BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ٴبىرتانوۆ ەمحاناعا جالعان قۇجاتپەن تىركەلەتىندەر بار ەكەنىن ايتتى

قازاقستان ازاماتتارى ەمحانالارعا egov.kz ارقىلى ونلاين جانە حقكو بارىپ تىركەلە الادى. بۇل تۋرالى دەنساۋلىق ساقتاۋ ٴمينيسترى ەلجان ٴبىرتانوۆ مالىمدەدى، دەپ حابارلايدى baq.kz ٴتىلشىسى.

«بۇرىندارى ادامدار تۇراتىن اۋدانىنا قارايتىن دارىگەرگە باراتىن. بۇگىندە ازاماتتاردا دارىگەر مەن مەديسينا ۇيىمىن تاڭداۋ مۇمكىندىگى بار. جۇيە بويىنشا 18 ملن ادامنىڭ اربىرىندە جان باسىنا بەرىلەتىن تاريفتەر بار. ول ادام قاي ەمحاناعا تىركەلسە اقشا سول ەمحاناعا بەرىلەدى»، - دەدى ول.

ونىڭ ايتۋىنشا، ەلىمىزدە ٴار كۇن سايىن 6 مىڭ ادام، جىلىنا ميلليون ادام مەديسينا مەكەمەلەرىنە تىركەۋگە تۇرادى. دەگەنمەن ونىڭ ٴبارى مەديسينا قىزمەتىن پايدالانا بەرمەيدى.

«جاس، دەنى ساۋ ادامدار ەمحانالارعا بارمايدى. قارت، جۇكتى ايەلدەر، بالالار جان باسىنا قارجىلاندىرۋعا بولىنگەن اقشانى پايدالانادى. ٴبىراق بۇل جەردە دە تاجىريبە مەن ۋاقىت دەگەن نارسە بار. مەديسينالىق ساقتاندىرۋ قورى بيىل ٴبىرىنشى رەت تولەۋشى رەتىندە جۇمىس ىستەپ جاتىر. 2010-2012 جىلدارى جۇيە پايدا بولعاندا ٴبارى جاپپاي ەلەكتروندى تىركەلە باستادى. ٴتىپتى ٴوزىم 5 جىل استانادا تۇرسام دا باسقا وبلىستا تىركەۋدە تۇرعانىمدى ٴبىلدىم»، - دەدى ٴبىرتانوۆ.

دەنساۋلىق ساقتاۋ ٴمينيسترى مۇنداي جاعدايعا پارلامەنت دەپۋتاتتارىنىڭ دا تاپ بولعانىن اتاپ ٴوتتى.

«جۇيە بويىنشا جسن ارقىلى قايدا تىركەلگەنىن كورۋگە بولادى. بيىل كوپتەگەن دەپۋتات باسقا وبلىستاردا تىركەۋدە تۇرعانىن بايقاعاندارىن ايتتى، بۇل دەگەنىمىز اقشا اي سايىن باسقا جەرگە بارادى. ەندىگى كەزەكتە تىركەلۋ حقكو ارقىلى جۇرگىزىلەدى. وسىعان دەيىن تىركەلۋ ٴۇشىن ٴوتىنىش پەن جەكە كۋالىك كوشىرمەسى عانا كەرەك بولاتىن. ال ازاماتتاردى تەكسەرە باستاعاندا جالعان وتىنىشتەردى انىقتادىق. ەندى egov.kz ارقىلى ونلاين تىركەلۋگە جانە حقكو بارىپ تىركەلۋگە بولادى»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي