BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

استاناداعى پەرزەنتحانانىڭ دارىگەرلەرى يزرايلگە وقۋعا بارادى

استانا، baq.kz. بۇگىن استانادا انا مەن بالاعا قىزمەت كورسەتۋدى تۇراقتاندىرۋ ماسەلەسى بويىنشا بريفينگ ٴوتتى. بۇل تۋرالى استانا اكىمدىگىنىڭ رەسمي سايتى حابارلايدى.

جيىندا استانا قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ٴاليا رۇستەموۆا، انا مەن بالا دەنساۋلىعى ٴبولىمىنىڭ باسشىسى ساۋلە مۇقىشەۆا، ەلوردانىڭ شتاتتان تىس باس اكۋشەر-گينەكولوگى يۆان كوركان مەن № 3 پەريناتالدى ورتالىقتىڭ باس دارىگەرى زايتۋنا حاميدۋللينا سپيكەر رەتىندە قاتىسىپ ٴسوز سويلەدى.

كەزدەسۋ بارىسىندا ٴاليا رۇستەموۆا استانا پەريناتالدى ورتالىعى مەن يزرايلدىك دارىگەرلەر اراسىنداعى ارىپتەستىكتىڭ كەڭەيتىلىپ جاتقانى تۋرالى حابارلادى.

«ٴبىزدىڭ اكۋشەر-گينەكولوگتارىمىزدى، انەستەزيولوگ-رەانيماتولوگتارىمىزدى وقىتۋ ٴۇشىن يزرايلدەن ماماندار كەلدى. 18 قاراشادا اكۋشەر-گينەكولوگتار، انەستەزيولوگ-رەانيماتولوگتاردىڭ توبى يزرايلگە وقۋعا بارىپ كەلەدى. ول ٴۇشىن جەرگىلىكتى بيۋدجەتتەن 100 ملن تەڭگە بولىنەدى. بۇل – بوساندىرۋ قىزمەتى ماماندارىن عانا وقىتۋعا ارنالعان قاراجات»، - دەپ اتاپ ٴوتتى ٴا. رۇستەموۆا.

شەتەلدىك ماماندار وسى جىلدىڭ شىلدە ايىندا استانادا بوساندىرۋ قىزمەتىنىڭ مەديسينالىق پەرسونالىنا شەبەرلىك ساباعىن وتكىزۋ ٴۇشىن شاقىرىلعان بولاتىن. بۇدان كەيىن ەكى جاق وقىتۋ سەمينارلارى مەن كونسۋلتاتيۆتى-دياگنوستيكالىق جاردەم شارالارىن وتكىزۋ سالاسىندا ٴوزارا ىنتىماقتاستىق جونىندەگى كەلىسىم-شارتقا قول قويدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي