BAQ.kz - Қазақстан жаңалықтары USD 356.54 BAQ.kz - Қазақстан жаңалықтары EUR 419.43 BAQ.kz - Қазақстан жаңалықтары RUB 5.42
استانا:

بەكشين شەتەلگە ساياحاتقا شىققاندا ينفەكسيادان ساقتانۋ ادىستەرىن ايتتى

فوتو: ашық дереккөзден

قازاقستاننىڭ ورتالىق كوممۋنيكاسيالار قىزمەتىندە وتكەن بريفينگ بارىسىندا قر دسم قوعامدىق دەنساۋلىق ساقتاۋ كوميتەتىنىڭ ٴتوراعاسى، باس سانيتارلىق دارىگەر جانداربەك بەكشين قازاقستاندىقتارعا شەتەلگە ساياحاتقا شىققاندا ينفەكسيادان ساقتانۋ شارالارى جونىندە كەڭەس بەردى، دەپ حابارلايدى baq.kz ٴتىلشىسى.

«شەتەلگە ساياحاتقا شىعۋ كەزىندە ينفەكسيالاردىڭ الدىن الۋ ەرەجەلەرىن مۇقيات ساقتاۋ كەرەك. قازاقستاندىقتار تايلاندقا كوپ بارادى. دەنگە بەزگەگىن تايلاندتان الىپ كەلگەن جاعدايلار بولعان. بۇل بەزگەكتى تايلاندتان باسقا، ۆەتنام، ٴۇندىستاننان جانە وڭتۇستىك-شىعىس ازيا ەلدەرىنەن جۇقتىرۋ ٴقاۋپى بار. دەنگە بەزگەگىن تاسىمالداۋشى ماسا بولاتىندىقتان، ساياحاتقا شىققاندا دۇرىس كيىنۋ قاجەت. ياعني، كيىم ٴتۇسى اقشىل بولسا، ماسا، كەنە سياقتى جاندىكتى كورۋ وڭاي بولادى. سونىمەن قاتار، مۇنداي جاندىكتەردى جاقىنداتپايتىن جاقپامايلاردى وزىمەن بىرگە الىپ شىعۋ كەرەك. كيىمنىڭ جەڭى دە، بالاعى دا ۇزىن بولعانى دۇرىس»، - دەدى بەكشين.

سانيتارلىق دارىگەر ساياحاتتا جۇرگەندە تاماق ماسەلەسىنە اسا نازار اۋدارۋ كەرەكتىگىن ايتتى.

«تەڭىز تاعامدارىنان اۋلاق بولعان ٴجون. سونىمەن قاتار، كوشەدە ساتىلاتىن سۋسىندار دا ٴقاۋىپتى. سەبەبى، سۋسىندى سالقىنداتۋعا ارنالعان مۇزدىڭ لاس سۋدان دايىندالۋى ٴجيى كەزدەسەدى»، - دەدى قر دسم ٴتوراعاسى.

قوعامدىق دەنساۋلىق ساقتاۋ كوميتەتىنىڭ ٴتوراعاسى ەۋروپاعا ساياحاتقا شىققان قازاقستاندىقتار قىزىلشا اۋرۋىن جۇقتىرۋ ٴقاۋپىنىڭ جوعارىلىعىن ەسكەرۋلەرى كەرەك ەكەنىن ايتتى.

«قازاقستاندىقتار ەۋروپاعا ساياحاتتاۋدى دا ۇناتادى. ال ەۋروپادا ٴقازىر قىزىلشا اۋرۋى ٴورشىپ تۇر. بۇگىنگى كۇنى 5 مىڭعا جۋىق اۋرۋ جۇقتىرۋ فاكتىسى تىركەلگەن جانە بىرنەشە ونداعان ادام كوز جۇمدى. ۋكراينادا 20 مىڭعا جۋىق ٴدال وسىنداي فاكتى تىركەلسە، 11 بالا قىزىلشادان قايتىس بولدى. ديفتەريا اۋرۋى دا تىركەلىپ وتىر. سول سەبەپتى، بۇل اۋرۋلارعا قارسى ەكپە الماعان بالالاردى اتالعان مەملەكەتتەرگە الىپ بارۋعا بولمايدى. اتا-انالار وسىنى ەستە ۇستاۋلارى كەرەك»، - دەگەن بەكشين وڭتۇستىك امەريكاعا ساپار شەگۋ كەزىندە دە ساق بولۋدى ايتتى.

بۇعان دەيىن بەكشين جاز مەزگىلىندە ميكرواعزالار تەز داميتىن اسا ٴقاۋىپتى تاعامدار توبىن اتاعان بولاتىن. سونداي-اق، ول قازاق حالقى توي جاساۋعا ارنالعان مەيرامحانانىڭ اسحاناسىنا ەمەس، زالدىڭ ٴسان-سالتانىنا نازار اۋداراتىنىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي