BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ٴبىرتانوۆ حالىققا نەلىكتەن تەگىن دارىلەر جەتپەي جاتقانىن ٴتۇسىندىردى

فوتو: ашық дереккөзден

دەنساۋلىق ساقتاۋ ٴمينيسترى ەلجان ٴبىرتانوۆ استانادا مەديسينالىق قىزمەتتى جەتىلدىرۋ بويىنشا وتكەن رەسپۋبليكالىق سەمينار-كەڭەستە ەلىمىزدەگى ٴدارىحانالاردا تەگىن دارىلەردىڭ تاپشىلىعى نە سەبەپتى تۋىنداعانىن ٴتۇسىندىردى، دەپ حابارلايدى baq.kz ٴتىلشىسى.

"دارىمەن قامتاماسىز ەتۋ ٴبىز ٴۇشىن پروبلەما بولىپ وتىر. وسى جىلدىڭ باسىنان اكىمدىكتەر مەن دەنساۋلىق ساقتاۋ مينيسترلىگى ٴدارى تاپشىلىعى ماسەلەسىنە تاپ بولدى. نەلىكتەن؟ ٴبىز ورتالىقسىزداندىرۋدان ورتالىقتاندىرۋعا ٴوتۋ ٴۇشىن جۇيەنى وزگەرتە باستادىق. بۇل ٴنورماتيۆتى قۇجاتتاردى وزگەرتۋدى تالاپ ەتتى، بۇدان بولەك ساتىپ الۋ كەش ٴجۇردى. بىزدە بىرنەشە جىلدان بەرى جۇمىس ىستەپ كەلە جاتقان دارىمەن قامتاماسىز ەتۋ تۋرالى اقپاراتتىق جۇيە بار. وندا دارىگەردىڭ قانداي ٴدارى جازعانى، ٴدارىنى قاي ەمحانا بەرگەنى تۋرالى ناقتى اقپارات كورسەتەدى. بارلىق تەگىن رەسەپتەر وسى جۇيەدە، ياعني دارىگەر جازادى، ەمحانا بەرەدى. 2،5 ملن ادام الادى، دەرەكتەر بازاسى بار. ادامدارعا حابارلاسىپ سۇراي باستاعاندا ٴبىز المادىق دەپ ايتتى. ٴبىراق الدى دەپ بازادا ەسەپتەلەدى. سوعان ساي تەكسەرىس وتكىزىپ، بارلىعى الىنعانىن كوودىك. ال وسى جۇيەگە قاتىسقان جەكە ٴدارىحانالاردا 4،5 ملرد تەڭگە قالدىق اقشا بارىن انىقتادىق"،- دەدى ەلجان ٴبىرتانوۆ.

ۆەدومستۆا باسشىسىنىڭ سوزىنشە وسىعان قاتىستى بۇزۋشىلىقتار بولۋى مۇمكىن دەگەن دەرەكتەردى باس پروكۋراتۋراعا جىبەرگەن. ولار قىلمىستىق جاعداي بار-جوعىن الداعى ۋاقىتتا انىقتاپ، جۇمىس ىستەيتىن بولادى.

"وسىعان بايلانىستى سيفرلاندىرۋ بويىنشا جۇمىستاردى اياقتاۋ وتە ماڭىزدى بولىپ وتىر. بۇگىندە "سك-فارماسيا" بارلىق وڭىرگە تەگىن دارىلەردىڭ جارتى جىلدىق قاجەتتىلىگىن ٴىس جۇزىندە بىلتىر قاعاز تۇرىندە العان وتىنىمدەر بويىنشا تيەپ ٴبىتىردى. سوعان سايكەس وتىنىمدەردىڭ ناقتى ەمەس ەكەنىن كوردىك. ماۋسىم مەن مامىردا اكىم ورىنباسارلارىنىڭ قول قويۋىمەن قاجەتتى دەگەن تەگىن دارىلەردى الدىق. سالماقتى تاپشىلىقتىڭ بارىن كوردىك. وسى تاپشىلىققا بايلانىستى 23 ملرد تەڭگەنى قوسىمشا ساتىپ الۋعا جىبەردىك. ٴقازىر دەفيسيت بولماۋى ٴتيىس"، - دەدى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي