BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

استانادا قانداي دارىگەرلەردىڭ جەتىسپەيتىنى بەلگىلى بولدى

ەلوردا اۋرۋحانالارى مەن ەمحانالارىندا ٴپروفيلدى دارىگەرلەر تاپشى. استانا قالاسىنىڭ قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى جازيرا ەمبەرديەۆا قانداي ماماندار جەتىسپەيتىنىن ناقتىلاپ بەردى، دەپ حابارلايدى baq.kz ٴتىلشىسى.

«ٴبىز قازىرگى تاڭدا كادر جەتىسپەۋشىلىگى پروبلەماسى بار ەكەنىن ٴتۇسىنىپ وتىرمىز. اسىرەسە، نەوناتولوگ، انەستەزيولوگ، رەانيماتولوگ، وتا جاسايتىن اكۋشەر-گينەكولوگ، وتولارينگولوگ ماماندار جەتىسپەيدى. سونداي-اق، كەيبىر ەمحانادا وكۋليستەر تاپشى»، - دەدى ج.ەمبەرديەۆا.

باسقارما وكىلىنىڭ ايتۋىنشا، ۋچاسكەلىك قىزمەتتىڭ، جالپى تاجىريبەلىك دارىگەردىڭ جولداماسى بويىنشا ٴپروفيلدى ماماننىڭ كونسۋلتاسياسى مەن كومەگىن الۋعا بولادى. دەگەنمەن، دارىگەردىڭ قابىلداۋىن ٴبىراز كۇتۋگە تۋرا كەلەدى. ەمبەرديەۆا ەلوردانىڭ مەديسينالىق مەكەمەلەرىندە باسقا مامانداردىڭ جەتىسپەۋشىلىگى جوق ەكەنىن ايتتى.

«الەمدىك تاجىريبە بويىنشا دارىگەر قابىلداۋىن كۇتۋ مەرزىمى 3-4 ايدى قۇرايدى. ٴبىز استانادا وسى كۇتۋ مەرزىمىن بارىنشا ازايتۋعا تىرىسامىز. ارينە، بارلىعى كادر جەتىسپەۋشىلىگىنە بايلانىستى. ٴبىز بۇل ماسەلەنى شەشىپ جاتىرمىز. بىزدە كەلىسىمدەر بار، ەلىمىزدىڭ بارلىق ۋنيۆەرسيتەتتەرىمەن مەموراندۋمعا قول قويىلعان. سونداي-اق، ٴبىز جاس ماماندارعا ارناپ بوس جۇمىس ورىندارى جارمەڭكەسىن تۇراقتى تۇردە وتكىزىپ تۇرامىز. بۇل ولاردىڭ، اسىرەسە ٴپروفيلدى دارىگەرلەردىڭ استانادا قالىپ جۇمىس ىستەۋى ٴۇشىن جاسالىپ وتىر»، - دەپ تۇيىندەدى جازيرا ەمبەرديەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي