BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

اۋانىڭ لاستانۋى جۇرەك قۇرىلىمىن وزگەرتەدى − عالىمدار

فوتو: The Guardian

سوڭعى جۇرگىزىلگەن زەرتتەۋ ناتيجەلەرىندە عالىمدار اۋانىڭ لاستانۋى مەن جۇرەك اۋرۋلارىنىڭ باستاپقى ساتىسىندا پايدا بولاتىن جۇرەك كامەراسىنىڭ كەڭەيۋى سەكىلدى پروسەسس اراسىندا تىعىز بايلانىس بار ەكەنىن انىقتادى، دەپ حابارلايدى baq.kz اقپارات اگەنتتىگى the guardian باسىلىمىنا سىلتەمە جاساپ.

زەرتتەۋشىلەردىڭ ايتۋىنشا، جۇرەك اۋرۋلارىنىڭ باستاپقى ساتىسىندا پايدا بولاتىن جۇرەك قۇرىلىمىنىڭ وزگەرۋى اۋانىڭ لاستانۋىنا بايلانىستى.

«بۇل زەرتتەۋ اۋا لاستانۋى وتە جوعارى دەڭگەيدەگى وڭىرلەردە نە سەبەپتى ٴولىم سانىنىڭ كوپ بولاتىنىن تۇسىندىرگەندەي بولدى»، - دەيدى عالىمدار.

مىسالى، بىلتىرعى جىلى ۇلىبريتانيادا شۆەسياعا قاراعاندا اۋا لاستانۋىنىڭ اسەرىنەن ادام ٴولىمى 64 ەسە ٴجيى بولعان. مەرزىمىنەن بۇرىن بولاتىن مۇنداي ولىمدەر قان تامىرى اۋرۋلارىنا بايلانىستى بولۋى مۇمكىن.

«ٴبىر وكىنىشتىسى، ٴبىز نە سەبەپتى اۋانىڭ لاستانۋى جۇرەك اۋرۋى مەن ينسۋلتكە اكەلەتىنىن انىقتاي المادىق»، - دەيدى لوندون ۋنيۆەرسيتەتىنىڭ كارديولوگى جانە زەرتتەۋ اۆتورى نەي اۋنگ.

circulation جۋرنالىندا جاريالانعان ماقالادا زەرتتەۋ اۆتورلارى ازوت ديوكسيدى مەن pm2.5، pm10 دەگەن اتاۋمەن بەلگىلى بولشەكتەردىڭ جۇرەك كامەرالارىن ۇلكەيتەتىنىن انىقتاعان. ايتا كەتۋ كەرەك، pm بولشەكتەرى اۆتوكولىك قۇرالدارىنان كوپ بولىنەدى. زەرتتەۋ اۆتورلارىنىڭ ايتۋىنشا، مۇنداي وزگەرىستەر جۇرەكتىڭ جۇمىسىنا اسەر ەتىپ، جۇرەك اۋرۋلارىنىڭ تۋۋىنا العىشارت بولا الادى.

زەرتتەۋ جۇمىستارىنا 40-69 جاس ارالىعىنداعى 4 مىڭنان استام ەرىكتىلەر قاتىسقان. ولار بريتان بيوبانكى سمەكىلدى كەڭ تانىلعان زەرتتەۋ جۇمىستارىنا دا اتسالىسقان. زەرتتەۋگە قاتىسپاس بۇرىن ولاردىڭ ەشقايسىسىندا جۇرەك اۋرۋى مەن اقاۋ بولماعان. زەرتتەۋ باستالاردا قاتىسۋشىلاردىڭ جۇرەگىنە مرت جاسالىپ، قۇرىلىمى مەن جۇرەك قىزمەتى تۋرالى تولىققاندى مالىمەت جيناقتالعان.

سونىمەن قاتار زەرتتەۋشىلەر قاتىسۋشىلاردىڭ تۇراتىن مەكەن جايلارىنىڭ ماڭىنداعى سوڭعى بەس جىلداعى اۋانىڭ لاستانۋ كورسەتكىشىن ەسكەرگەن. سونداي-اق عالىمدار ولاردىڭ جاسى، جىنىسى، تابىسى مەن تەمەكى شەگۋ تاريزى سەكىلدى فاكتورلاردى جيناقتاعان.

اۋنگتىڭ ايتۋىنشا، زەرتتەۋ سوڭىندا بايقالعان وزگەرىس از مولشەردە بولعانىمەن، وتە ماڭىزدى سانالادى.

«گيپەرتونيا كەزىندە دە جۇرەك كامەراسىنىڭ كولەمى وزگەرەدى. ٴبىراق جاڭا زەرتتەۋدە ناقتى اۋانىڭ لاستانۋ كورسەتكىشى دە وسىنداي ٴقاۋىپ تۋدىراتىنىن انىقتاپ وتىرمىز. ياعني، اۋا تىم لاستانعان جەردە تۇراتىن ادامداردا جۇرەك اۋرۋلارىنا شالدىعۋ ٴقاۋپى جوعارى بولادى»، - دەيدى ول.

ال زەرتتەۋگە قاتىسپاعان مامانداردىڭ ٴبىرى، ليدس ۋنيۆەرسيتەتىنىڭ جۇرەك-قانتامىرلار مەديسيناسى پروفەسسورى كريس گەيلدىڭ ايتۋىنشا، زەرتتەۋگە قاتىسقانداردىڭ تەك تۇراتىن مەكەن-جايى ەسكەرىلگەنىمەن، ولاردىڭ جۇمىسقا بارىپ-كەلىپ، باسقا دا جەرلەردە جۇرەتىنىنە دە ٴمان بەرۋ كەرەك.

«سونداي-اق زەرتتەۋ تەك ٴبىر ساتتىك كورسەتكىشتەردى ەسكەرگەن. ادامداردى بىرنەشە جىل بويى باقىلاعاندا، ناتيجە ناقتىراق بولار ەدى. دەگەنمەن، بۇل زەرتتەۋ اۋا لاستانۋىنىڭ كورسەتكىشى مەن جۇرەك-قانتامىرلار اۋرۋلارى اراسىندا تىعىز بايلانىس بار ەكەنىن دالەلدەدى»، - دەيدى گەيل.

اعىلشىن تىلىنەن اۋدارعان التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي