BAQ.kz - Қазақстан жаңалықтары USD 364.35 BAQ.kz - Қазақстан жаңалықтары EUR 419.95 BAQ.kz - Қазақстан жаңалықтары RUB 5.56
استانا:

بقو-دا اسا ٴقاۋىپتى اۋرۋلاردىڭ 10 وشاعى انىقتالدى

باتىس قازاقستان وبلىسىندا اسا ٴقاۋىپتى اۋرۋدىڭ 10 وشاعى تىركەلدى، دەپ حابارلايدى baq.kz اقپارات اگەنتتىگى «موي گورود» پورتالىنا سىلتەمە جاساپ.

وبلىستىق ۆەتەريناريا باسقارماسىنىڭ باسشىسى سەرىك نۇرماعانبەتوۆتىڭ ايتۋىنشا، وسى جىلدىڭ باسىنان بقو اۋماعىندا اسا ٴقاۋىپتى اۋرۋدىڭ 10 وشاعى انىقتالعان.

ەمفيزەمالى كورشيقان اۋرۋىنىڭ 1 وشاعى، قۇتىرۋ دەرتىنىڭ 9 وشاعى تىركەلدى، - دەيدى باسقارما باسشىسى.

سونىمەن قاتار اقجايىق اۋدانىندا ەمكار دەرتىنىڭ 1 وشاعى، قۇتىرۋدىڭ 2 وشاعى، ورالدا قۇتىرۋ دەرتىنىڭ 3 وشاعى، جانگەلدى، بوكەي ورداسى، سىرىم، تاسقالا اۋداندارىندا قۇتىرۋ اۋرۋىنىڭ 1 وشاعى تىركەلدى.

جۇرگىزىلگەن ۆەتەرينارلىق ٴىس-شارالار ناتيجەسىندە مالداردىڭ اسا ٴقاۋىپتى اۋرۋىنىڭ شىعۋ وشاعى ازايعانى بايقالادى. مىسالى، 2014 جىلى اسا ٴقاۋىپتى اۋرۋدىڭ 68 وشاعى تىركەلسە، 2016 جىلى 44 وشاق، 2016 جىلى 25 وشاق، 2017 جىلى 14 وشاق، 2018 جىلدان وسى ۋاقىتقا دەيىن 10 وشاق انىقتالعان.

«وبلىستاعى ەپيزووتيالىق جاعداي باسقا اسا ٴقاۋىپتى اۋرۋلار بويىنشا تۇراقتى»، - دەيدى سەرىك نۇرماعانبەتوۆ.

ايتا كەتەيىك، بيىل باتىس قازاقستان وبلىسىندا ۆەتەرينارلىق قاۋىپسىزدىكتى ساقتاۋ ٴۇشىن بيۋدجەتتەن 999،7 ملن تەڭگە بولىنگەن. ونىڭ ىشىندە ەپيزووتياعا قارسى ۆەتەرينارلىق ٴىس-شارالاردى جۇرگىزۋ ٴۇشىن 883،3 ملن تەڭگە، برۋسەللەز اۋرۋىن جۇقتىرعان مالداردىڭ يەسىنە شىعىندى وتەۋ ٴۇشىن 60،4 ملن تەڭگە، قاڭعىباس يتتەردى ۇستاپ، ولاردى ٴولتىرۋ ٴۇشىن – 56 ملن تەڭگە ٴبولۋ جوسپارلانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي