنگىزىلگەن.

بۇيرىق تمككك شەڭبەرىندە جانە ودان ٴارى ٴمامس ەنگىزۋ كەزىندە ستاسيونارلىق جانە ستاسيوناردى الماستىراتىن مەديسينالىق قىزمەتتەردى كورسەتەتىن مەديسينالىق ۇيىمداردى، ياعني الەۋمەتتىك مەديسينالىق ساقتاندىرۋ قورىمەن مەديسينالىق قىزمەتتەر كورسەتۋ تۋرالى شارتتارى بار مەديسينالىق، ونىڭ ىشىندە جەكە ۇيىمداردى قامتيدى.

وسى تاريفتەردىڭ – مەملەكەتتىڭ تەگىن مەديسينالىق كومەكتىڭ كەپىلدىك بەرىلگەن كولەمى شەگىندە ازاماتتارعا تەگىن كورسەتىلەتىن مەديسينالىق قىزمەتتەرگە ارنالعان شىعىستارى ەكەنىن اتاپ ٴوتۋ قاجەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي