BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

beeline «كۇن الەمى» ورتالىعىنا تەگىن ينتەرنەت قوسىپ بەردى

فوتو: Гүлжан Раманкулова

استانا، ۆaq.kz ٴتىلشىسى. ەلورداداعى «كۇن الەمى» وڭالتۋ ورتالىعىنا beeline كومپانياسى تەگىن ينتەرنەت قوسىپ بەردى. ەندى ورتالىقتاعى ماماندار ەلىمىزدىڭ ايماعىندا وتىرعان وتباسىلارعا ونلاين كەڭەس بەرە الادى. كومپانيا بۇل ماقساتتا، جاناما شىعىنداردى قوسپاعاندا، 175 ملن تەڭگە جۇمساپ وتىر.

فوتو: گۇلجان رامانكۋلوۆا

داۋن سيندرومى بار بالالار مەن جاسوسپىرىمدەرگە كومەك كورسەتەتىن «كۇن الەمى» قورىن ەرەكشە بالالاردىڭ انالارى ەكى جىل بۇرىن قۇرعان. كەيىن ولار وسى قور اياسىندا مەديسينالىق جانە پسيحولوگيالىق كومەك كورسەتەتىن، الەۋمەتتىك قورعاۋ جانە وڭالتۋ كۋرسىن جۇرگىزەتىن، تەگىن كەڭەس بەرەتىن ورتالىق اشادى. بۇل جەردە مادەني جانە سپورتتىق شارالار دا ۇيىمداستىرىلادى. وسى ۋاقىتقا دەيىن وڭالتۋ كۋرسىنان 250 بالا ٴوتتى.

فوتو: گۇلجان رامانكۋلوۆا

بۇگىن ٴدال وسى ورتالىققا beeline قازاقستان كومپانياسى «شەكسىز مۇمكىندىكتەر» رەسپۋبليكالىق جوباسى اياسىندا تەگىن ينتەرنەت سىيلادى.

«ٴبىز beeline كومپانياسىمەن ىنتىماقتاستىعىمىزدىڭ ارقاسىندا ورتالىق جۇمىسىنا جاڭا مۇمكىندىكتەر اشىلعانىنا قۋانىشتىمىز. ەندى «كۇن الەمى» وڭالتۋ ورتالىعىنىڭ ماماندارى قازاقستاننىڭ تۇكپىر-تۇكپىرىنە ونلاين كەڭەس بەرە الادى. بۇل دەگەنىمىز ەرەكشە بالالاردى ٴوسىرىپ وتىرعان وتباسىلارعا ۇلكەن كومەك ەكەنىن بىلەمىز»، - دەيدى «كۇن الەمى» قق قۇرىلتايشى انالاردىڭ ٴبىرى مارينا فەدوروۆا.

فوتو: گۇلجان رامانكۋلوۆا

ال beeline كومپانياسىنىڭ كورپوراتيۆتى بيزنەستى دامىتۋ جونىندەگى كوممەرسيالىق ديرەكتورى راۋان كابدراحيموۆ «شەكسىز مۇمكىندىكتەر» جوباسىنداعى جوبالاردىڭ كوبەيگەنىن ايتتى.

«ٴبىز بۇل جوبانى ٴتورت جىلدان بەرى جۇرگىزىپ كەلەمىز. وسى ۋاقىت ىشىندە قازاقستانداعى مەكتەپتەر، وڭالتۋ ورتالىقتارى، كىتاپحانالار ينتەرنەتكە وسىلدى. بۇعان دەيىن 25-كە جۋىق ۇيىمنىڭ جۇمىسىنا بەي-جاي قاراي المادىق. ولار زاماناۋي تەحنولوگيالاردىڭ ارقاسىندا ۇلكەن جەتىستىككە جەتىپ كەلە جاتىر. ەندى مىنە «كۇن الەمى» ورتالىعى دا ٴبىز تەگىن ينتەرنەت ۇسىناتىنداردىڭ قاتارىنا قوسىلدى. ەندى ينتەرنەتتىڭ ارقاسىندا ولاردىڭ جۇمىسى تەز ٴارى ساپالى ٴجۇرىپ، مۇعالىمدەر مەن تاربيەشىلەرگە ۇلكەن جاردەم بولادى دەگەن ۇمىتتەمىز»، - دەپ ايتتى راۋان كابدراحيموۆ.

فوتو: گۇلجان رامانكۋلوۆا

beeline business كورپوراتيۆتى برەندىنىڭ «شەكسىز مۇمكىندىكتەر» الەۋمەتتىك باعدارلاماسى 2014 جىلى باستاۋ العان. 2016 جىلدان باستاپ جوبا تەك تەگىن ينتەرنەت ۇسىنىپ قانا قويماي، كومەك بەرەتىن ۇيىمدارىنا جيھاز بەن تەحنيكالىق جابدىق الىپ بەرۋدى قولعا العان. سونداي-اق، جوباعا قاتىستىراتىن ۇيىمداردى 3 تالاپ بويىنشا تاڭدايدى.

«نەگىزىندە، بىزدەن كومەك سۇرايتىن ۇيىمداردى ٴبىز ٴۇش باستى كريتەريي بويىنشا تاڭدايمىز. بىرىنشىدەن، ول ۇيىمنىڭ قىزمەتىن – شىنىمەن يگى ٴىس جاساپ جاتىر ما، سونى تەكسەرەمىز. سودان سوڭ ولارعا ينتەرنەتتىڭ قانشالىقتى قاجەت ەكەنىن قارايمىز. ۇشىنشىدەن، ٴبىز ول جەرگە ينتەرنەتتى قوسا الامىز با، ياعني ٴوزىمىزدىڭ مۇمكىندىگىمىزدى تەكسەرەمىز»، - دەدى كوممەرسيالىق ديرەكتور.

فوتو: گۇلجان رامانكۋلوۆا

راۋان كابدراحيموۆ ينتەرنەت قوسقان كەزدە كومپانيا قانشا تەڭگە شىعىندالاتىنىن دا ايتتى.

«بۇگىنگى كۇنمەن ەسەپتەسەك، ەگەر ٴبىز وسى قىزمەتتى كوممەرسيالىق تۇرعىدان ىسكە اسىرساق، وندا beeline 175 ملن تەڭگە پايدا تابار ەدى. بۇل - تەك ينتەرنەت بەرگەن كەزدەگى تۇسەتىن تابىس. ينتەرنەتتەن بولەك، ٴار وبەكتىدە ونى قوسۋ ٴۇشىن قۇرال-جابدىق، سايماندارعا 1-2 ملن تەڭگە جۇمسالادى. سونىمەن قاتار، «شەكسىز مۇمكىندىكتەر» جوبامىز - veon توبىنىڭ «make your mark» («ٴوز ٴىزىڭدى قالدىر») جاھاندىق الەۋمەتتىك باستاماسىنىڭ قازاقستانداعى فلاگمانى. ٴقازىر وسى جوبا اياسىندا ەل بويىنشا 2500-گە جۋىق بالا ينتەرنەتتى پايدالانادى. قاتىسۋشىلار تىزىمىندە قازاقستاننىڭ 15 قالاسىنان 26 ۇيىم بار»، - دەپ ٴبولىستى راۋان كابدراحيموۆ.

فوتو: گۇلجان رامانكۋلوۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي