BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

بەكشين: توي وتكىزەردە مەيرامحانا سانىنە ەمەس، اسحاناسىنا نازار اۋدارۋ كەرەك

فوتو: ашық дереккөзден

توي نەمەسە سول سياقتى باسقا دا ٴىس-شارا ٴۇشىن مەيرامحانا تاڭداۋ كەزىندە ونىڭ سىرتقى ٴتۇرى، ٴسان-سالتانىنا ەمەس، اسحاناسىنا نازار اۋدارۋ كەرەك. بۇل جونىندە قازاقستاننىڭ ورتالىق كوممۋنيكاسيالار قىزمەتىندە وتكەن بريفينگ بارىسىندا قر دسم قوعامدىق دەنساۋلىق ساقتاۋ كوميتەتىنىڭ ٴتوراعاسى، باس سانيتارلىق دارىگەر جانداربەك بەكشين مالىمدەدى، دەپ حابارلايدى baq.kz ٴتىلشىسى.

«قازاقتار داستارحانىن كەڭ جايىپ، قوناقتى قۇدايىنداي كۇتەتىن حالىق قوي. ٴبىز توي جاساعاندا، ورتا ەسەپپەن 200-300 ادامدى شاقىرامىز. الايدا، توي يەلەرى مەيرامحانا ىزدەگەندە، باستى ورىن اسحانا ەكەنىن ۇمىتىپ، ەڭ الدىمەن، زالدىڭ ٴسان-سالتانىنا نازار اۋدارادى. اسحانامەن تانىسۋ كەزىندە وندا بىلىكتى اسپازداردىڭ بار-جوقتىعىنا، داياشىلار مەن ىدىس جۋاتىن قىزمەتكەرلەردىڭ جەتكىلىكتى ەكەنىنە، تاعامدار مەن ازىق-تۇلىكتى ساقتاۋعا ارنالعان توڭازىتقىشتىڭ بار ەكەنىنە، جالپى، جاعداي جاسالعانىنا، اسحانانىڭ تازالىعىنا كوڭىل ٴبولۋ كەرەك. سەبەبى، جىل سايىن ەلىمىزدە توپتىق ۋلانۋلار كەزدەسەدى»، - دەدى بەكشين.

سونداي-اق، سانيتارلىق دارىگەر توي نەمەسە اس بەرۋ سەكىلدى ٴىس-شارالار وتكىزۋ كەزىندە كەي وڭىرلەردە داستارحانعا قويىلاتىن ٴاس-دامدى ۇيدەن دايارلاپ الىپ كەلۋدىڭ كەمشىن تۇستارىن اتاپ ٴوتتى.

«مەيرامحانا اكىمشىلىگىنىڭ رۇقسات ەتۋىمەن تاعامدى ۇيدەن دايىنداپ الىپ كەلەدى. ال ٴۇي جاعدايىندا كىم جانە قانداي جاعدايدا ازىرلەگەنى بەلگىسىز جانە ٴۇي جاعدايىندا ٴسىز وتە كوپ ادامعا ارنالعان تاعامدى ٴتيىستى دەڭگەيدە ساقتاي المايتىنىڭىز بەلگىلى. مىنە، سونىڭ سالدارىنان توپتىق ۋلانۋلار ورىن الادى. ۋلانۋ جاعدايلارىنىڭ 50 پروسەنتىندە تاعامدى ۇيدەن ازىرلەۋ سەبەپشى بولعان»، - دەپ ەسكەرتتى بەكشين.

كوميتەت ٴتوراعاسى اتاپ وتكەندەي، مەيرامحانالاردا ٴاس-دام ٴىس-شارا باستالۋىنان ٴبىر ساعات بۇرىن داستارحانعا قويىلۋى كەرەك. سەبەبى، بۇل جايىلعان داستارحانداعى استىڭ بۇزىلىپ كەتپەۋىنىڭ كەپىلدىگى.

سونىمەن قاتار، بەكشين جاز مەزگىلىندە ميكرواعزالار تەز داميتىن اسا ٴقاۋىپتى تاعامدار توبىن اتاعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي