BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

باس دارىگەر: اناسىنا وتا جاسالعان ٴسابي ومىرگە تابيعي جولمەن كەلدى

استانا، baq.kz ٴتىلشىسى. استاناداعى №2 كوپبەيىندى قالالىق اۋرۋحانانىڭ دارىگەرلەرى جۇكتىلىكتىڭ 32-اپتاسىندا وتا جاسالعاننان كەيىن تابيعي جولمەن بوسانىپ، ودان كەيىن تاعى دا وتا جاسالعان كەلىنشەكتىڭ قازىرگى دەنساۋلىق جاعدايى تۋرالى ايتتى.

1991 جىلعى گۇلجان ماراتجانقىزى جۇكتىلىكتىڭ 32-اپتاسىندا ٴىشى بۇراپ اۋىرىپ، ٴوزىن جايسىز سەزىنگەن. دارىگەرلەر ونىڭ توقىشەگى ۇلعايىپ، 180 گرادۋسقا دەيىن بۇرالىپ قالعانىن انىقتاپ، شۇعىل وتا جاساۋعا شەشىم قابىلداعان. سەبەبى ىشەك تە باۋىر مەن بۇيرەك سياقتى ماڭىزدى مۇشە، ول دۇرىس جۇمىس ىستەمەسە ادام ٴومىر سۇرە المايدى.

«گارتمان وتاسى جۇكتى ايەلگە العاش رەت جاسالىپ وتىر. وتا بارىسىندا ونىڭ توق ىشەگىنىڭ ەنى 10 سانتيمەتر، جالپى ديامەترى 40 سانتيمەتر بولىپ ۇلعايىپ كەتكەنىن جانە ىرىڭدەپ تۇرعانىن كوردىك. مۇنداي ىشەكپەن كەلىنشەك وسى ۋاقىتقا دەيىن قالايشا امان-ەسەن جۇرگەنىنە ٴوزىمىز تاڭ قالامىز. ىشەكتىڭ ۇلعايىپ تۇرعان بولىگىن الىپ تاستادىق. مۇنداي جاعدايدا جاسالعان وتا تاريحى مىندەتتى تۇردە مەديسينا جونىندەگى وقۋلىققا كىرەدى»، - دەيدى №2 قالالىق كوپبەيىندى اۋرۋحانانىڭ باس دارىگەرى، مەديسينا عىلىمدارىنىڭ دوكتورى لي يۆان.

وتا ٴساتتى اياقتالىپ قانا قويماي، ارادا بەس كۇن وتكەن سوڭ گۇلجاننىڭ تولعاعى باستالىپ، تابيعي جولمەن بوسانعان. كەلىنشەكتىڭ ىشەكتەرى بىر-بىرىنە جابىسىپ قالعاندىقتان، نارەستەسىن ومىرگە الىپ كەلگەننەن كەيىن كەزەكتى وتا جاسالعان.

«نارەستەگە تىنىس الۋ جولدارىنىڭ بۇزىلۋشىلىعى سيندرومى دياگنوزى قويىلدى. ونى نەوناتولوگتار مەن سيرەك كەزدەسەتىن سالا ماماندارى قارادى. قازىرگى ۋاقىتتا ستاندارتتى كۇتىم قابىلداپ، جاساندى جولمەن قورەكتەنىپ جاتىر»، - دەيدى باس دارىگەر.

سونداي-اق، مەديسينا عىلىمدارىنىڭ دوكتورى لي يۆان التى ايدان كەيىن گۇلجانعا تاعى دا وتا جاسالاتىنىن ايتتى.

«ونىڭ جاعدايى جاقسارعاننان كەيىن قالپىنا كەلتىرۋ وتاسى جاسالادى، ياعني ىشەكتەرىن قايتادان بىر-بىرىنە جالعايمىز. تاعى ٴبىر ايتا كەتەرلىگى، گۇلجان دەنساۋلىق جاعدايىن قالپىنا كەلتىرگەننەن كەيىن تاعى دا ٴسابي كوتەرۋگە مۇمكىندىگى بار»، - دەيدى ول.

گۇلجان ماراتجانقىزى وتا جاساعان دارىگەرلەرگە العىس ايتىپ، قازىرگى دەنساۋلىق جاعدايى قالاي ەكەنىن ايتتى.

«كىشكەنتاي كەزىمنەن ٴىشىم اۋىراتىن، ياعني ۇلكەن دارەتكە اپتاسىنا ٴبىر رەت قانا باراتىنمىن جانە بۇل مەن ٴۇشىن قالىپتى جاعداي ەدى. جۇكتىلىك كەزىندە دارىگەرگە ەشقانداي شاعىم ايتقان جوقپىن. مۇمكىن ەرتەرەك ايتقاندا مۇنىڭ الدىن الۋشى ما ەدى. مەنىڭ ٴومىرىم ٴۇشىن كۇرەسىپ، وتا جاساعان دارىگەرلەرگە العىس ايتام. تۇڭعىشىمىزدىڭ اتىن ايسانا دەپ اتادىق»، - دەيدى ول.

بۇعان دەيىن 95% ادام ولىمىمەن اياقتالاتىن وتادان امان قالعان انا مەن بالا تۋرالى جازعان بولاتىنبىز. قىركۇيەك ايىندا استانا قالاسىنىڭ №2 كوپبەيىندى قالالىق اۋرۋحاناسىنىڭ اكۋشەرلىك بولىمىنە جۇكتى ايەل اۋىر جۇرەك سىرقاتىمەن تۇسكەن. دارىگەرلەر شۇعىل تۇردە وتا جاساپ، انا مەن بالانىڭ ٴومىرىن ساقتاپ قالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي