BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

ٴبىرتانوۆ: بيىل 8 اي ىشىندە 1،5 ميلليوننان استام ادام تەگىن دارىمەن قامتىلدى

فوتو: Нұржас Жақсыбай

ورتالىق كوممۋنيكاسيا قىزمەتىندە وتكەن بريفينگتە دەنساۋلىق ساقتاۋ ٴمينيسترى ەلجان ٴبىرتانوۆ تەگىن مەديسينالىق كومەكتىڭ كەپىلدىك بەرىلگەن كولەمىنىڭ شەڭبەرىندە حالىقتى دارىلىك زاتتارمەن قامتاماسىز ەتۋ مەن قازاقستان رەسپۋبليكاسىندا فارماسەۆتيكا سالاسىنىڭ جاعدايى جانە دامۋى تۋرالى ايتتى، دەپ حابارلايدى baq.kz ٴتىلشىسى.

"وتكەن جىلدىڭ باسىندا ەلباسىمىز نۇرسۇلتان نازاربايەۆ دەنساۋلىق ساقتاۋ مينيسترلىگىنە تەگىن دارى-دارمەكپەن قامتۋ ماسەلەسىن جانە دارى-دارمەكتەردىڭ باعاسىن رەتتەۋ بويىنشا ناقتى تاپسىرما بەردى. ەكىنشى تاپسىرما بويىنشا ارنايى زاڭ ازىرلەندى. ول قازىرگى ۋاقىتتا پارلامەنتتە قارالىپ جاتىر، جىلدىڭ اياعىنا دەيىن شەشىم قابىلدانادى دەپ سەنەمىز"، - دەدى ٴبىرتانوۆ.

سونداي-اق، ول 2019 جىلدىڭ قاڭتار ايىنان باستاپ ەلىمىزدەگى بارلىق ٴدارىحاناداعى دارى-دارمەكتەردىڭ باعاسىن رەتتەۋ مەحانيزمى ەنگىزىلەتىنىن ايتتى.

"وزدەرىڭىز بىلەسىزدەر، ٴبىر ٴدارىنىڭ باعاسى ەكى ٴدارىحانادا ەكى ٴتۇرلى بولاتىن جاعدايلار بولادى. كەي دارى-دارمەكتىڭ باعاسى جازدا باسقا، قىستا باسقا باعادا ساتىلادى. جاڭا زاڭ جوباسى قابىلدانسا، بۇل ماسەلەنىڭ ٴبارى رەتتەلەدى"، - دەدى ول.

وتكەن جىلدان باستاپ دارى-دارمەكتەردى ساتىپ الۋ تۋرالى بىرنەشە جاڭا نورماتيۆتىك-قۇقىقتىق اكتىلەر قابىلداندى. تەگىن دارى-دارمەكتەردى ساتىپ الۋ پروسەسى ورتالىقتاندىرىلعان، ياعني قازىرگى ۋاقىتتا بۇكىل دارى-دارمەك "سق-فارماسيا" كومپانياسى ارقىلى ساتىپ الىنادى.

"بيىل 8 اي ىشىندە 1،5 ميلليوننان استام ادام تەگىن دارىمەن قامتىلدى. جىل سوڭىنا دەيىن 3،5 ميلليون ادام تەگىن دارىمەن قامتىلادى دەپ جوسپارلانعان. تۇسىنىكتى بولۋى ٴۇشىن تاعى ٴبىر قايتالاپ ايتا كەتەيىن، تەگىن دارى-دارمەكتەر تىزىمىنە كىرەتىن دارىلەر عانا تەگىن بەرىلەدى. ول ەمدەلۋ ٴۇشىن قاجەتتى 100% ٴدارىنىڭ 30-ى دەپ اتاۋعا بولادى. ەگەر تەگىن بەرىلەتىن دارى-دارمەكتى جىمقىرۋ نە ساتۋ سياقتى زاڭسىز جاعداي بولسا، فارماسيا كوميتەتىنىڭ جەرگىلىكتى دەپارتامەنتىنە حابارلاپ ايتۋ كەرەك. ونداي جاعدايدا قاجەتتى اكىمشىلىك نەمەسە قۇقىقتىق شەشىمدەر قابىلدايمىز"، - دەيدى ەلجان ٴبىرتانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي