BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

استانادا ونكولوگتاردىڭ حالىقارالىق عىلىمي-تاجىريبەلىك كونفەرەنسياسى ٴوتىپ جاتىر

فوتو: Афтор

بۇگىن استانادا «قاتەرلى ىسىكتەردى دياگنوستيكالاۋ مەن ەمدەۋدەگى دارالاندىرىلعان تاسىلدەمە» اتتى حالىقارالىق عىلىمي-تاجىريبەلىك كونفەرەنسياسى باستالدى، دەپ حابارلايدى baq.kz ٴتىلشىسى.

11، 12 قازاندا وتەتىن كونفەرەنسيادا اياسىندا اپيىندى انالگەتيكتەردىڭ قولجەتىمدىلىگى جانە قازاقستان رەسپۋبليكاسىندا ٴپاللياتيۆتى كومەكتى دامىتۋ ماسەلەلەرى بويىنشا دوڭگەلەك ۇستەل وتەدى، سونداي-اق جاتىر موينىنىڭ قاتەرلى ىسىگىنىڭ سكرينينگى، اۋىر سيمپتومدارى جانە مەديسينا جۇمىسكەرلەرى اراسىندا كاسىپتىك كۇيزەلىستى توقتاتۋ بويىنشا شەبەرلىك ساباقتارىن وتكىزۋ جوسپارلانعان.

«قازاقستاندا ادام دەنساۋلىعى مەن ونىڭ ٴومىرىن ۇزارتۋعا باعىتتالعان جوبالار بار جانە ولار دامۋ ۇستىندە. ەندى بىزگە بۇل باعىتتاعى جۇمىستى جالعاستىرۋ اسا ماڭىزدى. ٴبىزدىڭ ورتالىقتىڭ جىل سايىن وسىنداي عىلىمي فورۋمداردى وتكىزىپ وتىراتىنى يگى داستۇرگە اينالدى جانە حالىقارالىق كونفەرەنسياعا قاتىسۋشىلاردىڭ سانى ارتىپ كەلەدى. عىلىمي كونفەرەنسيا بارىسىندا قاتەرلى ىسىكتەردىڭ الدىن الۋ مەن ەمدەۋ، ەرتە دياگنوستيكا مەن سكرينينگ، ەمدەۋدىڭ تىڭ ٴادىسىن ەنگىزۋ، ونكولوگيالىق پاسيەنتتەردىڭ ٴومىر ساپاسىن ارتتىرۋ سياقتى نەعۇرلىم وزەكتى ماسەلەلەر قارالاتىن بولادى»، - دەيدى استانا قالاسىنداعى ونكولوگتار مەن راديولوگتارى قاۋىمداستىعىنىڭ ٴتوراعاسى، استانا اكىمدىگىنىڭ ونكولوگيا ورتالىعىنىڭ باس دارىگەرى مۇحتار تىلەۋتايەۆ.

حالىقارالىق عىلىمي-تاجىريبەلىك كونفەرەنسيانى استانا قالاسىنىڭ قوعامدىق دەنساۋلىق ساقتاۋ باسقارماسى، قازاق ونكولوگيا جانە راديولوگيا عىلىمي زەرتتەۋ ينستيتۋتى مەن استانا اكىمدىگىنىڭ ونكولوگيا ورتالىعى ۇيىمداستىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي