BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

دەنساۋلىق ساقتاۋ ۇيىمدارىنىڭ قىزمەتكەرلەرى ميۋنحەندەگى بيوقاۋىپسىزدىك كونفەرەنسياسىنا قاتىستى

فوتو: © ҚР ДСМ Қоғамдық денсаулық сақтау ұлттық орталығы

قر دسم قوعامدىق دەنساۋلىق ساقتاۋ ۇلتتىق ورتالىعىنىڭ، س.اسفەندياروۆ ات. قازۇمۋ-دىڭ جانە م.ايقىمبايەۆ ات. قازاق كارانتيندىك جانە زوونوزدىق ينفەكسيالار عىلىمي ورتالىعىنىڭ قىزمەتكەرلەرى 2018 جىلعى 28-31 قازان ارالىعىندا ميۋنحەن قالاسىندا (گەرمانيا) مەديسينالىق بيوقاۋىپسىزدىك جونىندەگى كونفەرەنسياعا قاتىستى.

ٴىس-شارانى بۋندەسۆەر ميكروبيولوگيا ينستيتۋتى ۇيىمداستىردى.

كونفەرەنسيا جۇمىسىنا 50-دەن استام ەلدىڭ جەتەكشى عالىمدارى قاتىستى.

ٴىس-شارا بارىسىندا مەديسينالىق بيوقاۋىپسىزدىك اسپەكتىلەرىنە ەرەكشە نازار اۋدارىلدى. ٴىس-شاراعا قاتىسۋشىلار وتە ٴقاۋىپتى ينفەكسيالىق اگەنتتەر قوزدىراتىن اۋرۋلاردى دياگنوستيكالاۋ، ەمدەۋ جانە ولاردىڭ الدىن الۋ سالاسىنداعى سوڭعى زەرتتەۋ ناتيجەلەرىن تالقىلادى. «جىنىستىق جولمەن بەرىلەتىن اۋرۋلار»، «بيولوگيالىق توكسيندەر» نەمەسە «انتيۆيرۋستى پرەپاراتتار، انتيبيوتيكتەر جانە ۆاكسينالار» سياقتى تاقىرىپتار سوزگە ارقاۋ بولدى، سونداي-اق «بيوبارلاۋ» نەمەسە «بيولوگيالىق ۋىتتىلىق»، «زاماناۋي دياگنوستيكا جانە ۆيزۋاليزاسيا» تاقىرىپتارى ۇسىنىلدى.

2013 جىلدان باستاپ قر دسم قدسۇو فيليالى سانيتاريالىق-ەپيدەميولوگيالىق ساراپتاما جانە مونيتورينگ عىلىمي-پراكتيكالىق ورتالىعى بۋندەسۆەر ميكروبيولوگيا ينستيتۋتىمەن (گەرمانيا) بىرلەسىپ، س.اسفەندياروۆ ات. قازۇمۋ جانە م.ايقىمبايەۆ ات. قازاق كارانتيندىك جانە زوونوزدىق ينفەكسيالار عىلىمي ورتالىعى «الەۋەتتى بيولوگيالىق اگەنتتەر قوزدىراتىن ينفەسيالىق اۋرۋلاردى دياگنوستيكالاۋ جونىندە گەرماندىق-قازاقستاندىق جۇيەنى قۇرۋ» عىلىمي جوباسى بويىنشا، ال 2017 جىلدان باستاپ – «بيوقورعانىس جانە بيوقاۋىپسىزدىك جونىندە گەرمان-قازاقستان ىنتىماقتاستىعى» جوباسى بويىنشا تابىستى ىنتىماقتاستىقتا جۇمىس جاساپ جاتقاندىعىن اتاپ كەتكەن ٴجون.

سوڭعى جوبا شەڭبەرىندە پراكتيكالىق دەنساۋلىق ساقتاۋ سالاسىندا جانە عىلىمي باسىلىمداردا پايدالانۋ ٴۇشىن بىرەگەي زەرتتەۋ ناتيجەلەرى الىناتىن بولادى. قازاقستان اۋماعىندا كەنە ەنسەفاليتى مەن گەمورراگيالىق قىزبا ەپيدەميولوگياسى بويىنشا جاڭا ىلىمدەر ولاردى دياگنوستيكالاۋدى جانە ەپيدقاداعالاۋدى، سونىمەن قاتار جۇرگىزىلەتىن پروفيلاكتيكالىق ٴىس-شارالار تاكتيكاسىن جەتىلدىرۋگە مۇمكىندىك بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي