BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

قازاقستاندىق پاللياتيۆتىك كومەك قاۋىمداستىعىنىڭ قۇرىلعانىنا 5 جىل

فوتو: portaldoenvelhecimento.com.br

بۇل تۋرالى بۇگىن استانادا وتكەن «قاتەرلى ىسىكتەردى دياگنوستيكالاۋ مەن ەمدەۋدەگى دارالاندىرىلعان تاسىلدەمە» اتتى حالىقارالىق عىلىمي-تاجىريبەلىك كونفەرەنسيا بارىسىندا ايتىلدى، دەپ حابارلايدى baq.kz ٴتىلشىسى.

قازاقستان پاللياتيۆتىك جاردەم قاۋىمداستىعىنىڭ پرەزيدەنتى، «قاتەرلى ىسىكپەن كۇرەسەيىك» قوعامدىق قورىنىڭ اتقارۋشى ديرەكتورى گۇلنار كۋنيروۆا قازاقستانداعى ٴار ادام ومىرگە ٴقاۋىپ تونگەن دياگنوزعا تاپ بوعلان ادامدار اۋرۋىنان تەكسەرىلگەن دارى-دارمەكتەرگە، باسقا دا اۋىرلىق سيمپتومداردى باسۋدىڭ ٴتيىمدى ادىستەرىنە، حوسپيستەر مەن پاللياتيۆتىك بولىمشەلەردىڭ قىزمەتتەرىنە، دارىگەرلەردى، مەدبيكەلەردى، پسيحولوگتار مەن الەۋمەتتىك قىزمەتكەرلەردى قامتيتىن كاسىبي مۋلتيديسسيپلينارلىق توپتارعا قول جەتكىزۋگە مۇددەلى ەكەنىن ايتتى.

«بيىل قازاقستاندىق پاللياتيۆتىك كومەك قاۋىمداستىعىنىڭ قۇرىلعانىنا 5 جىل تولىپ وتىر. ٴبىزدىڭ ەلىمىزدە پاللياتيۆتىك جاردەمنىڭ ۇزدىك ستاندارتتارىن ەنگىزۋ يدەياسىنا بەرىلگەن ادامداردى بىرىكتىرۋدىڭ جانە دەپۋتاتتىق كورپۋس پەن ونكولوگيالىق قوعامداستىقتىڭ قولداۋىنىڭ ارقاسىندا دەنساۋلىق ساقتاۋ مينيسترلىگىنىڭ وسى سالاداعى كورماتيۆتىك-قۇقىقتىق بازانى جەتىلدىرۋ جونىندەگى ٴبىرقاتار ٴىس-شارالاردىڭ ارقاسىندا پاللياتيۆتىك جاردەم ودان ٴارى دامىتۋ ٴۇشىن قۋاتتى سەرپىن الدى»، - دەيدى گۇلنار كۋنيروۆا.

ەسكە سالا كەتسەك، حالىقارالىق عىلىمي-تاجىريبەلىك كونفەرەنسيانى استانا قالاسىنىڭ قوعامدىق دەنساۋلىق ساقتاۋ باسقارماسى، قازاق ونكولوگيا جانە راديولوگيا عىلىمي زەرتتەۋ ينستيتۋتى مەن استانا اكىمدىگىنىڭ ونكولوگيا ورتالىعى ۇيىمداستىرعانىن جازعان بولاتىنبىز.

انىقتاما ٴۇشىن

پاللياتيۆتىك كومەك دەگەنىمىز – ٴقاۋىپتى اۋرۋمەن زارداپ شەگەتىن ادام ٴۇشىن ماماندىرىلعان مەديسينالىق قىزمەت كورسەتۋ. دياگنوزقا قاراماي اۋرۋدىڭ بەلگىلەرىن جەڭىلدەتۋ. نەگىزگى ماقساتى – ەمدەلۋشىنىڭ جانە ونىڭ وتباسىنىڭ ٴومىر ساپالىعىن جاقسارتۋ. قوسىمشا قولداۋ دەڭگەيىمەن قامتاماسىز ەتۋ ٴۇشىن، ٴپاللياتيۆتى كومەك دارىگەرلەرمەن، مەدبيكەلەرمەن جانە باسقا ماماندارمەن بىرگە كورسەتىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي