USD 335.71 EUR 357.36 RUB 5.23
استانا:

بالانى ەرتە ۇيىقتاتۋدىڭ پايداسى

بالا ەرتە جاتۋ كەرەك. نەگە؟ سەبەبى ونىڭ ٴوسۋ گورمونى ۇيقىنىڭ ٴتورتىنشى كەزەڭىندە پايدا بولا باستايدى. ياعني، ەگەر بالا 21:00-دە ۇيىقتايتىن بولسا، شامامەن 00:30-دا ونىڭ ٴوسۋ گورمونى قارقىندى جۇمىسقا كىرىسەدى. ەگەر بالا وتە كەش جاتاتىن بولسا، وندا بۇل گورموننىڭ تۇزىلۋىنە ۋاقىت جەتپەي قالادى. ياعني، بۇل ونىڭ وسىپ-جەتىلۋىنە زيان.

سونىمەن قاتار، وسى سالادا جۇرگىزىلگەن سىناقتارعا قاراساق، دۇرىس ۇيىقتايتىن بالالار ساباق ۋاقىتىندا دا زەيىندى، اقپاراتتى دا تەزىرەك ەستە ساقتايدى ەكەن. ۋاقىتىلى جاتىپ، جەتكىلىكتى ۇيىقتايتىن بالالاردىڭ ەرەسەك كەزىندە السگەيمەر اۋرۋىنا شالدىعۋ ٴقاۋپى دە تومەن.

بالانى قالاي ەرتە جاتقىزۋعا بولادى؟

  • بالا ەرتە جاتۋ ٴۇشىن، ۇيدەگىلەردىڭ بارلىعى دا ەرتە جاتۋ كەرەك. بالا ٴوزى توسەككە جاتقان سوڭ، ۇيدەگى قىبىر-جىبىردى ەستىسە، ول ٴالى دە وياۋ جۇرۋگە بولادى دەپ ويلايدى. سول سەبەپتى ۇيدەگىلەردىڭ بارلىعى وزدەرىنىڭ كۇن ٴتارتىبىن وزگەرتۋلەرى ٴتيىس.
  • بالاعا جاتار الدىندا كىتاپ وقۋ ەرتە جاتۋعا كوندىرۋدىڭ تاعى ٴبىر ٴتاسىلى بولىپ تابىلادى. بىرتە-بىرتە ول اتا-اناسى وعان كىتاپ وقىسا، ۇيىقتايتىن ۋاقىت كەلدى دەگەن سانادان تىس نۇسقاۋعا كونەتىن بولادى.
  • بالانى ۇيقىعا دايىندايتىن تاعى ٴبىر ٴتاسىل – پاتەردەگى جارىقتى كومەسكىلەپ قويۋ. پسيحولوگتاردىڭ پىكىرىنشە، شامنىڭ سارعىلت تۇستەس جارىعى ادامنىڭ جۇيكەسىن تىنىشتاندىرىپ، ۇيقىعا قاراي بەيىمدەيدى.
  • تاعى ٴبىر كەڭەس – تۇندە بارلىق گادجەتتەردى ٴسوندىرىپ، بالانىڭ كوزىنە تۇسپەيتىن جەرگە قويۋ. تۇندە ولاردى قايتا-قايتا قوسىپ، تەكسەرىپ، وقىپ، حات جازۋ سياقتى بىتپەيتىن ىستەر بالاعا ۇلگى بولمايدى. ولار سىزدەردىڭ ٴاربىر ىستەرىڭىزدى باعىپ وتىراتىنىن، قاجەت كەزىندە قايتالايتىنىن ەستەن شىعارماڭىز.
  • سپورت تۋرالى دا ۇمىتپاڭىز. كەشكە جاتتىعۋعا باراتىن بالالار جىلدام ۇيىقتاپ قالادى. وسى ەرەجەنى ەستە ۇستاعان ابزال.

بالا كۇنىندە ەرتە ۇيىقتايتىن بالالار بولاشاقتا وزدەرىنە سەنىمدى، دەنى ساۋ بولىپ وسەتىنىن ٴارى ەموسيونالدى تۇرعىدان جاقسى جەتىلەتىنىن ۇمىتپاۋىمىز كەرەك.

anabol.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي