BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

استانادا مەديسينا قىزمەتكەرلەرى حوستەلدەردە تۇرۋى مۇمكىن

فوتو: Нұржас Жақсыбай

استانا قالاسىنىڭ اكىمدىگى مەديسينا قىزمەتكەرلەرىن حوستەلدەردە ورنالاستىرۋ ماسەلەسىن قاراستىرىپ جاتىر. بۇل تۋرالى «نۇر وتان» پارتياسى استانا قالالىق فيليالى ٴتوراعاسىنىڭ ٴبىرىنشى ورىنباسارى باقىت ساپاروۆ ايتتى، دەپ حابارلايدى baq.kz ٴتىلشىسى.

«استانادا باسپاناعا قول جەتكىزۋ وزەكتى ماسەلەلەردىڭ ٴبىرى ەكەنى بەلگىلى. سونداي-اق قالاعا 2-3 مىڭ مەديسينا قىزمەتكەرلەرى جەتىسپەيدى. جالاقىنى ۇكىمەت بەكىتەتىنى بەلگىلى. ەگەر ٴبىز مەديسينا قىزمەتكەرلەرىنىڭ جالاقىسىن كوتەرەيىك دەسەك، اتالعان ماسەلە شەشىلمەيدى. سوندا ەلورداعا جاس مامانداردى قالاي تارتامىز؟ استانا – قازاقستانداعى ەڭ قىمبات قالانىڭ ٴبىرى. اسىرەسە، ٴۇيدى جالعا الۋ بويىنشا»، - دەدى ول مەديسينا قىزمەتكەرلەرىمەن كەزدەسۋ بارىسىندا.

وسى ورايدا باقىت ساپاروۆ مەديسينا قىزمەتكەرلەرىن باسپانامەن قامتاماسىز ەتۋ ماسەلەسىن شەشۋ ٴۇشىن ٴتيىستى جۇمىستار جۇرگىزىلىپ جاتقانىن جەتكىزدى.

«وتكەن جىلى استانادا «ەكسپو-2017» حالىقارالىق كورمەسىن وتكىزۋ ٴۇشىن كوپتەگەن حوستەل سالىندى. حوستەل شاعىن قوناق ٴۇي ەكەنىن بىلەسىزدەر. ونى جالعا الۋ كوپ قاراجاتتى تالاپ ەتپەيدى. ارينە، ولار دا جاقسى جانە جامان دەپ بولىنەدى. حوستەلدەردىڭ اراسىنان جاقسىسىن تاڭداپ الۋ قاجەت. ولار مەديسينالىق مەكەمەلەر مەن كلينيكالار ورنالاسقان اۋدانداردا وتە كوپ. ٴبىز اسەت ورەنتاي ۇلىنا وسى حوستەلدەر تازا، جايلى جابدىقتالعان بولسا، سانيتارلىق تالاپتارعا جاۋاپ بەرسە، دارەتحاناسى مەن ۆانناسى، بالالار وينايتىن الاڭى بولسا، بيۋدجەت قارجىسى ارقىلى جالعا الىنسا دەپ ٴوتىنىش بىلدىردىك. ياعني حوستەلدەردى كاسىپكەرلەردەن بەلگىلەنگەن باعادا جالعا الىنسا دەدىك»، - دەدى ول.

ونىڭ ايتۋىنشا، اتالعان حوستەلدەر تەك ٴبىلىم جانە مەديسينا سالاسىندا جۇمىس ىستەيتىن بيۋدجەت قىزمەتكەرلەرى مەن پوليسياعا بەرىلۋى قاجەت.

«بۇل ۇسىنىستى استانا قالاسىنىڭ اكىمى قولدادى. اتالعان ماسەلە بويىنشا اسەت يسەكەشەۆ ٴوزىنىڭ ورىنباسارى ماليكا بەكتۇروۆاعا ٴتيىستى جۇمىستاردى جۇرگىزۋگە تاپسىرما بەردى. سونداي-اق جاڭا جاتاقحانالار دا سالىنادى. ٴبىراق ونى تۇرعىزۋ ٴۇشىن ٴبىز جەر ۋچاسكەسىن تاپقانشا، اتالعان جاتاقحانانىڭ جوبالىق-سمەتالىق قۇجاتتاماسىن دايىنداعانشا، جوباعا اقشانى تاپقانشا ۋاقىت وتەدى. ٴبىر جاتاقحانانى سالۋ ٴۇشىن 1،5-2 ملرد تەڭگە كەرەك. الايدا حوستەلدەر ارقىلى اتالعان ماسەلەنى 1-قىركۇيەككە دەيىن شەشۋگە بولادى»، - دەدى باقىت ساپاروۆ.

سونداي-اق ول مەديسينا قىزمەتكەرلەرىنىڭ جالاقىسى وتە تومەن ەكەنىن ٴمالىم ەتتى.

«ٴبىز مەدبيكە، مەديسينا قىزمەتكەرلەرىن، جەدەل جاردەم جۇرگىزۋشىلەرىن حوستەلدەرگە ورنالاستىرايىق دەدىك. سەبەبى، ولاردىڭ جالاقىسى وتە تومەن. ولاردىڭ ماسەلەسىن شەشۋگە اكىم قولداۋ ٴبىلدىردى. اتالعان ماسەلە بويىنشا جۇمىستاردى جۇرگىزىپ جاتىرمىز. مەنىڭ ويىمشا، اكىمدىك اتالعان كاتەگورياداعى ازاماتتاردىڭ حوستەلدە تۇرۋ اقىسىن ٴوز موينىنا السا، استانادا ٴبىر ماسەلەنىڭ شەشىلگەنىن بىلدىرەدى»، - دەپ تۇيىندەدى ٴسوزىن «نۇر وتان» پارتياسى استانا قالالىق فيليالى ٴتوراعاسىنىڭ ٴبىرىنشى ورىنباسارى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي