BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

ٴدارىنىڭ جاعىمسىز اسەرى الماتى مەن قىزىلوردا وبلىستارىندا كوپتەپ تىركەلگەن 

استانا، baq.kz ٴتىلشىسى. بۇل جونىندە ورتالىق كوممۋنيكاسيالار قىزمەتىندە ەلىمىزدەگى دارىلىك زاتتاردىڭ جانە مەديسينالىق ماقساتتاعى بۇيىمداردىڭ جاعىمسىز اسەرلەرىن مونيتورينگتەۋ جونىندە وتكەن بريفينگ بارىسىندا ٴمالىم بولدى.

«مينيسترلىك ەلدەگى دارىلىىك زاتتاردىڭ باعاسىن رەتتەۋگە باعىتتالعان زاڭ جوباسىن ازىرلەگەنىن جانە زاڭنامالىق قۇجات قازىرگى ۋاقىتتا سەنات قاراۋىندا جاتقانىن ەسكە سالعىم كەلەدى. بۇل زاڭ كەلەسى جىلى كۇشىنە ەنەدى دەپ جوسپارلانىپ وتىر. مينيسترلىك دارىلىك زاتتاردىڭ كوتەرمە جانە بولشەك ساۋدا بويىنشا شەكتى باعاسىن بەكىتۋ قۇزىرەتىنە يە بولادى. ول باعا دەنساۋلىق ساقتاۋ ٴمينيسترىنىڭ بۇيرىعىمەن بەكىتىلىپ، قوعام ٴۇشىن قولجەتىمدى بولادى جانە سايكەس اقپارات ٴتيىستى ورىندارعا ورنالاستىرىلادى. سونىمەن قاتار، ۇلتتىق دارىلىك زاتتار ساراپتاماسى ورتالىعىمەن ٴدارىحاناداعى ٴدارى باعاسىنىڭ بەكىتىلگەن باعاعا سايكەستىگىن تەكسەرەتىن موبيلدىك قوسىمشا ازىرلەندى»، - دەدى قر دەنساۋلىق ساقتاۋ مينيسترلىگى فارماسيا كوميتەتىنىڭ ٴتورايىمى ليۋدميلا بيۋرابەكوۆا.

ول شەكتى باعادان جوعارى باعا بەلگىلەگەنى ٴۇشىن ٴدارىحانالارعا ٴتيىستى ايىپپۇل تۇرىندە اكىمشىلىك جاۋاپكەرشىلىككە تارتىلاتىنىن ايتتى. ەگەر، بۇل جاعداي بىرنەشە رەت قايتالانسا، ليسەنزيا الدىمەن جارتى جىلعا توقتاتىلادى، كەيىننەن ليسەنزيادان مۇلدە ايىرىلادى.

سونىمەن قاتار، بريفينگ بارىسىندا قر دسم فارماسيا كوميتەتىنىڭ ٴتورايىمىنىڭ ورىنباسارى نۇرلىبەك اسىلبەكوۆ دارىلىك زاتتاردىڭ جاعىمسىز اسەرى قاي وڭىرلەردە ٴجيى تىركەلەتىنىن ايتتى.

«وزدەرىڭىز بىلەسىزدەر، قاراعاندىدا «پروپوفول ليپۋرو» پرەپاراتىنان بالا قايتىس بولعان. الايدا، كەيىننەن جۇرگىزىلگەن زەرتتەۋ ناتيجەسىندە انىقتالعانداي، كەتامين جانە تاعى ٴبىر ٴۇشىنشى پرەپاراتتى قابىلداۋ سالدارىنان كوز جۇمعان. سول سياقتى، استانا قالاسىندا دارىلىك زاتتىڭ جاعىمسىز سالدارىنان ادام ولىمىنە الىپ كەلگەن وقيعا تىركەلدى. قازىرگى ۋاقىتتا، دارىلىك زاتتار مەن مەديسينالىق ماقساتتاعى قۇرالداردىڭ جاعىمسىز اسەرى بويىنشا فاكتىلەر كوبىنە الماتى، قىزىلوردا، قوستاناي وبلىستارىندا تىركەلگەن»، - دەدىى اسىلبەكوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي