BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

دەنساۋلىق ساقتاۋ ٴمينيسترى: مەنينگيت جۇقتىرعانداردىڭ جاعدايىن ٴوزىم جەكە باقىلاپ وتىرمىن

فوتو: express-k.kz

قر دەنساۋلىق ساقتاۋ ٴمينيسترى ەلجان ٴبىرتانوۆ مەنينگوكوكك ينفەكسياسىن جۇقتىرعان ازاماتتاردىڭ دەنساۋلىعىن جەكە ٴوزى باقىلاپ وتىرعانىن ٴمالىم ەتتى، دەپ حابارلايدى baq.kz ٴتىلشىسى.

«قازىرگى تاڭدا جاعداي تۇراقتى. مەنينگيت ماسەلەسى باقىلاۋدا. كەشە ٴبىر ادام مەنينگيت جۇقتىردى دەگەن كۇدىكپەن اۋرۋحاناعا جەتكىزىلدى. جالپى، وسى دەرتكە شالدىققان پاسەنيەتتەردىڭ جاعدايىن جەكە ٴوزىم باقىلاپ وتىرمىن. ولاردىڭ ومىرىنە ٴقاۋىپ ٴتونىپ تۇرعان جوق»، - دەدى مينيستر ۇكىمەت وتىرىسىنان شىققان سوڭ.

ونىڭ ايتۋىنشا، كەشە الماتىداعى اۋرۋحاناعا اۋىر جاعدايدا ٴبىر بالا جەتكىزىلگەن.

«الايدا ونىڭ دەنساۋلىعى قازىرگى تاڭدا ٴبىرقالىپتى. وعان ناقتى دياگنوز قويىلعان جوق. مەنينگيت اۋرۋىن جۇقتىردى دەگەن دياگنوز ناقتى 60 ادامعا قويىلدى. اۋرۋدىڭ جاڭا دەرەكتەرى تىركەلگەن جوق، سوندىقتان ماسەلە باقىلاۋدا. قازىرگى تاڭدا مەنينگوكوكك ينفەكسياسىن جۇقتىرعان اۋرۋحانادا 11 پاسيەنت ەم قابىلداپ جاتىر»، - دەپ تۇيىندەدى ٴسوزىن ەلجان ٴبىرتانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي