BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

بەس انانىڭ سۇراۋى: داۋن سيندرومى بار بالالار ورتالىعىنا دەمەۋشى ىزدەيمىز

فوتو: Гүлжан Раманкулова

استانا، ۆaq.kz ٴتىلشىسى. ەلورداداعى «كۇن الەمى» وڭالتۋ ورتالىعىنا قارجىلاي كومەك كورسەتەتىن دەمەۋشى كەرەك. بۇل تۋرالى ورتالىق قۇرىلتايشىلارىنىڭ ٴبىرى ەۆگەنيا چەبوتارەۆسكايا ايتتى.

وسى ۋاقىتقا دەيىن ورتالىقتا وڭالتۋ كۋرسىنان 250 بالا ٴوتتى. 3 ايلىق كۋرستا بالالار 8 ارنايى كابينەتتە ساباق وتەدى، جاتتىعۋ جاساپ، ٴان ايتادى.

«ورتالىعىمىزدىڭ ناتيجەسى كوپ. ٴتىلى شىقپاي جۇرگەن بالالار سويلەپ كەتتى. وسىدان شامامەن ەكى اپتا بۇرىن ٴبىر بالانىڭ تۇساۋى كەسىلدى. بارلىق بالادا ناتيجە بار. ورتالىقتا ٴقازىر 8 كابينەت بار: ەڭبەك تەراپياسى، ويىن تەراپياسى، يزو، دەفەكتولوگتار، لوگوپەدتەر، ماسساج كابينەتى، مونتەسسوري، مۋزىكا تەراپياسى، لفك. ٴار كۋرس ٴۇش اي بولادى. ەگەر بالا قايتىپ كەلسە، وندا ولاردىڭ قۇجاتىن قايتا كوتەرىپ، دامۋ ديناميكاسىن تەكسەرەمىز»، - دەدى «كۇن الەمى» قورى قۇرىلتايشىلارىنىڭ ٴبىرى ماريا فەدوروۆا جۋرناليستەرگە وڭالتۋ ورتالىعىن تانىستىرۋ بارىسىندا.

فوتو: گۇلجان رامانكۋلوۆا

ەندى وڭالتۋ ورتالىعىنا دەمەۋشى ىزدەۋدە. قۇرىلتايشىلار ٴتۇرلى گرانتقا قاتىسۋدى كوزدەپ وتىر. سەبەبى مەملەكەت بۇرىنعىداي بەلسەندى كومەك كورسەتپەيدى. ال قور قۇرىلعان كەزدە زاعيپا باليەۆانىڭ (قازاقستانداعى بالالار قۇقىعى جونىندەگى بۇرىنعى ۋاكىل – رەد.) باستاماسىمەن «اسىل بالا» رەسپۋبليكالىق قاۋىمداستىعى ورتالىقتى اشۋعا كومەكتەسكەن. وڭالتۋ ورتالىعى قاۋىمداستىقتىڭ پيلوتتىق جوبالارىنىڭ ٴبىرى بولعان.

«كەيدە جولىمىز بولىپ كەتەدى. مىسالعا، قىستا ەلشىلەردىڭ ايەلدەرىنىڭ جارمەڭكەسىندە ٴبىزدىڭ ٴوتىنىشىمىزدى قولداپ، مونتەسسوري جابدىعىن الىپ بەردى. ٴبىراق قىزمەتكەرلەرگە ايلىق بەرۋ، كوممۋنالدىق قىزمەتتەردى تولەۋگە قينالامىز. ٴبىز قىزمەتىمىزدى ٴارى قاراي جالعاستىرۋ ٴۇشىن اي سايىن ٴتۇرلى ۇيىمعا بارامىز. مۇنداي ۇلكەن شتاتتى قارجىمەن قامتاماسىز ەتۋ قيىن»، - دەيدى قۇرىلتايشىلاردىڭ ٴبىرى ەۆگەنيا چەبوتارەۆسكايا.

فوتو: گۇلجان رامانكۋلوۆا

«مەملەكەت ٴبىزدى قولداعانىن قالايمىز. ٴبىزدى بيۋدجەتكە قوسقانىن سۇرايمىز. بارلىق دەرلىك مەملەكەتتىك مەكەمەگە حات جازامىز. پارلامەنت، پرەزيدەنتكە دە حات جولدادىق»، - دەپ قوستى ماريا فەدوروۆا.

بۇگىن ورتالىققا beeline كومپانياسى تەگىن ينتەرنەت قوسىپ بەردى. ەندى ورتالىقتاعى ماماندار ەلىمىزدىڭ ايماعىندا وتىرعان وتباسىلارعا ونلاين كەڭەس بەرە الادى. كومپانيا بۇل ماقساتتا، جاناما شىعىنداردى قوسپاعاندا، 175 ملن تەڭگە جۇمساپ وتىر.

فوتو: گۇلجان رامانكۋلوۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي