BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

باس دارىگەر: جولداۋداعى مىندەتتەر الەۋمەتتىك سالانىڭ دامۋىن جاڭا بەلەسكە كوتەرەدى

«الداعى 5 جىل ىشىندە ٴبىلىم، عىلىم، دەنساۋلىق ساقتاۋ سالالارىنا جۇمسالاتىن قاراجاتتى ىشكى جالپى ٴونىمنىڭ 10 پروسەنتىنە دەيىن جەتكىزۋ دەگەن مىندەتتەر ەلىمىزدەگى الەۋمەتتىك سالانىڭ دامۋىن جاڭا بەلەسكە كوتەرەدى دەپ ويلايمىن»، - دەدى جامبىل وبلىستىق تۋبەركۋلەزگە قارسى ديسپانسەرىنىڭ باس دارىگەرى قايرات جەتىبايەۆ baq.kz تىلشىسىنە بەرگەن سۇحبات بارىسىندا.

«ەلباسىنىڭ ٴار جىلعى جولداۋى - تاريحي قۇجات. قايسىسىن الىپ قاراساڭىز دا، ستراتەگيالىق ماڭىزدىلىعى مەن بەلگىلى ٴبىر مەرزىمدە ناقتى مىندەتتەر مەن ماسەلەلەردىڭ شەشىلۋىن قامتاماسىز ەتۋگە باعىتتالعانىن كورەمىز. بيىلعى قازان جولداۋى ٴار قازاقستاندىقتىڭ كوكەيىندە جۇرگەن وزەكتى ساۋالدارعا جاۋاپ بەردى. پرەزيدەنت حالىقتىڭ تۇرمىستىق ساپاسىن ارتتىرۋعا قاتىستى ماڭىزدى ويلار ايتىپ، ول حالىقتىڭ مەديسينالىق-الەۋمەتتىك احۋالىنا اسەر ەتەتىن ماڭىزدى كومپونەنت ەكەندىگىنە باسا نازار اۋدارتتى. ەلباسىنىڭ العاشقى مەديسينالىق-سانيتارلىق كومەكتىڭ اۋىلدىق جەرلەرگە قولجەتىمدىلىگىن قامتاماسىز ەتۋ تۋرالى ايتۋى، وسى سالادا ەڭبەك ەتىپ جۇرگەن مەديسينا قىزمەتكەرلەرىنىڭ جالاقىسىن كوبەيتۋ تۋرالى بەرگەن تاپسىرماسى دەنساۋلىق ساقتاۋ جۇيەسىنە سەرپىن بەرەرى ٴسوزسىز»، - دەدى مامان.

باس دارىگەر كوپتەن بەرى ٴوز شەشىمىن تاپپاي كەلە جاتقان مەديسينالىق مەكەمەلەردەگى قۇجاتتاردى سيفرلى نۇسقاعا كوشىرۋ ٴىسى دە الداعى جىلى قولعا الىناتىنىن ماڭىزدى جايتتىڭ ٴبىرى ەكەنىن ايتتى.

«ويتكەنى، بۇل كەشەندى شارا دارىگەرلەردىڭ جۇمىسىن ەداۋىر جەڭىلدەتىپ، حالىققا كورسەتىلەتىن قىزمەت ساپاسىن ارتتىرا تۇسەدى. سونىمەن قاتار، الداعى 5 جىل ىشىندە ٴبىلىم، عىلىم، دەنساۋلىق ساقتاۋ سالالارىنا جۇمسالاتىن قاراجاتتى جالپى ىشكى ٴونىمنىڭ 10 پروسەنتىنە دەيىن جەتكىزۋ دەگەن مىندەتتەر ەلىمىزدەگى الەۋمەتتىك سالانىڭ دامۋىن جاڭا بەلەسكە كوتەرەدى دەپ ويلايمىن. الداعى ۋاقىتتا حالىقتى ەمدەۋدىڭ جاڭا ادىستەرى مەن جاڭا تەحنولوگيالارىن قولدانا الامىز. ەلباسى ايتقانداي، شەتەلدەن ەم ىزدەمەي، بارلىق ەمنىڭ تۇرلەرىن ەلىمىزدە الۋعا مۇمكىندىك تۋادى. سونداي-اق، بىلىكتى، ٴبىلىمدى جاس مامانداردىڭ قىزىعۋشىلىعىن ارتتىرۋعا تولىق جاعداي جاسالادى دەپ ويلايمىن»، - دەپ مەديسينا مامانى ٴوز ويىمەن ٴبولىستى.

جەتىبايەۆتىڭ ايتۋىنشا، ەلباسى جولداۋىندا ايتالعان اۋىلدىق جەرلەردە العاشقى مەديسينالىق-سانيتارلىق كومەكتىڭ قولجەتىمدى بولۋىن قامتاماسىز ەتۋ ماسەلەسى وبلىستا قولعا الىنعان شارۋا بولىپ وتىر. قازىرگى كۇنگە اۋىلدىق جەرلەرگە قاجەتتى 95 دەنساۋلىق ساقتاۋ نىسانىن 3 جىل كولەمىندە مەملەكەتتىك-جەمەنشىك ارىپتەستىك اياسىندا شەشۋ ٴۇشىن ٴتيىستى جۇمىستار اتقارىلىپ جاتىر.

«سونىمەن قاتار، ەلباسىمىزدىڭ جولداۋىنان تۋىنداعان ونكولوگيالىق قىزمەتكە دە وبلىسىمىزدا باسا نازار اۋدارىلۋدا. بيىلعى جىلى وبلىستىق ونكولوگيالىق ديسپانسەر قۇرىلىسى باستالادى دەپ جوسپارلانۋدا. جالپى، ەلباسى جولداۋىندا ايتىلعان بارلىق باعىت وتە ماڭىزدى جانە ولاردىڭ حالىققا بەرەرى مول. ەندى تەك بەلگىلەنگەن جوسپارلى جۇمىستاردى ٴساتتى جۇزەگە اسىرىپ، جەمىسىن كورۋ قاجەت. ٴبىزدىڭ الدىمىزدا ۇلكەن مىندەتتەر تۇر»، - دەپ تۇيىندەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي