BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

باس ونكولوگ: قازاقستاندا جىل سايىن 35 مىڭ ادام قاتەرلى ىسىك دەرتىنە شالدىعادى

استانا، baq.kz ٴتىلشىسى. استاناداعى ۇلتتىق ونكولوگيالىق زەرتتەۋ ورتالىعىنا ەڭ جاڭا زاماناۋي قۇرال-جابدىقتار اكەلىنەدى. بۇل تۋرالى ورتالىق كوممۋنيكاسيالار قىزمەتىنىڭ باسپاسوز-كونفەرەنسياسىندا قر دەنساۋلىق ساقتاۋ مينيسترلىگىنىڭ قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ ديرەكتورى ديليارا قايداروۆا ايتتى.

دەنساۋلىق ساقتاۋ مينيسترلىگىنىڭ مالىمەتىنشە، بيىل ونكولوگيالىق ورتالىقتىڭ قۇرىلىسى باستالدى. جاڭا مەديسينالىق مەكەمە راك اۋرۋلارىن دياگنوستيكالاۋ مەن ەمدەۋگە، ونىڭ ىشىندە لازەرمەن، ساۋلەلىك، جاسۋشالىق-يممۋندىق تەراپيا جانە باسقا دپ زاماناۋي ادىستەردى قولدانۋ ٴۇشىن وزىق تەحنولوگيالاردى پايدالانادى.

"استاناداعى جاڭا ۇلتتىق ونكولوگيالىق ورتالىقتىڭ قۇرىلىسى ٴبىز ٴۇشىن ماڭىزدى جانە باستى مىندەت. ٴبىزدىڭ ەلدە شىن مانىندە جەتىسپەيتىن جابدىقتارمەن جابدىقتالعان زاماناۋي ورتالىق قۇرۋعا قاجەتتىلىك تۋىنداپ وتىر. مەملەكەت باسشىسى ونكولوگيالىق ناۋقاستارعا جوعارى ٴتيىمدى مەديسينالىق كومەك كورسەتۋدى ەرەكشە اتاپ ٴوتتى. بۇكىل الەمدە، سونداي-اق قازاقستاندا قاتەرلى ىسىك اۋرۋىنىڭ ٴوسۋى بايقالىپ كەلەدى. جىل سايىن ەلىمىزدە 35 مىڭعا جۋىق قاتەرلى ىسىكاۋرۋىنىڭ جاڭا جاعدايى تىركەلەدى. دارىگەرلەردىڭ كۇش-جىگەرىنىڭ ارقاسىندا ەلىمىزدە ونكولوگيالىق اۋرۋلاردىڭ ٴولىم دەڭگەيى بىرتىندەپ تومەندەپ كەلە جاتىر. ٴبىزدىڭ مىندەتىمىز - ٴومىر ٴسۇرۋ ۇزاقتىعىن ارتتىرۋ جانە ونكولوگيالىق اۋرۋلاردى ەرتە دياگنوستيكالاۋ"، - دەيدى ديليارا قايداروۆا.

استاناداعى جاڭا ۇلتتىق عىلىمي ونكولوگيالىق ورتالىعىنىڭ جالپى وتكىزۋ قابىلەتتىلىگى جىل سايىن 8 مىڭعا جۋىق ناۋقاستى قۇرايتىن بولادى دەپ جوسپارلانۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي