BAQ.kz - Қазақстан жаңалықтары USD 360.87 BAQ.kz - Қазақстан жаңалықтары EUR 410.27 BAQ.kz - Қазақстан жаңалықтары RUB 5.4
استانا:

استانادا وسى ۋاقىتقا دەيىن 42 ادام سپيد-تەن كوز جۇمعان

فوتو: Автор

جىل سايىن مامىر ايىنىڭ ٴۇشىنشى جەكسەنبىسىندە بۇكىلالەمدىك جيتس (سپيد) قۇرباندارىن ەسكە الۋ كۇنى اتاپ وتىلەدى. ايتۋلى داتاعا وراي بۇگىن قالامىزداعى مەنەدجمەنت جانە بيزنەس كوللەدجىندە جيتس ورتالىعى ماماندارى، قالاداعى بىرنەشە كوللەدجدەردىڭ ستۋدەنتتەرى جانە وقۋ ورنىنىڭ قىزمەتكەرلەرىنىڭ قاتىسۋىمەن «ۇمىتپايمىز، بىلەمىز، جەڭەمىز!» تاقىرىبى اياسىندا اكسيا ٴوتتى، دەپ حابارلايدى baq.kz ٴتىلشىسى.

جيتس-تەن قازا بولعانداردى ەسكە الۋ كۇنىن وتكىزۋدىڭ ماقساتى – الەمدى قوعامنىڭ ايتۆ/جيتس-ڭ تارالۋ ماسەلەلەرىنە كوڭىل ٴبولۋى، ايتۆ-جۇقتىرعانداردى الەۋمەتتىك قورعاۋ، اۋرۋدى ەمدەۋ جانە الدىن الۋ. جيتس-تىڭ الدىن الۋ جانە وعان قارسى كۇرەس ورتالىعىنىڭ باس دارىگەرىنىڭ ورىنباسارى سالتانات مۋسينا ادامنىڭ يممۋن تاپشىلىعىنىڭ ۆيرۋسى (ايتۆ) بۇگىنگى كۇنى مەديسينا قىزمەتكەرلەرىن عانا ەمەس، بۇكىل قوعامدى الاڭداتىپ وتىرعان ماسەلە دەپ اتاپ ٴوتتى.

«اسىرەسە وزدەرىڭىز سياقتى قىرشىن جاستاردىڭ وسى اۋرۋدىڭ قاقپانىنا ىلىگۋى بىزگە ۇرەي تۋعىزىپ وتىر. ونىڭ سەبەبى – البىرت جاستارىمىزدىڭ اتالمىش اۋرۋدىڭ جۇعۋ جولدارىنا ٴمان بەرمەۋىندە. قازىرگى تاڭدا اۋرۋدى جۇقتىرعانداردىڭ 70 پايىزى ونى جىنىستىق جولمەن قابىلداپ العان. سول سەبەپتى دە ٴبىز سىزدەرمەن ٴجيى جۇزدەسىپ، اۋرۋدىڭ الدىن الۋ ماقساتىندا وسىنداي ٴىس-شارالاردى ٴجيى ۇيىمداستىرامىز» – دەدى مۋسينا.

مامانداردىڭ مالىمەتىنشە قالامىزدا بىلتىرعى جىلدىڭ ٴتورت ايىندا اتالمىش ىندەتكە 72 ادام شالدىقسا، بيىل 64 ادام وسى دەرتتىڭ تۇزاعىنا تۇسكەن. قالامىزدا ۇدەمەلى وسىممەن العاندا بۇگىنگە دەيىن 1489 ادامدا ايتۆ انىقتالعان. وسىنىڭ ٴ42-سى ٴسپيد-تىڭ سالدارىنان كوز جۇمعان. اتالمىش دەرت وتكەن عاسىرلاردا ولىمگە اكەلەتىن سىرقات بولىپ سانالاتىن ەدى، قازىرگى تاڭدا ايتۆ جۇقپاسى سوزىلمالى اۋرۋ رەتىندە قارالادى. وسى دەرتكە شالدىققان اندرەي قانشاما جىل كۇرەسكەنىن اتاپ ٴوتتى.

«اۋرۋ ايتىپ كەلمەيدى. دەگەنمەن جاستار اسىرەسە داۋاسى جوق سپيد-تەن ساق بولىڭدار. باستىسى جۇعۋ جولدارىنان حاباردار بولىپ، دەنساۋلىقتارىڭا ساۋاتتى بولىڭدار. مەن وتكەن ومىرىمە وكىنەمىن، ٴبىراق بۇگىنىمە دە تاۋبە ەتەم. وسى دەرتتىڭ سالدارىنان قانشاما جان كوز جۇمدى. ال مەن سىزدەردىڭ الدارىڭىزدا تۇرمىن. وتكەنىڭنەن ساباق الساڭ، بولاشاعىڭدى جوسپارلاۋعا بولادى ەكەن»، - دەپ ول جاستارعا ٴوز سىرىمەن ٴبولىستى.

ايتۆ جۇقپاسىن جۇقتىرعان ادام ۋاقىتىلى ەم-دومىن قابىلداپ، سالاۋاتتى ٴومىر سالتىن ۇستانعان جاعدايدا بيولوگيالىق قارتتىق جاسىنا دەيىن ٴومىر سۇرە الادى دەگەندى ماماندار ٴجيى ايتادى.

اكسيا كونسەرتتىك باعدارلامالارمەن ۇلاسىپ ۆيكتورينالىق سۇراق-جاۋاپتارمەن جالعاستى. شارا بارىسىندا بارلىق قاتىسۋشىلار اراسىندا ٴتۇرلى ويىندار ويناتىلىپ، جەڭىمپازدارعا باعالى سىيلىقتار ۇيلەستىرىلدى.

سونداي-اق اتالمىش مەكەمەلەردە جاستارعا اۋرۋدان ساقتانۋ جولدارى تۋرالى جازىلعان اقپاراتتتىق پاراقشالار تاراتىلدى. ماماندار كەز كەلگەن ازامات ناتيجەسى 15 مينۋتتىڭ ىشىندە بەلگىلى بولاتىن قانداعى ايتۆ-ينفەكسياسىن انىقتاۋ بويىنشا ەكسپرەسس-تەستىدەن ٴوتۋ مۇمكىندىگىنە يە بولا الاتىنىن ايتتى. جينالعان جاستار «سپيد قۇرباندارىن ۇمىتپايمىز، ٴبىز جاماندىقتان جيرەنۋدى بىلەمىز، بىلگەندىكتەن جەڭەمىز» دەگەن نيەتپەن قىزىل ٴتۇستى شارلاردى اسپانعا ۇشىردى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي