BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

بالالار مۇگەدەكتىگى ٴورشىپ كەلەدى - ٴابىلقاسىموۆا

سوڭعى بەس جىلدا ەلىمىزدە مۇگەدەكتەر سانى 7،5% -عا ارتقان. بۇل تۋرالى قر ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا ۇكىمەت وتىرىسىندا بايانداعان مۇمكىندىگى شەكتەۋلى جانداردى الەۋمەتتىك قورعاۋ تۋرالى ەسەبىندە مالىمدەدى، دەپ حابارلايدى baq.kz ٴتىلشىسى.

ول ٴوز بايانداماسىندا ۇلتتىق جوسپاردا نىسانالى ينديكاتورلارى ايقىندالعان 7 باسىمدى باعىت ۇسىنىلاتىنىن مالىمدەدى. ولار مۇگەدەك ادامداردىڭ قۇقىقتارىن ساقتاۋ جانە قورعاۋ سالاسىنداعى مەملەكەتتىك ساياساتتى ىسكە اسىرۋعا باعىتتالعان.

«ٴبىرىنشى باسىمدىق – مۇگەدەكتىكتىڭ پروفيلاكتيكاسى بويىنشا شارالاردى ودان ٴارى جەتىلدىرۋ. سوڭعى بەس جىلدا مۇگەدەكتىگى بار ادامداردىڭ سانى 7،5%-عا ۇلعايدى. ەرەسەك ادامدار اراسىندا مۇگەدەكتىكتىڭ كەڭ تاراۋىنىڭ نەگىزگى سەبەبى: قان اينالىمى جۇيەسى اۋرۋلارى 26،9%، ونكولوگيالىق اۋرۋلار 19،9%، كەز كەلگەن جەردە بولاتىن جاراقاتتار 10،3% قۇرايدى. بالالار مۇگەدەكتىگى ماڭىزدى پروبلەمالاردىڭ ٴبىرى بولىپ قالۋدا جانە ٴورشىپ كەلەدى. نەگىزگى سەبەپتەرىنە: تۋا بىتكەن انوماليالار 32،5%، جۇيكە جۇيەسى اۋرۋلارى 23،7%، پسيحيكالىق اۋىتقۋلار 11،1% قۇرايدى»، - دەپ مالىمدەدى ۆەدومستۆو باسشىسى.

مينيستر وسىعان بايلانىستى دەنساۋلىق ساقتاۋ مينيسترلىگىنە دەنساۋلىق ساقتاۋ ۇيىمدارى جۇمىسىنىڭ پروفيلاكتيكاعا باعىتتالۋىن قامتاماسىز ەتۋ مەن وعان وتباسىن جوسپارلاۋ، بوسانۋعا دەيىن اۋرۋلاردى دياگنوستيكالاۋ جانە قالپىنا كەلتىرە وڭالتۋ مەديسيناسىن دامىتۋ قاجەت بولىپ وتىرعانىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي