BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

استانادا ٴسابيلى بولعان ٴۇش ايەلدىڭ نەدەن قايتىس بولعانى الداعى ۋاقىتتا بەلگىلى بولادى – مينيستر

پەريناتالدىق ورتالىقتا بولعان انا ولىمىنە قاتىستى ساراپتاما جۇرگىزىلۋدە. ونىڭ قورىتىندىسى الداعى ۋاقىتتا شىعارىلادى. بۇل تۋرالى وكق-دا وتكەن بريفينگتە قر دەنساۋلىق ساقتاۋ ٴمينيسترى ەلجان ٴبىرتانوۆ ايتتى، دەپ حابارلايدى baq.kz ٴتىلشىسى.

«پەريناتالدىق ورتالىقتا بولعان جاعدايعا توقتالايىن. وكىنىشكە قاراي، ٴۇش ايەل كوز جۇمدى. جالپى ەلىمىزدە انا ٴولىمى كورسەتكەشىنىڭ ارتقانى بايقالادى. انا ولىمىنە قاتىستى وقيعالار تولىق تەرگەۋدى تالاپ ەتەدى. سوندىقتان بۇل جاعدايلار تولىعىمەن تەكسەرىستەن وتەدى. قازىرگى تاڭدا ٴتيىستى زەرتتەۋلەر جۇرگىزىلۋدە»، - دەدى مينيستر.

سونىمەن قاتار، ەلجان ٴبىرتانوۆ ەلوردادا ٴسابيلى بولعان ٴۇش ايەلدىڭ نەدەن قايتىس بولعانى الداعى ۋاقىتتا بەلگىلى بولاتىنىن ايتا كەلە، ساراپتامانىڭ قورىتىندىسىن قر قوعامدىق دەنساۋلىق ساقتاۋ كوميتەتىنىڭ ٴتوراعاسى جانداربەك بەكشين مالىمدەيتىنىن اتاپ ٴوتتى.

«قوعامدىق دەنساۋلىق ساقتاۋ كوميتەتىنىڭ ٴتوراعاسى جانداربەك مۇحتار ۇلى وسىندا وتىر. تەكسەرىستىڭ قورىتىندىسى شىققان كەزدە الداعى بريفينگتىڭ بىرىندە ول ٴۇش انانىڭ نەدەن قايتىس بولعانى تۋرالى اقپارات سىزدەرگە بەرەدى. بۇل اقپارات قۇپيا ەمەس»، - دەدى ۆەدومستۆو باسشىسى.

سونداي-اق، دەنساۋلىق ساقتاۋ ٴمينيسترى انا مەن بالا ولىمىنە قاتىستى دەرەكتەر ونىڭ جەكە باقىلاۋىندا ەكەنىن ايتتى.

«بولعان وقيعالاردان قورىتىندى شىعارۋ ماڭىزدى. ٴبىز وسى باعىتتا تۇراقتى جۇمىس جۇرگىزۋدەمىز. ياعني بىزدە رەسپۋبليكالىق دەڭگەيدە انا ٴولىمى تۋرالى مالىمەت جينايتىن ارنايى شتاب بار. سونداي-اق، اي سايىن انا ٴولىمى بويىنشا دەرەكتەردى مينيستر مەن ۆيسە-مينيستر باقىلاپ وتىرادى»، - دەپ تۇيىندەدى ٴسوزىن ەلجان ٴبىرتانوۆ.

ەستەرىڭىزگە سالا كەتەيىك، وسىعان دەيىن استاناداعى № 1 پەريناتالدىق ورتالىقتا بوسانعان ٴۇش ايەل قايتىس بولعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي