BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

استاناداعى 44 ەمحانا ازاماتتاردى تىركەۋدى باستادى

ەلىمىزدە ەمحاناعا تىركەلۋ ناۋقانى باستالادى. جىل سايىنعى ٴداستۇرلى كامپانيا ەكى ايعا سوزىلادى. تىركەلۋ ناۋقانى شەڭبەرىندە قازاقستاندىقتار، قر اۋماعىندا تۇرعىلىقتى تۇراتىن شەتەل ازاماتتارى جانە ازاماتتىعى جوق تۇلعالار ەمحانانى ەركىن تاڭداۋ قۇقىعىن پايدالانا الادى، دەپ حابارلايدى baq.kz اقپارات اگەنتتىگى.

استانا قالاسى بويىنشا باستاپقى مەديسينالىق-سانيتارلىق كومەك كورسەتەتىن 44 دەنساۋلىق ساقتاۋ سۋبەكتىسى تۇرعىنداردى تىركەۋگە دايىن. ونىڭ ىشىندە 31 مەديسينالىق قىزمەتتى جەتكىزۋشى تىركەلگەن حالىقپەن جۇمىس جاساپ كەلسە، 13 مەكەمە قالالىق قوردىڭ جەتكىزۋشىلەر تىزىمىنە جاڭادان ەنگەندەر. تىركەۋ ناۋقانىنا قاتىسۋعا العاش نيەت بىلدىرگەن جەتكىزۋشىلەر جەكە مەنشىك ەمحانالار ەكەنىن ايتا كەتكەن ٴجون.

«استانادا الدىڭعى جىلعى تىركەۋ ناۋقانىنىڭ قورىتىندىسى بويىنشا 1 034 ملن ادام ەمحانالارعا تىركەلدى. قالا تۇرعىندارى سانىنىڭ ديناميكالىق وسۋىنە بايلانىستى بيىل بۇل كورسەتكىش وزگەرەدى دەپ كۇتۋدەمىز.»، - دەيدى «ٴامسق» كەاق استانا قالاسى بويىنشا فيليالىنىڭ ديرەكتورى ن.قابدىقاپاروۆ.

استانا قالاسى تۇرعىندارعا مەديسينالىق قىزمەت كورسەتۋ بويىنشا 556 ۋچاسكەلەرگە بولىنگەن. ياعني، قازىرگى تاڭدا ٴبىر دارىگەرگە جۇكتەلگەن جۇكتەمە 1859 ادامدى قۇرايدى. كەلەسى جىلدان باستاپ دارىگەرلەرگە تۇسەتىن جۇكتەمە مەن ەمحانالارداعى كەزەكتى ازايتۋ ماقساتىندا تىركەۋ شەگى بەلگىلەنەدى. ول بويىنشا ٴبىر جالپى پراكتيكا دارىگەرىنە تىركەلەتىن ادام سانى 1700-دەن اسپاۋى ٴتيىس.

ەمحانالارعا تىركەلۋ ٴۇشىن ازاماتتار تاڭداپ العان مەديسينا ۇيىمىنا تىكەلەي بارىپ، ەلەكتروندى ۇكىمەت پورتالى ارقىلى ونلاين رەجىمدە جانە حالىققا قىزمەت كورسەتۋ ورتالىقتارى ارقىلى تىركەلە الادى. ەمحانا ارقىلى تىركەلۋ ٴۇشىن جەكە كۋالىگىڭىزدى الىپ، باس دارىگەردىڭ اتىنا ٴوتىنىش جازاسىز. ونلاين رەجىمدە تىركەلۋ ٴۇشىن جۇيەگە كىرىپ، ەلەكتروندى ٴوتىنىمدى تولتىراسىز. ال حقكو ارقىلى تىركەلۋ ٴۇشىن connection points ٴبولىمىنىڭ قىزمەتىن قولدانا الاسىز.

ن.قابدىقاپاروۆتىڭ ايتۋىنشا، ەمحاناعا تىركەلەر الدىندا وتباسىلىق قىزمەت كورسەتۋ جانە مەديسينالىق-سانيتارلىق كومەكتىڭ قولجەتىمدىلىگى پرينسيپتەرىن ەسكەرە وتىرىپ، ۇيىڭىزگە جاقىن ەمحانانى تاڭداعان ٴجون. بۇل پرينسيپ ناۋقاسقا دارىگەردىڭ جەدەل كومەك كورسەتۋىنە مۇمكىندىك بەرەدى. ازاماتتاردى ەمحانالارعا تىركەيتىن مەكەمەلەردىڭ ٴتىزىمى «ٴامسق» كەاق-نىڭ https://fms.kz/kk/select-medical-inst ينتەرنەت-رەسۋرسىندا بەرىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي